ಆಸ್ಟ್ರೇಲಿಯ ತಂಡಕ್ಕೆ ಇಬ್ಬರು ನಾಯಕರು!

Team Udayavani, Nov 30, 2018, 6:30 AM IST

ಹಾಕಿ ವಿಶ್ವಕಪ್‌ ಕೂಟದ ಹ್ಯಾಟ್ರಿಕ್‌ ಹಾದಿಯಲ್ಲಿರುವ ಆಸ್ಟ್ರೇಲಿಯ ತಂಡ ಸಕಲ ಸಿದ್ದತೆಗಳೊಂದಿಗೆ ಭಾರತಕ್ಕೆ ಬಂದಿದೆ. ವಿಶೇಷವೆಂದರೆ, ಹೊಸ ಮುಖಗಳೇ ತುಂಬಿರುವ ಆಸ್ಟ್ರೇಲಿಯ ತಂಡಕ್ಕೆ ಇಬ್ಬರು ನಾಯಕರನ್ನು ಆಯ್ಕೆ ಮಾಡಿರುವುದು!

ಆಸ್ಟ್ರೇಲಿಯ ಇಲ್ಲಿಯವರೆಗೆ 3 ಬಾರಿ ಚಾಂಪಿಯನ್‌ ಆಗಿ ಹೊರಹೊಮ್ಮಿದ್ದು,  2010 ಹಾಗೂ 2014ರಲ್ಲಿ ಸತತವಾಗಿ ವಿಶ್ವಕಪ್‌ ಪ್ರಶಸ್ತಿ ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು. ಆದರೆ ಈ ಬಾರಿಯ ಆಸ್ಟ್ರೇಲಿಯ ತಂಡದಲ್ಲಿ ಹೊಸ ಮುಖಗಳೇ ಹೆಚ್ಚಾಗಿದ್ದು, ಅನುಭವದ ಕೊರತೆ ಎಂದು ಕಾಣುತ್ತಿದೆ. ಹೀಗಾಗಿ ಇಬ್ಬರು ಆಟಗಾರರಿಗೆ ನಾಯಕತ್ವ ವಹಿಸಲಾಗಿದೆ. ಇದಕ್ಕೂ ಮುನ್ನ ಆಸ್ಟ್ರೇಲಿಯ ಇದೇ ರೀತಿ ಪ್ರಯೋಗ ಮಾಡಿತ್ತು.

3 ಬಾರಿಯ ಚಾಂಪಿಯನ್‌ ತಂಡದಲ್ಲಿದ್ದ ಕಾಲಿನ್‌ ಬ್ಯಾಚ್‌ ಆಸ್ಟ್ರೇಲಿಯದ ಕೋಚ್‌ ಆಗಿದ್ದಾರೆ. ಆರನ್‌ ಜಲೇವ್‌ಸ್ಕಿ ಹಾಗೂ ಎಡ್ಡಿ ಒಕೆಂಡನ್‌ ನಾಯಕರ ಸ್ಥಾನದಲ್ಲಿ ನಿಂತು ತಂಡವನ್ನು ಮುನ್ನಡೆಸಲಿದ್ದಾರೆ.