ತುಳುವ ಶಕ್ತಿ ಫೌಂಡೇಶನ್‌: ಅನಾಥಾಶ್ರಮಕ್ಕೆ ಕೊಡುಗೆ

Team Udayavani, Sep 4, 2018, 2:21 PM IST

ನವಿಮುಂಬಯಿ: ನವಿಮುಂಬಯಿ ಸೆಕ್ಟರ್‌ 12 ಶಿವಾಜಿಚೌಕ್‌ ಹತ್ತಿರ ವಸಂತ್‌ ಕುಂಜಾರು ಮತ್ತು ಅವರ ಪರಿವಾರದ ಮುಂದಾಳಕತ್ವದಲ್ಲಿ ಸಮಾಜಪರ ಕಾರ್ಯವೆಸಗುತ್ತಿರುವ  ಸಮಾಜದಲ್ಲಿ ತೀರಾ ಬಡವರ ಕಣ್ಣೀರಿರೊರೆಸುವ ಜೊತೆಗೆ  ಅನಾಥರ ಪಾಲಿಗೆ ಬಂಧುಗಳಾಗಿ ಸಂತೈಸಿ ಸೇವೆಗೈಯ್ಯುವ  ಗಿರಿಜಾ ವೆಲ್ಫೆàರ್‌  ಅಸೋಸಿಯೇಶನ್‌ ಅನಾಥಾಶ್ರಮಕ್ಕೆ  ತುಳುವ ಶಕ್ತಿ ಫೌಂಡೇಶನ್‌ ಬಳಗವು ಆ. 26 ರಂದು  ರûಾಬಂಧನದ ದಿನದಂದು ಭೇಟಿಯಿತ್ತು ಅಲ್ಲಿರುವ ನಿರ್ಗತಿಕ ಅನಾಥರಿಗೆ ಒಪ್ಪೊತ್ತಿನ ಅನ್ನದಾನದ ವ್ಯವಸ್ಥೆಯನ್ನು ತಮ್ಮ ಸಂಸ್ಥೆಯ ಮುಖೇನ ನೀಡಿತು.

ತುಳುವ ಶಕ್ತಿಯ ಸಂಸ್ಥಾಪಕ  ಸದಸ್ಯರಾದ ಮಹೇಶ್‌ ಶಾಂತಿ,  ಶೇಖರ್‌  ಕರ್ಕೇರ,  ಬೋಳ ರವಿ ಪೂಜಾರಿ, ಜಗದೀಶ್‌ ಸಾಲ್ಯಾನ್‌, ಸುಧೇಶ್‌ ಪೂಜಾರಿ, ರಂಜನ್‌ ಅಮೀನ್‌, ರವಿ ಬಂಗೇರ, ದಿನೇಶ್‌ ಪೂಜಾರಿ, ಮಹೇಶ್‌ ಪೂಜಾರಿ, ಪ್ರಭಾಕರ ಬೆಳುವಾಯಿ, ಲೋಕೇಶ್‌ ಕುಮಾರ್‌, ಸತೀಶ್‌ ಎರ್ಮಾಳ್‌ ಮತ್ತು ಮೋಹಿನಿ ರವಿ ಪೂಜಾರಿ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

ಮಾತ್ರವಲ್ಲದೆ ಅವರಿಗೆ ಅಗತ್ಯತೆಯ  ನಿತ್ಯ ಬಳಕೆಯ ಸಾಮಗ್ರಿಯ ಜೊತೆಗೆ ಬಟ್ಟೆ ಬರೆಗಳನ್ನಿತ್ತು ತಮ್ಮಿಂದಾದ  ಕಿಂಚಿತ್‌ ಅಳಿಲ ಸೇವೆ ಸಲ್ಲಿಸಿದರು.  ಮಾತ್ರವಲ್ಲದೆ ಅವರ ಕಷ್ಟ ದುಃಖಗಳನ್ನು ಆಲಿಸಿ ಅವರಿಗೆ ಸಾಂತ್ವಾನದ ನುಡಿಗಳಿಂದ  ಖುಷಿ ಪಡಿಸಿ ಅವರಲ್ಲಿ ಆತ್ಮವಿಶ್ವಾಸ ಭರಿಸಿದರು. ಈ ಸಂದರ್ಭದಲ್ಲಿ ಗಿರಿಜಾ ವೆಲ್ಫೆàರ್‌ ಅಸೋಸಿಯೇಶನ್‌ ಸಂಸ್ಥಾಪಕ ಹಾಗೂ ಅಧ್ಯಕ್ಷರಾದ ವಸಂತ್‌ ಕುಂಜಾರು ಸೇರಿದಂತೆ ಸಂಸ್ಥೆಯ ಇತರ ಪದಾಧಿಕಾರಿಗಳು  ಉಪಸ್ಥಿತರಿದ್ದರು.

ನ್ಯಾಯಕ್ಕಾಗಿ ನಮ್ಮ ಹೋರಾಟ ಎಂಬ ಧ್ಯೇಯದೊಂದಿಗೆ ಕಡುಬಡತನ ರೇಖೆಯ ನ್ಯಾಯವಂಚಿತ ಪರಿವಾರಗಳಿಗೆ ಕಾನೂನುಬದ್ಧ ನ್ಯಾಯ ದೊರಕಿಸಿಕೊಡುವುದರ ಜೊತೆಗೆ ನಿರ್ಗತಿಕ ಧೀನರ ಸೇವೆಗೋಸ್ಕರ ಸದಾ ಸಿದ್ಧವಿರುವ ತುಳುವ ಶಕ್ತಿ ಫೌಂಡೇಶನ್‌ ಎÇÉಾ ಜಾತಿ ಧರ್ಮ ವರ್ಗವನ್ನು ಮೀರಿ ಸೇವೆಗೈಯ್ಯುತ್ತಿದೆ.