ಎಎಫ್ ಸಿ ಯು-19 ಫ‌ುಟ್ಬಾಲ್‌: ಭಾರತ ಸೋಲಿನ ಆರಂಭ

Team Udayavani, Nov 8, 2019, 5:08 AM IST

ಅಲ್‌ ಖೋಬಾರ್‌ (ಸೌದಿ ಅರೇಬಿಯಾ):ಎಎಫ್ ಸಿ ಯು ಅಂಡರ್‌-19 ಫ‌ುಟ್ಬಾಲ್‌ ಪಂದ್ಯಾವಳಿಯಲ್ಲಿ ಭಾರತ ಸೋಲಿನ ಆರಂಭ ಕಂಡಿದೆ. ಬುಧವಾರ ರಾತ್ರಿ ಇಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಉಜ್ಬೆಕಿಸ್ಥಾನ್‌ ವಿರುದ್ಧ ಭಾರತ 2-0 ಗೋಲುಗಳಿಂದ ಪರಾಭವಗೊಂಡಿತು.

ವಿರಾಮದ ತನಕ ಎರಡೂ ತಂಡಗಳು ಸಮಬಲದ ಹೋರಾಟ ಸಂಘಟಿಸಿದವು. ಗೋಲಿಗಾಗಿ ತೀವ್ರ ಪ್ರಯತ್ನ ನಡೆಸಿದರೂ ಇತ್ತಂಡಗಳಿಗೂ ಯಶಸ್ಸು ಸಿಗಲಿಲ್ಲ. ಪಂದ್ಯದ ವಿರಾಮದ ಬಳಿಕ ಉಜ್ಬೆಕಿಸ್ಥಾನ್‌ ಮೇಲುಗೈ ಸಾಧಿಸಿತು. ಗೋಲ್‌ಕೀಪರ್‌ ಪ್ರಭುಶಂಕರ್‌ ಗಿಲ್‌ ಅವರ ಅಮೋಘ ಪ್ರಯತ್ನದ ಹೊರತಾಗಿಯೂ ಉಜ್ಬೆಕಿಸ್ಥಾನ್‌ 2 ಗೋಲು ಬಾರಿಸುವಲ್ಲಿ ಯಶಸ್ವಿಯಾಯಿತು. ಶುಕ್ರವಾರದ ಪಂದ್ಯದಲ್ಲಿ ಭಾರತ 2018ರ ಚಾಂಪಿಯನ್‌, ಆತಿಥೇಯ ಸೌದಿ ಅರೇಬಿಯಾದ ಬಲಿಷ್ಠ ಸವಾಲಿಗೆ ಉತ್ತರಿಸಬೇಕಿದೆ.