ಅಡಿಲೇಡ್‌ ಇಂಟರ್‌ನ್ಯಾಶನಲ್‌ ಟೆನಿಸ್‌ ಕ್ವಾ. ಫೈನಲ್‌ಗೆ ಮೆಡ್ವೆಡೇವ್‌ 

Team Udayavani, Jan 5, 2023, 6:07 AM IST

ಅಡಿಲೇಡ್‌: ಮಾಜಿ ನಂ.1 ಆಟ ಗಾರ ಡ್ಯಾನಿಲ್‌ ಮೆಡ್ವೆಡೇವ್‌ “ಅಡಿಲೇಡ್‌ ಇಂಟರ್‌ನ್ಯಾಶನಲ್‌ ಟೆನಿಸ್‌’ ಪಂದ್ಯಾವಳಿಯ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ. ಅವರು ಸರ್ಬಿಯಾದ ಮಿಯೋಮಿರ್‌ ಕೆಮ್ಕ ನೋವಿಕ್‌ ವಿರುದ್ಧ 6-0, 6-3 ಅಂತರದ ಗೆಲುವು ಸಾಧಿಸಿದರು.

ಮೆಡ್ವೆಡೇವ್‌ ಅವರ ಮುಂದಿನ ಎದುರಾಳಿ ರಷ್ಯಾದವರೇ ಆದ ಕರೆನ್‌ ಕಶನೋವ್‌. ಅವರು ಬ್ರಿಟನ್‌ನ ಜಾಕ್‌ ಡ್ರೇಪರ್‌ ವಿರುದ್ಧ 6-4, 6-2ರಿಂದ ಗೆದ್ದು ಬಂದರು.

ಅಗ್ರ ಶ್ರೇಯಾಂಕದ ನೊವಾಕ್‌ ಜೊಕೋ ವಿಕ್‌ ಗುರುವಾರ 3ನೇ ಸುತ್ತಿನ ಪಂದ್ಯ ಆಡಲಿದ್ದು, ಗೆದ್ದರೆ ಕ್ವಾರ್ಟರ್‌ ಫೈನಲ್‌ ತಲುಪಲಿದ್ದಾರೆ. ಆಸ್ಟ್ರೇಲಿಯ ನೆಲದಲ್ಲಿ ಸತತ 30 ಸಿಂಗಲ್ಸ್‌ ಪಂದ್ಯಗಳನ್ನು ಗೆದ್ದ ಹೆಗ್ಗಳಿಕೆ ಜೊಕೋ ಅವರದು. ಮೆಡ್ವೆಡೇವ್‌-ಜೊಕೋವಿಕ್‌ ಸೆಮಿಫೈನಲ್‌ನಲ್ಲಿ ಎದುರಾಗುವ ಸಾಧ್ಯತೆ ಹೆಚ್ಚಿದೆ.ವನಿತಾ ಸಿಂಗಲ್ಸ್‌ ಕ್ವಾರ್ಟರ್‌ ಫೈನಲ್‌ನಲ್ಲಿ ಅರಿನಾ ಸಬಲೆಂಕಾ ಮತ್ತು ಮಾರ್ಕೆಟಾ ವೊಂಡ್ರೂಸೋವಾ ಪರಸ್ಪರ ಎದುರಾಗಲಿದ್ದಾರೆ.