Asian Games: ಶೂಟಿಂಗ್ ಟ್ರ್ಯಾಪ್ ಪುರುಷರ ತಂಡ ಸ್ಪರ್ಧೆಯಲ್ಲಿ ಭಾರತಕ್ಕೆ ಚಿನ್ನ

Team Udayavani, Oct 1, 2023, 3:09 PM IST

ಹ್ಯಾಂಗ್ ಝೂ: 2023 ರ ಏಷ್ಯನ್ ಗೇಮ್ಸ್‌ನಲ್ಲಿ ಶೂಟಿಂಗ್‌ ಪದಕ ಬೇಟೆ ಮುಂದುವರಿಸಿರುವ ಭಾರತ ರವಿವಾರ ಮತ್ತೊಂದು ಬಂಗಾರ ಗೆದ್ದಿದೆ. ಕಿನಾನ್ ಚೆನೈ, ಜೊರಾವರ್ ಸಿಂಗ್ ಸಂಧು ಮತ್ತು ಪೃಥ್ವಿರಾಜ್ ತೊಂಡೈಮಾನ್ ಅವರನ್ನೊಳಗೊಂಡ ಭಾರತೀಯ ಪುರುಷರ ತಂಡವು ಟ್ರ್ಯಾಪ್ ಈವೆಂಟ್‌ನಲ್ಲಿ ಚಿನ್ನವನ್ನು ಗೆದ್ದುಕೊಂಡಿದೆ.

ಕುವೈತ್ ಮತ್ತು ಚೀನಾದ ಪೈಪೋಟಿಯನ್ನು ಹಿಮ್ಮೆಟ್ಟಿಸಿದ ಭಾರತವು ಅಗ್ರಸ್ಥಾನವನ್ನು ಪಡೆಯಲು ಸಮರ್ಥವಾಯಿತು. ಈ ಬಾರಿಯ ಕೂಟದಲ್ಲಿ ಇದುವರೆಗೆ ಶೂಟಿಂಗ್‌ ನಲ್ಲಿ 7 ಚಿನ್ನ, 9 ಬೆಳ್ಳಿ ಮತ್ತು 5 ಕಂಚಿನೊಂದಿಗೆ 21 ಪದಕಗಳನ್ನು ಗಳಿಸಿತು. ಚಿನ್ನದ ಪದಕದ ಜೊತೆಗೆ ಚೆನೈ ಮತ್ತು ಸಂಧು ವೈಯಕ್ತಿಕ ಫೈನಲ್‌ ಗೆ ಅರ್ಹತೆ ಪಡೆದಿದ್ದಾರೆ.

ಇದಕ್ಕೂ ಮುನ್ನ ನಡೆದ ಶೂಟಿಂಗ್‌ನಲ್ಲಿ ಮಹಿಳೆಯರ ಟ್ರ್ಯಾಪ್ ಟೀಮ್ ಸ್ಪರ್ಧೆಯಲ್ಲಿ ಭಾರತ ಬೆಳ್ಳಿ ಪದಕ ಜಯಿಸಿತ್ತು. ರಾಜೇಶ್ವರಿ ಕುಮಾರಿ, ಮನಿಶಾ ಕೀರ್ ಮತ್ತು ಪ್ರೀತಿ ರಜಕ್ ಅವರ ಮೂವರೂ 337 ಅಂಕಗಳೊಂದಿಗೆ ಚೀನಾವನ್ನು ಹಿಂದಿಕ್ಕಿ ಎರಡನೇ ಸ್ಥಾನ ಪಡೆದರು.

2023 ರ ಏಷ್ಯನ್ ಗೇಮ್ಸ್‌ನಲ್ಲಿ, ಭಾರತೀಯ ಶೂಟರ್‌ಗಳು ಪ್ರಭಾವಶಾಲಿ ಪ್ರದರ್ಶನವನ್ನು ನೀಡಿದರು, ದೇಶದ ಪದಕ ಪಟ್ಟಿಯಲ್ಲಿ ಗಣನೀಯವಾಗಿ ಕೊಡುಗೆ ನೀಡಿದರು.

21 ಪದಕಗಳ ಸಂಖ್ಯೆಯು ಏಷ್ಯನ್ ಗೇಮ್ಸ್ ಇತಿಹಾಸದಲ್ಲಿ ಶೂಟಿಂಗ್‌ನಲ್ಲಿ ಭಾರತದ ಅತ್ಯುತ್ತಮ ಪ್ರದರ್ಶನವಾಗಿದೆ.