ಬೇವಿನಕೊಪ್ಪ ವಿಜಯಾನಂದ ಸ್ವಾಮೀಜಿಗಳಿಗೆ ಗುರುವಂದನೆ

Team Udayavani, Feb 14, 2017, 12:06 PM IST

ಮುಂಬಯಿ: ಶ್ರೀ ನಿತ್ಯಾನಂದ ಸೇವಾ ಸಂಸ್ಥೆ ಮೀರಾ-ಭಾಯಂದರ್‌ ಇದರ 8ನೇ ವಾರ್ಷಿಕ ಧಾರ್ಮಿಕ ಕಾರ್ಯಕ್ರಮ ಹಾಗೂ ಶ್ರೀಕ್ಷೇತ್ರ ಗಣೇಶಪುರಿಯ ಪಾದಯಾತ್ರೆಯನ್ನು ಮೀರಾರೋಡ್‌ ಪೂರ್ವದ ಸಿಲ್ವರ್‌ಪಾರ್ಕಿನ ಶ್ರೀ ದೇವಿ ಮಂದಿರದಲ್ಲಿ ಫೆ. 11ರಂದು ಆಯೋಜಿಸಲಾಗಿತ್ತು.

ಸಂಸ್ಥೆಯ ಅಧ್ಯಕ್ಷ ಮಹಾಬಲ ಸಿ. ಸಮಾನಿ, ಗೌರವಾಧ್ಯಕ್ಷ ಆನಂದ ಶೆಟ್ಟಿ ಕುಕ್ಕುಂದೂರು, ಗೌರವ ಪ್ರಧಾನ ಕಾರ್ಯದರ್ಶಿ ಸೀತಾರಾಮ ಸಿ. ಶೆಟ್ಟಿ, ಗೌರವ ಕೋಶಾಧಿಕಾರಿ ಪ್ರಸಾದ್‌ ಹೆಗ್ಡೆ, ಟ್ರಸ್ಟಿಯ ಸದಸ್ಯರು, ನೂತನವಾಗಿ ಆಯ್ಕೆಯಾದ ಪದಾಧಿಕಾರಿಗಳು ಉಪಸ್ಥಿತರಿದ್ದು, ಭಗವಾನ್‌ ನಿತ್ಯಾನಂದ ಭಾವಚಿತ್ರಕ್ಕೆ ವಿಶೇಷ ಪೂಜೆ ಸಲ್ಲಿಸಿದರು.

ಇದೇ ಸಂದರ್ಭದಲ್ಲಿ ಭಗವಾನ್‌ ಶ್ರೀ ನಿತ್ಯಾನಂದರ ಶಿಷ್ಯ ಬೇವಿನಕೊಪ್ಪ ಶ್ರೀ ವಿಜಯಾನಂದ ಸ್ವಾಮೀಜಿ ಅವರನ್ನು ಗುರುವಂದನೆ ಸಲ್ಲಿಸಿ ಗೌರವಿಸಲಾಯಿತು. ಅಲಂಕೃತ ತೆರೆದ ವಾಹನದಲ್ಲಿ ನಿತ್ಯಾನಂದ ಭಾವಚಿತ್ರವನ್ನು ಇಟ್ಟು ಭಜನೆ, ಚೆಂಡೆಗಳ ವಾದನ‌ದೊಂದಿಗೆ ಪಾದಯಾತ್ರೆಯು ಪ್ರಾರಂಭಗೊಂಡಿತು. ಮರುದಿನ ಮುಂಜಾನೆ ಗಣೇಶ್‌ಪುರಿಯಲ್ಲಿ ನಿತ್ಯಾನಂದರ ಪಾದಸ್ಪರ್ಶದೊಂದಿಗೆ ವಿಶೇಷ ಪೂಜೆಗಳು ಜರಗಿತು. ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಯಾತ್ರಾರ್ಥಿಗಳಿಗೆ ಕಾರ್ಯದರ್ಶಿ ಸೀತಾರಾಮ ಸಿ. ಶೆಟ್ಟಿ ವಂದಿಸಿದರು.