Asia Cup: ಶ್ರೀಲಂಕಾದ ಮಿಸ್ಟರಿ ಸ್ಪಿನ್ನರ್‌ ಮಹೀಶ ತೀಕ್ಷಣ ಗಾಯಾಳು

Team Udayavani, Sep 16, 2023, 2:20 AM IST

ಕೊಲಂಬೊ: ಏಷ್ಯಾ ಕಪ್‌ ಫೈನಲ್‌ ಪಂದ್ಯಕ್ಕೂ ಮುನ್ನ ಶ್ರೀಲಂಕಾ ತಂಡ ಆಘಾತವೊಂದಕ್ಕೆ ಸಿಲುಕಿದೆ. ಮಿಸ್ಟರಿ ಸ್ಪಿನ್ನರ್‌ ಮಹೀಶ ತೀಕ್ಷಣ ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದಾರೆ.

ಪಾಕಿಸ್ಥಾನ ವಿರುದ್ಧದ ಸೂಪರ್‌-4 ಪಂದ್ಯದಲ್ಲಿ ಕ್ಷೇತ್ರರಕ್ಷಣೆ ನಡೆಸುತ್ತಿದ್ದಾಗ ತೀಕ್ಷಣ ಬಲ ಸ್ನಾಯು ಸೆಳೆತಕ್ಕೊಳಗಾದರು. ಸ್ಕ್ಯಾನಿಂಗ್‌ ನಡೆಸಲಾಗಿದೆ. ಇದರ ವರದಿಯನ್ನು ಕಾಯಲಾಗುತ್ತಿದೆ ಎಂದು ಶ್ರೀಲಂಕಾ ಕ್ರಿಕೆಟ್‌ ಮಂಡಳಿ ತಿಳಿಸಿದೆ.

ಶ್ರೀಲಂಕಾದ ಬೌಲಿಂಗ್‌ ವೇಳೆ ತೀಕ್ಷಣ ಒಂದೆರಡು ಸಲ ಮೈದಾನ ತೊರೆ ದಿದ್ದರು. ಆದರೆ ತಮ್ಮ 9 ಓವರ್‌ಗಳ ಕೋಟಾವನ್ನು ಪೂರ್ತಿ ಗೊಳಿಸಿದ್ದರು.

ಶ್ರೀಲಂಕಾ ಈಗಾಗಲೇ ವನಿಂದು ಹಸರಂಗ, ದುಷ್ಮಂತ ಚಮೀರ, ಲಹಿರು ಕುಮಾರ, ಮಧುಶಂಕ ಮೊದಲಾದ ಪ್ರಮುಖ ಬೌಲರ್‌ಗಳ ಸೇವೆಯಿಂದ ವಂಚಿತವಾಗಿದೆ. ಒಂದು ವೇಳೆ ಭಾರತದೆದುರಿನ ಫೈನಲ್‌ನಲ್ಲಿ ತೀಕ್ಷಣ ಆಡದೇ ಹೋದರೆ ಅದು ಶ್ರೀಲಂಕಾಕ್ಕೆ ದೊಡ್ಡ ಹಿನ್ನಡೆಯಾಗುವುದರಲ್ಲಿ ಅನುಮಾನವಿಲ್ಲ.