ವೆಸ್ಟರ್ನ್ ಇಂಡಿಯಾ ಶನಿ ಮಹಾತ್ಮಾ ಪೂಜಾ ಸಮಿತಿ:  ವಜ್ರ ಮಹೋತ್ಸವ

Team Udayavani, Dec 26, 2018, 2:27 PM IST

ಮುಂಬಯಿ: ವೆಸ್ಟರ್ನ್ ಇಂಡಿಯಾ ಶನಿ ಮಹಾತ್ಮಾ ಪೂಜಾ ಸಮಿತಿಯ ವಜ್ರ ಮಹೋತ್ಸವಕ್ಕೆ ಹರಿಕಥಾ ಕಾಲಕ್ಷೇಪದ‌ ಮೂಲಕ ಡಿ. 22ರಂದು ಚಾಲನೆ ನೀಡಲಾಯಿತು. ಫೋರ್ಟ್‌ನ ಅಲೆಗಾÕಂಡರ್‌ ಶಾಲಾ ಸಭಾಂಗಣದಲ್ಲಿ ಜರಗಿದ ಈ ಪ್ರಥಮ ಸರಣಿ ಕಾಯಕ್ರಮವನ್ನು ಭಾರತ್‌ ಬ್ಯಾಂಕಿನ ನಿರ್ದೇಶಕ ಪುರುಷೋತ್ತಮ ಎಸ್‌. ಕೋಟ್ಯಾನ್‌, ಅಮೀನ್‌ ಬೇರಿಂಗ್‌ನ ಮುಖ್ಯ ಆಡಳಿತ ನಿರ್ದೇಶಕ ಡಿ. ಬಿ. ಅಮೀನ್‌, ಬಪ್ಪನಾಡು ಕ್ಯಾಟರರ್ನ ಬಿ. ಕೂಸಪ್ಪ, ಜನರಲ್‌ ಇನ್ಶೂರೆನ್ಸ್‌ ನ ಪ್ರಬಂಧಕ ಪ್ರಕಾಶ್‌ ಮೂಡಬಿದ್ರೆ, ಸಮಿತಿಯ ಅಧ್ಯಕ್ಷ ಜೆ.ಜೆ. ಕೋಟ್ಯಾನ್‌, ಪದಾಧಿಕಾ ರಿಗಳು,  ಹರಿದಾಸ ದನಂಜಯ ಶಾಂತಿ ಮೊದಲಾದವರು ದೀಪ ಪ್ರಜ್ವಲಿಸಿ ಉದ್ಘಾಟಿಸಿದರು.

ಇದೇ ಸಂದರ್ಭದಲ್ಲಿ ದ್ವಿತೀಯ ಸರಣಿ ಕಾರ್ಯಕ್ರಮವನ್ನು ಭಾಯಂದರ್‌ ಪೂರ್ವದ ಗೋಡ್‌ದೇವ್‌ ನಾಕಾದ ಶುಭಂ ಹಾಲ್‌ನಲ್ಲಿ ಯಕ್ಷಗಾನ ವೈಭವದ ಕಾರ್ಯಕ್ರಮದೊಂದಿಗೆ ಆಚರಿಸ ಲಾಗುವುದು ಎಂದು ಸಭೆಗೆ ಘೋಷಿಸಲಾಯಿತು.

ದಾಸಭಾರ್ಗವ ಬಿರುದಾಂಕಿತ ಎಸ್‌. ಧನಂಜಯ್‌ ಶಾಂತಿ ಅವರ ಹರಿಹರ ಸುತ ಸ್ವಾಮಿ ಅಯ್ಯಪ್ಪ ಎಂಬ ತುಳು ಹರಿಕಥೆಯು ಸಮಿತಿಯ ಸದಸ್ಯ ಮೋಹನ್‌ ಡಿ. ಪೂಜಾರಿ ಮತ್ತು ಪರಿವಾರದವರ ಪ್ರಾಯೋಜಕತ್ವದಿಂದ ನಡೆಯಿತು.

ಅನಂತರ ನಡೆದ ಸಭಾ ಕಾರ್ಯ ಕ್ರಮದಲ್ಲಿ ಸಂಸ್ಥೆಗೆ ದೇಣಿಗೆ ನೀಡಿದ ಚೆಂಬೂರ್‌ನ ಆರ್‌. ಕೆ. ಕೋಟ್ಯಾನ್‌ ದಂಪತಿ, ಹರಿಕಥೆ ಪ್ರಾಯೋಜಕರಾದ ಮೋಹನ್‌ ಡಿ. ಪೂಜಾರಿ ದಂಪತಿ ಹಾಗೂ ಸಮಿತಿಗೆ ನಿರಂತರ ಭಜನಾ ಕಾರ್ಯಕ್ರಮ ನೀಡುತ್ತಿರುವ ವಿದ್ಯಾ ದಾಯಿನಿ ಭಜನ ಮಂಡಳಿ. ತ್ರಿಭುವನೇಶ್ವರಿ ಶನಿ ಮಹಾತ್ಮಾ ಭಜನ ಮಂಡಳಿ, ನ್ಯೂ ಇಂಡಿಯಾ ಇನ್ಶೂÂರೆನ್ಸ್‌ ಭಜನಾ ಮಂಡಳಿ ಹಾಗೂ ಸ್ಟಾÂಂಡರ್ಡ್‌ ಚಾರ್ಟರ್ಡ್‌ ಬ್ಯಾಂಕ್‌ ಭಜನಾ ಮಂಡಳಿಯ ಮುಖ್ಯಸ್ಥರನ್ನು ಸಮ್ಮಾನಿಸಲಾಯಿತು. ವಿವಿಧ ಸಂಘ ಸಂಸ್ಥೆಗಳ ಪ್ರತಿನಿಧಿಗಳನ್ನು ಹೂಗುತ್ಛ ನೀಡಿ ಗೌರವಿಸಲಾಯಿತು.

ಸಮಿತಿಯ ಅಧ್ಯಕ್ಷ ಜೆ. ಜೆ. ಕೋಟ್ಯಾನ್‌ ಪ್ರಾಸ್ತಾವಿಕವಾಗಿ ಮಾತನಾಡಿ, ವಜ್ರ ಮಹೋತ್ಸವವು 2019ರ ಡಿಸೆಂಬರ್‌ನಲ್ಲಿ ನಡೆಯಲಿದ್ದು ಈಗಾಗಲೇ ಸ್ಮರಣ ಸಂಚಿಕೆಯ ಜಾಹೀರಾತು ಪತ್ರಿಕೆಗಳಲ್ಲಿ ಬಿಡುಗಡೆ ಆಗಿದೆ. ಪ್ರತಿ ತಿಂಗಳು ವಿವಿಧ ಸ್ಥಳಗಳಲ್ಲಿ ಸರಣಿ ಕಾರ್ಯಕ್ರಮಗಳು ನಡೆಯಲಿವೆ. ಈ ಎಲ್ಲ ಕಾರ್ಯಕ್ರಮಗಳಿಗೆ ಶನಿ ಭಕ್ತರ, ಕಲಾ ಪೋಷಕರ ಸಹಕಾರ  ಅಗತ್ಯವಿದೆ ಎಂದರು.

ಅತಿಥಿ ಡಿ. ಬಿ. ಅಮೀನ್‌ ಮಾತನಾಡಿ, 74 ವರ್ಷಗಳ ಹಿಂದೆ ನಿಸ್ವಾರ್ಥ ಸೇವೆಯಿಂದ ಈ ಸಂಸ್ಥೆಯನ್ನು ಸ್ಥಾಪಿಸಿದ ಸ್ಥಾಪಕರನ್ನು ನೆನಪಿಸುವುದು ಅಗತ್ಯವಾಗಿದೆ. ಅವರ ಒಗ್ಗಟ್ಟಿನ, ಒಮ್ಮನಸ್ಸಿನ ಸೇವೆಯೇ  ಸಂಸ್ಥೆಯ ಏಳಿಗೆಗೆ ಕಾರಣವಾಗಿದೆ. ನಾವೆಲ್ಲರೂ ಕೂಡಿ ವಿಜೃಂಭಣೆಯಿಂದ ಅಮೃತ ಮಹೋತ್ಸವವನ್ನು ಆಚರಿಸೋಣ ಎಂದು ನುಡಿದರು.

ಅತಿಥಿಗಳು ಸಂದಭೋìಚಿತವಾಗಿ ಮಾತನಾಡಿ ಸಮಿತಿಯ ಸರ್ವ ಕಾರ್ಯಕ್ರಮಗಳಿಗೆ ಶುಭ ಹಾರೈಸಿದರು. ಸಮಾರಂಭದ ಅಧ್ಯಕ್ಷ ಪುರುಷೋತ್ತಮ ಎನ್‌. ಕೋಟ್ಯಾನ್‌ ಮಾತನಾಡಿ, ಹೊಟ್ಟೆಪಾಡಿಗಾಗಿ ಮುಂಬಯಿ ಮಹಾನಗರಕ್ಕೆ ಆಗಮಿಸಿದ ನಮ್ಮ ಹಿರಿಯ ತುಳು ಕನ್ನಡಿಗರು ವೆಸ್ಟರ್ನ್ ಇಂಡಿಯಾ ಶನಿ ಮಹಾತ್ಮಾ ಪೂಜಾ ಸಮಿತಿಯಂತೆ ಹಲವಾರು ಸಂಘ ಸಂಸ್ಥೆಗಳನ್ನು ಹುಟ್ಟಿ ಬೆಳೆಸಿದ್ದಾರೆ. ಆಧ್ಯಾತ್ಮಿಕವಾಗಿ ಬಹಳ ಸಮಾಜಸೇವೆಯನ್ನು ಮಾಡಿದ್ದಾರೆ. ಇಂತಹ ಸಂಸ್ಥೆಯ ಅಮೃತ ಮಹೋತ್ಸವಕ್ಕೆ ನಾವೆಲ್ಲ ಒಟ್ಟಾಗಿ ಅಣಿಯಾಗುವ ಎಂದು ಹೇಳಿ ಅಲ್ಲಲ್ಲಿ ನಡೆಯಲಿರುವ ಎಲ್ಲ ಸರಣಿ ಕಾರ್ಯಕ್ರಮಗಳಿಗೆ ಪ್ರೋತ್ಸಾಹಿಸಬೇಕೆಂದರು.

ಈ ಸಂದರ್ಭದಲ್ಲಿ ಪತ್ರಕರ್ತ ಮತ್ತು ಛಾಯಾಚಿತ್ರಗಾರ ಉಮೇಶ್‌ ಕೆ. ಅಂಚನ್‌ ಅವರ ವೀಡಿಯೋ ಸಂಯೋಜನೆ ಮತ್ತು ತಾಂತ್ರಿಕ ನಿರ್ದೇಶನದಲ್ಲಿ ಚಿತ್ರೀಕರಿಸಲ್ಪಟ್ಟ ಧನಂಜಯ್‌ ಶಾಂತಿ ಅವರ ಹರಿಹರ ಸುತ ಸ್ವಾಮಿ ಅಯ್ಯಪ್ಪ ಹರಿಕಥೆಯನ್ನು 3ನೇ ಬಾರಿ ಪುನರ್ಬಿಡುಗಡೆ ಮಾಡಲಾಯಿತು.

ಅತಿಥಿಗಳನ್ನು ಸಮಿತಿಯ ಕೋಶಾಧಿಕಾರಿ ಶರತ್‌ ಪೂಜಾರಿ ಸ್ವಾಗತಿಸಿದರು. ಕಾರ್ಯದರ್ಶಿ ವಿಶ್ವನಾಥ ಭಂಡಾರಿ ವಂದಿಸಿದರು. ಕಾರ್ಯಕ್ರಮವನ್ನು ಹರೀಶ್‌ ಶಾಂತಿ ನಿರೂಪಿಸಿದರು.ಸಮಿತಿಯ ಸದಸ್ಯರು, ಹರಿಕಥಾ ಪ್ರೇಮಿಗಳು, ಪರಿಸರದ ಸಂಘ ಸಂಸ್ಥೆಗಳ ಪ್ರತಿನಿಧಿಗಳು ಉಪಸ್ಥಿತರಿದ್ದರು.