ಏಶ್ಯನ್‌ ಹಾಕಿ: ಭಾರತ-ಜಪಾನ್‌ ಸೆಮಿಫೈನಲ್‌

Team Udayavani, Oct 27, 2018, 6:00 AM IST

ಮಸ್ಕತ್‌: ಇಲ್ಲಿನ ಸುಲ್ತಾನ್‌ ಕ್ವಾಬೊಸ್‌ ನ್ಪೋರ್ಟ್ಸ್ಕಾಂಪ್ಲೆಕ್ಸ್‌ ಕ್ರೀಡಾಂಗಣದಲ್ಲಿ ಶನಿವಾರ ನಡೆಯಲಿರುವ ಪುರುಷರ ಏಶ್ಯನ್‌ ಹಾಕಿ ಚಾಂಪಿಯನ್‌ಶಿಪ್‌ ಸೆಮಿಫೈನಲ್‌ನಲ್ಲಿ ಭಾರತ- ಜಪಾನ್‌ ತಂಡಗಳು ಸೆಣಸಲಿವೆ. ಮತ್ತೂಂದು ಸೆಮಿಫೈನಲ್‌ನಲ್ಲಿ ಮಲೇಶ್ಯ- ಪಾಕಿಸ್ಥಾನ ಮುಖಾ ಮುಖೀಯಾಗಲಿವೆ. ವಿಜೇತರು ಅ. 28ರಂದು ಪ್ರಶಸ್ತಿ ಸಮರದಲ್ಲಿ ಎದುರಾಗಲಿದ್ದಾರೆ.

ಭಾರತ ಲೀಗ್‌ ಹಂತದಲ್ಲಿ ಅಜೇಯ ಆಟ ಪ್ರದರ್ಶಿಸಿದೆ. ಒಮಾನ್‌ ವಿರುದ್ಧ 11-0 ಗೋಲುಗಳ ಅಂತರದ ಗೆಲುವು ಸಾಧಿಸಿತ್ತು. ಬಳಿಕ  ಪಾಕಿಸ್ಥಾನವನ್ನು 3-1 ಗೋಲುಗಳ ಅಂತರದಿಂದ ಸೋಲಿಸಿತ್ತು. ಏಶ್ಯಾಡ್‌ ಚಾಂಪಿಯನ್‌ ಜಪಾನ್‌ಗೆ 9-0 ಗೋಲುಗಳ ಸೋಲುಣಿಸಿತ್ತು. ಇದೇ ಪರಾಕ್ರಮವನ್ನು ಮುಂದುವರಿಸಿದರೆ ಭಾರತ ಮತ್ತೂಮ್ಮೆ ಜಪಾನ್‌ಗೆ ಆಘಾತವಿಕ್ಕಿ ಫೈನಲ್‌ ಪ್ರವೇಶಿಸುವುದು ಖಚಿತ ಎನ್ನಲಡ್ಡಿಯಿಲ್ಲ. ಇನ್ನೊಂದೆಡೆ ಜಪಾನ್‌ ಈ ಸೋಲಿಗೆ ಸೇಡು ತೀರಿಸಿಕೊಳ್ಳಲು ಹಾತೊರೆಯುತ್ತಿರುವುದೂ ಸುಳ್ಳಲ್ಲ.