ಅಸಲ್ಫಾದಲ್ಲಿ “ನಾನೇಕೆ ಬರೆಯುತ್ತಿದ್ದೇನೆ’ ವಿಚಾರಿತ ಸಂವಾದ ಕಾರ್ಯಕ್ರಮ

Team Udayavani, Oct 9, 2018, 3:42 PM IST

ಮುಂಬಯಿ: ತಂದೆಯ ಸ್ವಾತಂತ್ರವೇ ನಮ್ಮನ್ನು ಈ ಮಟ್ಟಕ್ಕೆ ಬೆಳೆಸಿದೆ. ಬರೆದ ಮೇಲೆ ನೋವು ಕಡಿಮೆ ಯಾಗತೊಡಗಿದಂತೆ ನನ್ನಬರವಣಿಗೆಯೇ ಬದುಕನ್ನೇ ಬದ ಲಾಯಿಸಿತು. ಓದಿನಿಂದ ಬದುಕನ್ನು ಬದಲಾಯಿಸಿಕೊಂಡ ನಾನು ಕವಿತೆಯೊಡನೆ ಮನಸೆಳೆದು  ಕಂಕಣ ಭಾಗ್ಯಕ್ಕೆ  ಪ್ರಾಪ್ತಳಾದೆ. ಹೆಣ್ಣಿನ ಪರಿಸ್ಥಿತಿ ಮೇಲೆ ಸಮಾಜದ ಉದ್ದೇಶಗಳು ಏನಿದ್ದರೂ ಅದನ್ನು ಹೆಣ್ಣಾದವಳು ಮೆಟ್ಟಿನಿಂತು ಸದ್ಗುಣಶೀಲಳಾಗಿ ಜಯಿಸಿಕೊಳ್ಳಬೇಕು. ಹೆಣ್ಣಿಗೆ ಹೆಣ್ಣೇ ಅಬಲೆಯಂತೆ ಕಾಣುವುದಕ್ಕಿಂತ ಸ್ವಂತಿಕೆಯ ಛಲದಿಂದ ಸಫಲತೆ ಕಂಡುಕೊಳ್ಳಬೇಕು. ಸಂಪ್ರದಾಯ ಕ್ಕಿಂತ ವ್ಯಕ್ತಿ ಸ್ವಾತಂತ್ರÂ ಮೆಲೆಂದೆಣಿಸಿದ ಈ ಸಮಾಜದಲ್ಲಿ ನಮ್ಮ ನೋವನ್ನು ಬರವಣಿಗೆಯಲ್ಲಿ  ವ್ಯಯಿಸಿ ನಾವು ಶುದ್ಧಿಗಳಾಗಬೇಕು. ಬರಹಗಾರರಿಗೆ ಅನುಕರಣೆ ಅಪಾಯದ ಶಬ್ದವಾ ಗಿದ್ದು ಸ್ವಭಾಷೆಯ ಬರಹಗಳೇ  ಸಮಾಧಾನಕೊಡುತ್ತದೆ. ಆದ್ದರಿಂದ ಪಾತ್ರಕ್ಕೆ ವ್ಯಕ್ತಿತ್ವ ಹುಟ್ಟಿದಂತೆ ಆಗುತ್ತದೆ ಎಂದು ಹುಬ್ಬಳ್ಳಿಯ ಸಾಹಿತಿ, ಕಾದಂಬರಿಗಾರ್ತಿ ಸುನಂದಾ ಪ್ರಕಾಶ ಕಡಮೆ ತಿಳಿಸಿದರು.

ಅ.6 ರಂದು ಸಂಜೆ ಘಾಟ್ಕೊàಪರ್‌ ಪಶ್ಚಿಮದ ಅಸಲ್ಫಾದ ಶ್ರೀ  ಕ್ಷೇತ್ರ ಗೀತಾಂಬಿಕಾ ದೇವಸ್ಥಾನದ ಸಭಾ ಗೃಹದಲ್ಲಿ ಮುಂಬಯಿ ವಿಶ್ವ ವಿದ್ಯಾ ಲಯದ ಕನ್ನಡ ವಿಭಾಗ ಮತ್ತು ನೃತ್ಯ ಅಭಿನಯ ಕಲಾಕ್ಷೇತ್ರ ಇವುಗಳ ಜಂಟಿ ಆಶ್ರಯದಲ್ಲಿ ನಡೆದ “ನಾನೇಕೆ ಬರೆಯುತ್ತಿದ್ದೇನೆ’ ವಿಚಾರಿತ ಸಂವಾದ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಯಾವುದೇ ಹಿನ್ನೆಲೆಯಿಲ್ಲದೆ ಸಾಹಿತ್ಯ ಲೋಕಕ್ಕೆ ಅಂಟಿಕೊಂಡ ನಾನು ಕವಿಯಾಗಿ ಗುರುತಿಸಿಕೊಂಡಿರುವೆ.  ಸಾಹಿತ್ಯಕ ವಾತಾವರಣ ಇಲ್ಲದೇ ಈ ತನಕ ಮುನ್ನಡೆದು ಬಂದು ಸಾಹಿತ್ಯವನ್ನು ಎದೆಯಾಳದಲ್ಲಿ ತಿಳಿದುಕೊಂಡು ಅದರ ಜೊತೆಗೆನೇ ಬದುಕು ಕಟ್ಟಿಕೊಂಡೆ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕನ್ನಡ ವಿಭಾಗ ಮುಂಬಯಿ ವಿಶ್ವವಿದ್ಯಾಲಯ ಕನ್ನಡ ವಿಭಾಗದ ಮುಖ್ಯಸ್ಥ ಡಾ| ಜಿ. ಎನ್‌. ಉಪಾಧ್ಯ ಅವರು ಮಾತನಾಡಿ, ಸಾಹಿತ್ಯ ಚೇತನ ನೀಡಿದ ಇವರು ಸಾಹಿತ್ಯದ ಬದುಕನ್ನು ಕಟ್ಟಿಕೊಂಡವರು. ಬರವಣಿಗೆಯಿಂದ ಬದುಕು ಸಾಧ್ಯ ಎಂದು ತೋರಿಸಿಕೊಟ್ಟ  ಸುನಂದಾ ಪ್ರಕಾಶ್‌ ಅವರು ಮಹಿಳಾ ಸಶಕ್ತಿಗೆ ನೀಡಿದ ಧೀಮಂತ ಲೇಖಕಿಯಾಗಿದ್ದಾರೆ ಎಂದರು.
ವೇದಿಕೆಯಲ್ಲಿ ಹಿರಿಯ ಹೆಸರಾಂತ ಕವಿ ಪ್ರಕಾಶ ಕಡಮೆ, ವಿದ್ಯಾಧರ ಕನ್ನಡ ಪ್ರತಿಷ್ಠಾನ ಧಾರವಾಡ-ಮುಂಬಯಿ ಅಧ್ಯಕ್ಷ ವಿದ್ಯಾಧರ ಮುತಾಲಿಕ ದೇಸಾಯಿ, ಹಿರಿಯ ಸಾಹಿತಿ ಡಾ| ವಿಶ್ವನಾಥ್‌ ಕಾರ್ನಾಡ್‌, ಪತ್ರಕರ್ತ ಶ್ರೀನಿವಾಸ ಜೋಕಟ್ಟೆ ಅವರು ಉಪಸ್ಥಿತರಿದ್ದರು. ಕಾಳನಾಯಕ ವಿ. ಮೈಸೂರು, ಗಿರಿ ಸೂರ್ಯರಾಮ ಉಡುಪಿ, ಹೇಮಾ ಸದಾನಂದ ಅಮೀನ್‌, ಪತ್ರಕರ್ತ ಸೋಮನಾಥ್‌ ಕರ್ಕೇರ, ಕೆ. ನಾರಾಯಣ,  ಜಯಲಕ್ಷಿ ¾à ಜೋಕಟ್ಟೆ, ರಮಾ ಉಡುಪ, ಕುಮುದಾ ಆಳ್ವ, ಜ್ಯೋತಿ ಶೆಟ್ಟಿ, ವಿನೋದ್‌ ಹುಬ್ಬಳ್ಳಿ, ಚಂದ್ರಶೇಖರ್‌ ಬೆಳಗಾವಿ, ಡಾ| ಕರುಣಾಕರ್‌ ಶೆಟ್ಟಿ, ಸಾ. ದಯಾ, ಅಶೋಕ್‌ ಎಸ್‌. ಸುವರ್ಣ, ನಂದಾ ಶೆಟ್ಟಿ ಕಲ್ಯಾಣ್‌, ಡಾ| ಉಮಾ ರಾವ್‌, ಅನುಪಮಾ ಎನ್‌. ಎಸ್‌. ಗೌಡ, ಸದಾನಂದ ಅಮೀನ್‌, ಲತಾ ಸಂತೋಷ್‌ ಶೆಟ್ಟಿ ಮುದ್ದುಮನೆ, ಸುರೇಖಾ ಶೆಟ್ಟಿ ಪಾಲ್ಗೊಂಡರು. ಲೇಖಕಿ ಹೇಮಾ ಸದಾನಂದ ಅಮೀನ್‌ ಸ್ವಾಗತಿಸಿದರು. ಕನ್ನಡ ವಿಭಾಗದ ಸಹ ಪ್ರಾಧ್ಯಾಪಕಿ ಡಾ| ಪೂರ್ಣಿಮಾ ಎಸ್‌. ಶೆಟ್ಟಿ ಸಂವಾದ ನಡೆಸಿದರು. ಸುರೇಖಾ ಎಸ್‌. ದೇವಾಡಿಗ ವಂದಿಸಿದರು. 

ಚಿತ್ರ- ವರದಿ: ರೋನ್ಸ್‌ ಬಂಟ್ವಾಳ್‌