ಅಮೆರಿಕದ ವಿಕೃತ ಕಾಮಿ ಲ್ಯಾರಿ ವಿಚಾರಣೆ ಸ್ಥಗಿತ

Team Udayavani, Feb 3, 2018, 12:38 PM IST

ಶಿಕಾಗೊ: ಅಪ್ರಾಪ್ತ ಮಹಿಳಾ ಜಿಮ್ನಾಸ್ಟಿಕ್‌ ಪಟುಗಳನ್ನು ಲೈಂಗಿಕವಾಗಿ ಶೋಷಿಸಿದ ದೂರಿನಡಿ 175 ವರ್ಷಗಳ ಕಾಲ ಜೈಲು ಶಿಕ್ಷೆಗೊಳಗಾಗಿರುವ ಅಮೆರಿಕ ಜಿಮ್ನಾಸ್ಟಿಕ್‌ ತಂಡದ ಮಾಜಿ ವೈದ್ಯ ಲ್ಯಾರಿ ನಾಸರ್‌ ಅಂತಿಮ ಹಂತದ ವಿಚಾರಣೆ ಅನಿರೀಕ್ಷಿತವಾಗಿ ನಿಂತುಹೋಗಿದೆ. ವಿಚಾರಣೆ ವೇಳೆ ಲ್ಯಾರಿಯಿಂದ ಪೀಡೆಗೊಳಗಾಗಿರುವ ಇಬ್ಬರು ಹುಡುಗಿಯರ ತಂದೆ ರ್‍ಯಾಂಡಲ್‌ ಮಾಗ್ರೇìವ್ಸ್‌
ಆಕ್ರೋಶಗೊಂಡು ಲ್ಯಾರಿಯತ್ತ ನುಗ್ಗಿದ ಪರಿಣಾಮ ನ್ಯಾಯಾಧೀಶರು ವಿಚಾರಣೆ ನಿಲ್ಲಿಸುವ ನಿರ್ಧಾರ ತೆಗೆದುಕೊಂಡರು.

ಭಾವುಕವಾಗಿದ್ದ ಮ್ಯಾಡಿಸನ್‌ ಮತ್ತು ಲಾರೆನ್‌ ಮಾಗ್ರೆವ್ಸ್‌ ತಂದೆ ರ್‍ಯಾಂಡಲ್‌, ನಿಮ್ಮ ಮಕ್ಕಳಿಗೆ ಹೀಗಾಗಿದ್ದರೆ ನೀವೇನು ಮಾಡುತ್ತಿದ್ದಿರಿ ಎಂದು ಪ್ರಶ್ನಿಸಿದರು. ಅಷ್ಟಲ್ಲದೇ ಅವರನ್ನು ಬಿಗಿಯಾಗಿ ಹಿಡಿದುಕೊಂಡಿದ್ದ ಪೊಲೀಸರತ್ತಲೂ ಕಿಡಿಕಾರಿದರು. ಈ ವೇಳೆ ಅವರು ನ್ಯಾಯಾಧೀಶರಿಗೆ ಮನವಿ ಮಾಡಿ, ಲ್ಯಾರಿಯನ್ನು ಇಟ್ಟಿರುವ ಬಂದೀಖಾನೆಯಲ್ಲಿ 5 ನಿಮಿಷ ಇರಲು ಅವಕಾಶ
ಕೊಡಿ ಸಾಕು ಎಂದು ಕೇಳಿಕೊಂಡರು. ಆದರೆ ಇದಕ್ಕೆ ನ್ಯಾಯಾಧೀಶರು ಒಪ್ಪಲಿಲ್ಲ. ಈ ವೇಳೆ ಇಡೀ ಆವರಣದಲ್ಲಿ ಭಿನ್ನ ಭಿನ್ನ ಉದ್ಗಾರಗಳು ಕೇಳಿಬಂದವು.