ವಿದೇಶದಲ್ಲಿ ಟೆಸ್ಟ್‌ ಗೆಲ್ಲಿಸಿದ್ದ ವಾಡೇಕರ್‌ 

Team Udayavani, Aug 17, 2018, 6:15 AM IST

ಮುಂಬೈ: ಬುಧವಾರ ರಾತ್ರಿ ಇಹಲೋಕದ ಇನಿಂಗ್ಸ್‌ ಮುಗಿಸಿ ಹೊರಟರೂ ಅಜಿತ್‌ ವಾಡೇಕರ್‌ ಭಾರತೀಯ ಕ್ರಿಕೆಟಿಗೆ ಈಗ ಹೆಚ್ಚು
ಪ್ರಸ್ತುತ ಎಂಬುದೊಂದು ಹೆಚ್ಚುಗಾರಿಕೆ. ಕಾರಣ, ವಿದೇಶದಲ್ಲಿ ಟೆಸ್ಟ್‌ ಗೆಲ್ಲುವುದು ಹೇಗೆ ಎಂಬುದನ್ನು ಅವರು ತಮ್ಮ ನಾಯಕತ್ವದ
ಅವಧಿಯಲ್ಲಿ ತೋರಿಸಿಕೊಟ್ಟ ಸಾಹಸಿ. ವಿರಾಟ್‌ ಕೊಹ್ಲಿ ಪಡೆ ಈಗ ಇಂಗ್ಲೆಂಡ್‌ ನೆಲದಲ್ಲಿ ಸತತ ಸೋಲನುಭವಿಸುತ್ತಿರುವಾಗ ವಾಡೇಕರ್‌ ನಾಯಕತ್ವ ನೆನಪಿಗೆ ಬರುತ್ತದೆ.

ಅನೇಕರಿಗೆ ತಿಳಿದಿಲ್ಲ, ಅಜಿತ್‌ ವಾಡೇಕರ್‌ ಭಾರತೀಯ ಏಕದಿನ ಕ್ರಿಕೆಟಿನ ಪ್ರಥಮ ನಾಯಕನೂ ಹೌದು! ಆದರೆ ಅವರ ಏಕದಿನ
ಆಟ ಎರಡೇ ಪಂದ್ಯಗಳಿಗೆ ಸೀಮಿತಗೊಂಡಿತು.

ವಿಂಡೀಸ್‌ ಜಯ: ವಾಡೇಕರ್‌ ನಾಯಕತ್ವದಲ್ಲಿ ಭಾರತ 1970-71ರಂದು ವಿಂಡೀಸ್‌ ಪ್ರವಾಸ ಮಾಡಿತ್ತು. ಅಲ್ಲಿ 1-0ಯಿಂದ ಸರಣಿ ಗೆದ್ದಿತ್ತು. 

ಇಂಗ್ಲೆಂಡ್‌ನ‌ಲ್ಲೂ ಸರಣಿ: ಮುಂದೆ ಅದೇ ವರ್ಷ ಇಂಗ್ಲೆಂಡ್‌ನ‌ಲ್ಲೂ ಭಾರತ ಓವಲ್‌ ಟೆಸ್ಟ್‌ ಪಂದ್ಯವನ್ನು ಗೆದ್ದು ಸರಣಿಯನ್ನೂ ಸರಣಿಯನ್ನೂ ಗೆಲ್ಲುತ್ತದೆ. ಅದು ಇಂಗ್ಲೆಂಡ್‌ನ‌ಲ್ಲಿ ಭಾರತ ಗೆದ್ದ ಮೊದಲ ಸರಣಿ.