ಅಂಬಾಟಿ ರಾಯುಡು ಬೌಲಿಂಗ್‌ ಶೈಲಿ ಅಕ್ರಮ

Team Udayavani, Jan 14, 2019, 12:40 AM IST

ಸಿಡ್ನಿ: ಭಾರತ ತಂಡದ ಆಲ್‌ರೌಂಡರ್‌ ಅಂಬಾಟಿ ರಾಯುಡು ಅಕ್ರಮ ಬೌಲಿಂಗ್‌ ವಿವಾದದ ಸುಳಿಗೆ ಸಿಲುಕಿದ್ದಾರೆ. ಆಸ್ಟ್ರೇಲಿಯ ವಿರುದ್ಧದ ಮೊದಲ ಏಕದಿನ ಪಂದ್ಯದ ವೇಳೆ ಇವರ ಬೌಲಿಂಗ್‌ ಶೈಲಿ ಸಂಶಯಾಸ್ಪದವಾಗಿತ್ತು ಎನ್ನುವ ದೂರು ಕೇಳಿ ಬಂದಿದೆ.

ಫೀಲ್ಡ್‌ ಅಂಪಾಯರ್‌ಗಳು ಈಗಾಗಲೇ ಮ್ಯಾಚ್‌ ರೆಫ್ರಿಗೆ ಈ ಕುರಿತು ದೂರು ನೀಡಿದ್ದಾರೆ. ತನಿಖೆ ನಡೆಯುತ್ತಿದೆ ಎಂದು ಐಸಿಸಿ ತಿಳಿಸಿದೆ. ರಾಯುಡು ಮುಂದಿನ 14 ದಿನದ ಒಳಗಾಗಿ ಐಸಿಸಿ ನಡೆಸುವ ಬೌಲಿಂಗ್‌ ಪರೀಕ್ಷೆಯಲ್ಲಿ ಪಾಲ್ಗೊಳ್ಳಬೇಕಿದೆ. ಇಲ್ಲಿನ ವರದಿ ಹೊರಬರುವ ತನಕ ಅವರು ಬೌಲಿಂಗ್‌ ಮಾಡಬಹುದಾಗಿದೆ ಎಂದು ಐಸಿಸಿ ತಿಳಿಸಿದೆ.

ಪಾರ್ಟ್‌ಟೈಮ್‌ ಆಫ್ಸ್ಪಿನ್ನರ್‌ ಆಗಿರುವ ಅಂಬಾಟಿ ರಾಯುಡು ಪರಿಣಾಮಕಾರಿ ಬೌಲರ್‌ ಏನೂ ಅಲ್ಲ. ಸಿಡ್ನಿ ಏಕದಿನ ಪಂದ್ಯದಲ್ಲಿ 2 ಓವರ್‌ ಬೌಲಿಂಗ್‌ ನಡೆಸಿದ ಅವರು ವಿಕೆಟ್‌ ಪಡೆಯದೆ 13 ರನ್‌ ಬಿಟ್ಟುಕೊಟ್ಟಿದ್ದರು.