Olympics ಆ್ಯತ್ಲೀಟ್ಸ್‌  ಸಿದ್ಧ:  ಪ್ರಧಾನಿ ಮೋದಿ

Team Udayavani, Jul 1, 2024, 12:04 AM IST

ಹೊಸದಿಲ್ಲಿ: ಮುಂಬರುವ ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಶ್ರೇಷ್ಠ ನಿರ್ವ ಹಣೆ ನೀಡಲು ಭಾರತೀಯ ಆ್ಯತ್ಲೀಟ್‌ಗಳು ಕಠಿನ ತರಬೇತಿ ಪಡೆಯುತ್ತಿದ್ದಾರೆ. ಒಲಿಂಪಿಕ್ಸ್‌ಗೆ ತೆರಳುವ ಆ್ಯತ್ಲೀಟ್‌ಗಳು ಸಮಗ್ರವಾಗಿ 900ಕ್ಕೂ ಹೆಚ್ಚಿನ ಅಂತಾರಾಷ್ಟ್ರೀಯ ಸ್ಪರ್ಧೆಯಲ್ಲಿ ಭಾಗ ವಹಿಸುವ ಮೂಲಕ ತಮ್ಮ ಜೀವ ಮತ್ತು ಆತ್ಮದೊಂದಿಗೆ ಸಿದ್ಧರಾಗಿದ್ದಾರೆ ಎಂದು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ತಮ್ಮ “ಮನ್‌ ಕಿ ಬಾತ್‌’ ರೇಡಿಯೋ ಪ್ರಸಾರದಲ್ಲಿ ಹೇಳಿದ್ದಾರಲ್ಲದೇ ಆ್ಯತ್ಲೀಟ್‌ಗಳಿಗೆ ಆನ್‌ಲೈನ್‌ನಲ್ಲೂ ಬೆಂಬಲ ಸೃಷ್ಟಿಸುವ ಅಭಿಯಾನಕ್ಕೂ ಚಾಲನೆ ನೀಡಿದ್ದಾರೆ.

ಸಾರ್ವತ್ರಿಕ ಚುನಾವಣೆಯ ಅನಂತರ ಮೊದಲ ಬಾರಿಗೆ “ಮನ್‌ ಕಿ ಬಾತ್‌’ ರೇಡಿಯೋ ಭಾಷಣದಲ್ಲಿ ಪ್ರಧಾನಿ ಈ ಹೇಳಿಕೆ ನೀಡಿದ್ದಾರೆ. “ಟೋಕಿಯೊದಲ್ಲಿ ನಮ್ಮ ಕ್ರೀಡಾಪಟುಗಳ ಪ್ರದರ್ಶನವು ಪ್ರತಿಯೊಬ್ಬ ಭಾರತೀಯನ ಹೃದಯ ವನ್ನು ಗೆದ್ದಿದೆ. ಟೋಕಿಯೊ ಒಲಿಂಪಿಕ್ಸ್‌ ಬಳಿಕ ನಮ್ಮ ಕ್ರೀಡಾಪಟುಗಳು ಉತ್ಕೃಷ್ಟ ನಿರ್ವಹಣೆ ನೀಡುವ ನಿಟ್ಟಿನಲ್ಲಿ ಕಠಿನ ತರಬೇತಿಯೊಂದಿಗೆ ತಯಾರಿ ನಡೆಸುತ್ತಿದ್ದಾರೆ. ಗರಿಷ್ಠ ಪದಕ ಗೆಲ್ಲುವುದೇ ಅವರ ಗುರಿಯಾಗಿದೆ ಎಂದವರು ಹೇಳಿದ್ದಾರೆ.

ಶೂಟಿಂಗ್‌ ನಿರೀಕ್ಷೆ
ಪ್ಯಾರಿಸ್‌ನ ಶೂಟಿಂಗ್‌ ಸ್ಪರ್ಧೆಯಲ್ಲಿ ದಾಖಲೆ 21 ಮಂದಿ ಸ್ಪರ್ಧಿಸು ತ್ತಿದ್ದು ಪದಕ ಗೆಲ್ಲುವ ನಿರೀಕ್ಷೆ ಮೂಡಿಸಿದ್ದಾರೆ. ಪ್ಯಾರಿಸ್‌ನಲ್ಲಿ ಕೆಲವು ಸ್ಪರ್ಧೆಗಳಲ್ಲಿ ಭಾರತ ಮೊದಲ ಬಾರಿ ಕಾಣಿಸಿಕೊಳ್ಳುತ್ತಿದೆ ಎಂದು ಮನ್‌ ಕಿ ಬಾತ್‌ನಲ್ಲಿ ಮೋದಿ ತಿಳಿಸಿದರು. ಆ್ಯತ್ಲೀಟ್‌ಗಳನ್ನು ಹುರಿದುಂಬಿಸಲು ಮತ್ತು ಪ್ರೋತ್ಸಾ ಹಿಸಲು ಚಿಯರ್‌ಫಾರ್‌ಭಾರತ್‌ (Cheer4Bharat)ಹ್ಯಾಸ್‌ ಟಾಗ್‌ ಬಳಸುವಂತೆ ಅವರು ಕ್ರೀಡಾಭಿ ಮಾನಿಗಳಲ್ಲಿ ಕೇಳಿಕೊಂಡಿದ್ದಾರೆ.