ಏಷ್ಯನ್‌ ಗೇಮ್ಸ್‌ ಬ್ಯಾಡ್ಮಿಂಟನ್‌: 14 ವರ್ಷದ ಉನ್ನತಿ ಹೂಡಾ ಆಯ್ಕೆ

Team Udayavani, Apr 22, 2022, 6:45 AM IST

ಹೊಸದಲ್ಲಿ: ಮುಂಬರುವ ಏಷ್ಯನ್‌ ಗೇಮ್ಸ್‌ಗೆ ಭರವಸೆಯ ಯುವ ಆಟಗಾರ್ತಿ, 14 ವರ್ಷದ ಉನ್ನತಿ ಹೂಡಾ ಭಾರತ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಇದ ರೊಂದಿಗೆ ಕಾಮನ್ವೆಲ್ತ್‌ ಗೇಮ್ಸ್‌, ಥಾಮಸ್‌, ಉಬೆರ್‌ ಕಪ್‌ ಬ್ಯಾಡ್ಮಿಂಟನ್‌ ಪಂದ್ಯಾವಳಿಗೂ ಭಾರತ ತಂಡಗಳನ್ನು ಪ್ರಕಟಿಸಲಾಯಿತು.

ಇಲ್ಲಿನ “ಇಂದಿರಾ ಗಾಂಧಿ ಸ್ಟೇಡಿಯಂ’ನಲ್ಲಿ ನಡೆದ 6 ದಿನಗಳ ಆಯ್ಕೆ ಟ್ರಯಲ್ಸ್‌ ಬಳಿಕ “ಬ್ಯಾಡ್ಮಿಂಟನ್‌ ಅಸೋಸಿಯೇಶನ್‌ ಆಫ್ ಇಂಡಿಯಾ’ (ಬಿಎಐ) ತಂಡಗಳನ್ನು ಅಂತಿಮಗೊಳಿಸಿತು. ಅವಳಿ ಒಲಿಂಪಿಕ್ಸ್‌ ಪದಕ ವಿಜೇತೆ ಪಿ.ವಿ. ಸಿಂಧು ಕಾಮನ್ವೆಲ್ತ್‌ ಮತ್ತು ಏಷ್ಯನ್‌ ಗೇಮ್ಸ್‌ ತಂಡಗಳೆರಡರಲ್ಲೂ ಸ್ಥಾನ ಪಡೆದಿದ್ದಾರೆ. ಆದರೆ ಆಯ್ಕೆ ಟ್ರಯಲ್ಸ್‌ ನಿಂದ ದೂರ ಉಳಿದ ಸೈನಾ ನೆಹ್ವಾಲ್‌ ಯಾವ ತಂಡಕ್ಕೂ ಆಯ್ಕೆಯಾಗಿಲ್ಲ.

ಏಷ್ಯನ್‌ ಗೇಮ್ಸ್‌, ಥಾಮಸ್‌  ಮತ್ತು ಉಬೇರ್‌ ಕಪ್‌ :

ಪುರುಷರ ತಂಡ: ಲಕ್ಷ್ಯ ಸೇನ್‌, ಕೆ. ಶ್ರೀಕಾಂತ್‌, ಎಚ್‌.ಎಸ್‌. ಪ್ರಣಯ್‌, ಪ್ರಿಯಾಂಶು ರಾಜಾವತ್‌, ಚಿರಾಗ್‌ ಶೆಟ್ಟಿ, ಸಾತ್ವಿಕ್‌ ಸಾಯಿರಾಜ್‌ ರಾಂಕಿರೆಡ್ಡಿ, ಧ್ರುವ ಕಪಿಲ, ಎಂ.ಆರ್‌. ಅರ್ಜುನ್‌, ವಿಷ್ಣುವರ್ಧನ್‌ ಗೌಡ್‌, ಕೃಷ್ಣ ಪ್ರಸಾದ್‌ ಗಾರ್ಗಿಯ.

ವನಿತಾ ತಂಡ: ಪಿ.ವಿ. ಸಿಂಧು, ಆಕರ್ಷಿ ಕಶ್ಯಪ್‌, ಅಶ್ಮಿತಾ ಚಾಲಿಹಾ, ಉನ್ನತಿ ಹೂಡಾ, ತ್ರೀಸಾ ಜಾಲಿ, ಗಾಯತ್ರಿ ಪಿ., ಎನ್‌. ಸಿಕ್ಕಿ ರೆಡ್ಡಿ, ಅಶ್ವಿ‌ನಿ ಪೊನ್ನಪ್ಪ, ತನಿಷಾ ಕ್ರಾಸ್ಟೊ, ಶ್ರುತಿ ಮಿಶ್ರಾ.

ಕಾಮನ್ವೆಲ್ತ್‌ ಗೇಮ್ಸ್‌:

ಪುರುಷರ ತಂಡ: ಲಕ್ಷ್ಯ ಸೇನ್‌, ಕೆ. ಶ್ರೀಕಾಂತ್‌, ಸಾತ್ವಿಕ್‌ ಸಾಯಿರಾಜ್‌ ರಾಂಕಿ ರೆಡ್ಡಿ, ಚಿರಾಗ್‌ ಶೆಟ್ಟಿ, ಬಿ. ಸುಮೀತ್‌ ರೆಡ್ಡಿ.

ವನಿತಾ ತಂಡ: ಪಿ.ವಿ. ಸಿಂಧು, ಆಕರ್ಷಿ ಕಶ್ಯಪ್‌, ತ್ರೀಸಾ ಜಾಲಿ, ಗಾಯತ್ರಿ ಪಿ., ಅಶ್ವಿ‌ನಿ ಪೊನ್ನಪ್ಪ.