Team Indiaಕ್ಕೆ ಆಸೀಸ್‌ ಪ್ರಧಾನಿ ಔತಣ: ಆಟದಲ್ಲಿ ಸ್ವಲ್ಪ ಮಸಾಲೆ ಬೇಕು

Team Udayavani, Nov 29, 2024, 6:35 AM IST

ಕ್ಯಾನ್‌ಬೆರಾ : ಆಸ್ಟ್ರೇಲಿಯ ಪ್ರಧಾನಿ ಇಲೆವೆನ್‌ ಎದುರು ನ. 30 ಮತ್ತು ಡಿ. 1ರಂದು ಎರಡು ದಿನಗಳ ಪಿಂಕ್‌ ಬಾಲ್‌ ಅಭ್ಯಾಸ ಪಂದ್ಯವನ್ನು ಆಡಲು ಕ್ಯಾನ್‌ಬೆರಾಕ್ಕೆ ತೆರಳಿರುವ ಭಾರತ ಕ್ರಿಕೆಟ್‌ ತಂಡಕ್ಕೆ ಗುರುವಾರ ಆಸ್ಟ್ರೇಲಿಯ ಪ್ರಧಾನಿ ಆಂಥೋನಿ ಆಲ್ಬನೀಸ್‌ ಔತಣಕೂಟ ಏರ್ಪಡಿಸಿ ದ್ದರು. ಈ ವೇಳೆ ಭಾರತದ ನಾಯಕ ರೋಹಿತ್‌ ಶರ್ಮಾ ಆಸೀಸ್‌ ಸಂಸತ್‌ ಆವರಣದಲ್ಲಿ ಭಾಷಣ ಮಾಡಿದರು. ಎರಡೂ ದೇಶಗಳ ನಡುವೆ ಬಾಂಧವ್ಯವನ್ನು ವೃದ್ಧಿಸಲು ಭಾರತದ ಪ್ರಧಾನಿ ನರೇಂದ್ರ ಮೋದಿ, ಆಸೀಸ್‌ ಪ್ರಧಾನಿ ಆಲ್ಬನೀಸ್‌ ಕ್ರಿಕೆಟ್‌ಗೆ ಒತ್ತು ನೀಡಿದ್ದಾರೆ.

ಆಟದಲ್ಲಿ ಸ್ವಲ್ಪ ಮಸಾಲೆ ಬೇಕು
ಆಸೀಸ್‌ ಪ್ರಧಾನಿ ಆಲ್ಬನೀಸ್‌ ಭಾರತೀಯ ಆಟಗಾರರನ್ನು ಪರಿಚಯ ಮಾಡಿಕೊಳ್ಳುವಾಗ ವೇಗಿ ಬುಮ್ರಾ, ಕೊಹ್ಲಿಯನ್ನು ಹೊಗಳಿದರು. ಕೊಹ್ಲಿ ಎದುರಾದಾಗ ನಿಮ್ಮ ಬ್ಯಾಟಿಂಗ್‌ನಿಂದ ಪರ್ತ್‌ನಲ್ಲಿ ನಾವು ಬಹಳ ಒದ್ದಾಡಿದೆವು ಎಂಬರ್ಥದಲ್ಲಿ ಆಲ್ಬನೀಸ್‌ ಹೇಳಿದರು. ಅದಕ್ಕೆ ಕೊಹ್ಲಿ, ಯಾವಾಗಲೂ ಸ್ವಲ್ಪ ಮಸಾಲೆ ಸೇರಿಸಬೇಕು ಎಂದರು. ಈ ಘಟನೆ ಆನ್‌ಲೈನ್‌ನಲ್ಲಿ ವೈರಲ್‌ ಆಗಿದೆ.