Asia Cup 2023 ತಂಡದ ಐವರು ಸದಸ್ಯರು ಇನ್ನೂ ನೀಡಿಲ್ಲ ಯೋ-ಯೋ ಟೆಸ್ಟ್

Team Udayavani, Aug 26, 2023, 3:32 PM IST

ಬೆಂಗಳೂರು: ಏಷ್ಯಾ ಕಪ್ ಕೂಟಕ್ಕೆ ತಯಾರುಗುತ್ತಿರುವ ಟೀಂ ಇಂಡಿಯಾ ಆಟಗಾರರು ಬೆಂಗಳೂರಿನ ಆಲೂರಿನಲ್ಲಿ ಕಠಿಣ ತರಬೇತಿಯಲ್ಲಿ ತೊಡಗಿದ್ದಾರೆ. ಕೂಟಕ್ಕಾಗಿ ಶ್ರೀಲಂಕಾಗೆ ತೆರಳುವ ಮುನ್ನ ಆರು ದಿನಗಳ ಕ್ಯಾಂಪ್ ನಲ್ಲಿದ್ದಾರೆ.

ಕ್ಯಾಂಪ್ ನ ಮೊದಲ ದಿನದಂದು ಟೀಂ ಇಂಡಿಯಾ ಆಟಗಾರರು ಫಿಟ್ನೆಸ್ ಮತ್ತು ಮೆಡಿಕಲ್ ಟೆಸ್ಟ್ ನಲ್ಲಿ ಭಾಗವಹಿಸಿದ್ದರು. ಇದರ ಭಾಗವಾಗಿಯೇ ಯೋ-ಯೋ ಟೆಸ್ಟ್ ನಲ್ಲಿ ಭಾಗಿಯಾಗಿದ್ದರು. ಈ ವೇಳೆ ಆರಂಭಿಕ ಆಟಗಾರ ಶುಭಮನ್ ಗಿಲ್ ಅವರು ಯೋ-ಯೋ ಟೆಸ್ಟ್ ನಲ್ಲಿ 18.7 ಅಂಕ ಪಡೆದಿದ್ದಾರೆ. ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರು 17.2 ಅಂಕ ಪಡೆದಿದ್ದಾರೆ.

ಏಷ್ಯಾ ಕಪ್‌ ತಂಡದಲ್ಲಿರುವ ಭಾರತದ ಹೆಚ್ಚಿನ ಕ್ರಿಕೆಟಿಗರು ಯೋ-ಯೋ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿದ್ದರೆ, ಐದು ಮಂದಿ ಟೆಸ್ಟ್ ತೆಗೆದುಕೊಳ್ಳಲಿಲ್ಲ. ಸುದ್ದಿ ಸಂಸ್ಥೆ ಪಿಟಿಐ ಪ್ರಕಾರ, ಐವರು ಕ್ರಿಕೆಟಿಗರು ಜಸ್ಪ್ರೀತ್ ಬುಮ್ರಾ, ಪ್ರಸಿದ್ಧ್ ಕೃಷ್ಣ, ತಿಲಕ್ ವರ್ಮಾ, ಸಂಜು ಸ್ಯಾಮ್ಸನ್ ಮತ್ತು ಕೆಎಲ್ ರಾಹುಲ್ – ಎಲ್ಲರೂ ಯೋ ಯೋ ಟೆಸ್ಟ್ ನೀಡಿಲ್ಲ.

ಇದನ್ನೂ ಓದಿ:Spandana: ಎದೆಗೊತ್ತಿ ಪ್ರೀತಿಸುವೆ.. ವಿವಾಹ ವಾರ್ಷಿಕ ದಿನ ಪತ್ನಿ ನೆನೆದು ರಾಘು ಭಾವುಕ

ರಾಹುಲ್ ಇನ್ನೂ ಪೂರ್ಣ ಫಿಟ್ನೆಸ್ ಪಡೆದಿಲ್ಲ. ತಂಡದ ಮ್ಯಾನೇಜ್ ಮೆಂಟ್ ಮತ್ತು ಫಿಸಿಯೋಗಳು ಏಷ್ಯಾ ಕಪ್‌ ನ ಎದುರು ರಾಹುಲ್ ಅವರನ್ನು ಯೋ-ಯೋ ಪರೀಕ್ಷೆಗೆ ಒಳಪಡಿಸಿ ಅಪಾಯವನ್ನುಂಟು ಮಾಡಲು ಬಯಸಲಿಲ್ಲ ಎಂದು ವರದಿಯಾಗಿದೆ.

ಜಸ್ಪ್ರೀತ್ ಬುಮ್ರಾ, ತಿಲಕ್ ವರ್ಮಾ, ಪ್ರಸಿಧ್ ಕೃಷ್ಣ ಮತ್ತು ಸಂಜು ಸ್ಯಾಮ್ಸನ್‌ ಗೆ ಸಂಬಂಧಿಸಿದಂತೆ, ಅವರು ಐರ್ಲೆಂಡ್‌ ನ ಯಶಸ್ವಿ ಸರಣಿಯಿಂದ ಹಿಂದಿರುಗಿದ್ದರಿಂದ ಅವರು ಪರೀಕ್ಷೆಯನ್ನು ತೆಗೆದುಕೊಳ್ಳುವ ಅಗತ್ಯವಿಲ್ಲ. ಅವರು ನೇರವಾಗಿ ಶುಕ್ರವಾರ ಅಭ್ಯಾಸದ ಅವಧಿಯನ್ನು ಪ್ರಾರಂಭಿಸಿದರು.

ಕೆಎಲ್ ರಾಹುಲ್ ಅವರು ಶುಕ್ರವಾರವೂ ಸುಮಾರು ಒಂದು ಗಂಟೆಗಳ ಕಾಲ ಬ್ಯಾಟಿಂಗ್ ನಡೆಸಿದ್ದಾರೆ. ಅವರು ಮೊದಲೆರಡು ಪಂದ್ಯಗಳ ಬಳಿಕ ಏಷ್ಯಾಕಪ್ ಗೆ ಲಭ್ಯವಾಗಲಿದ್ದಾರೆ.