100 ಮೀ. ಬ್ಯಾಕ್‌ಸ್ಟ್ರೋಕ್‌:  ಕ್ಯಾತ್ಲಿನ್‌ ಬೆಕರ್‌ ವಿಶ್ವದಾಖಲೆ

Team Udayavani, Jul 30, 2018, 2:55 PM IST

ನ್ಯೂಯಾರ್ಕ್‌: ಅಮೆರಿಕದ ಈಜುಗಾರ್ತಿ ಕ್ಯಾತ್ಲಿನ್‌ ಬೆಕರ್‌ 100 ಮೀ. ಬ್ಯಾಕ್‌ಸ್ಟ್ರೋಕ್‌ನಲ್ಲಿ ವಿಶ್ವದಾಖಲೆ ನಿರ್ಮಿಸಿದ್ದಾರೆ.

ಶನಿವಾರ ನಡೆದ ಅಮೆರಿಕದ ಈಜುಕೂಟದಲ್ಲಿ ಬೇಕರ್‌ ತಮ್ಮದೇ ರಾಷ್ಟ್ರೀಯ ದಾಖಲೆಯನ್ನು ಅರ್ಧ ಸೆಕೆಂಡ್‌ನ‌ಷ್ಟು ಉತ್ತಮಪಡಿಸಿಕೊಂಡು, 58 ಸೆಕೆಂಡ್‌ಗಳಲ್ಲಿ ಗುರಿ ತಲುಪಿದ್ದಾರೆ. ಈ ಮೂಲಕ ಕೆನಡದ ಕೈಲಿ ಮಸ್ಸಿ ಅವರ 58.10 ಸೆಕೆಂಡ್‌ಗಳ ದಾಖಲೆಯನ್ನು ಅಳಿಸಿ ಹಾಕಿದ್ದಾರೆ. ರಿಯೋ ಒಲಂಪಿಕ್ಸ್‌ನಲ್ಲಿ ಬೆಕರ್‌ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟಿದ್ದರು. ಕಳೆದ ವರ್ಷ ನಡೆದ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಕೆನಡದ ಕೈಲಿ ಜತೆ ಸ್ಪರ್ಧಿಸಿ ದ್ವಿತೀಯ ಸ್ಥಾನ ಗಳಿಸಿದ್ದ ಬೆಕರ್‌, ಈ ದಾಖಲೆಯನ್ನು ಮುರಿಯಲು ಸತತ ಪ್ರಯತ್ನ ನಡೆಸಿದ್ದರು. ಈ ವಾರ ನಡೆದಿದ್ದ ಇನ್ನೊಂದು ಪಂದ್ಯಾವಳಿಯಲ್ಲಿ 16ರ ಹರೆಯದ ರೇಗನ್‌ ಸ್ಮಿತ್‌ ಅವರೊಂದಿಗೆ 200 ಮೀ. ಚಿನ್ನದ ಪದಕವನ್ನು ಬೆಕರ್‌ ಹಂಚಿಕೊಂಡಿದ್ದರು.

ವಿಶ್ವ ಚಾಂಪಿಯನ್‌ಶಿಪ್‌ಗೆ ಅರ್ಹತೆ
ಈ ದಾಖಲೆಯೊಂದಿಗೆ ಅವರು ಮುಂದಿನ ತಿಂಗಳು ಟೋಕಿಯೋದಲ್ಲಿ ನಡೆಯುವ ಪಾನ್‌ ಪೆಸಿಫಿಕ್‌ ಚಾಂಪಿಯನ್‌ಶಿಪ್‌ ಹಾಗೂ ಮುಂದಿನ ವರ್ಷ ದ. ಕೊರಿಯಾದಲ್ಲಿ ನಡೆಯುವ ವಿಶ್ವ ಚಾಂಪಿಯನ್‌ಶಿಪ್‌ಗ್ೂ ಅರ್ಹತೆ ಗಳಿಸಿದ್ದಾರೆ.