ಆಸ್ಟ್ರೇಲಿಯ ಟಿ20 ತಂಡ: ಸ್ಟಾರ್‌ ಆಟಗಾರರಿಗೆ ವಿಶ್ರಾಂತಿ

Team Udayavani, Nov 9, 2018, 12:42 PM IST

ಅಡಿಲೇಡ್‌: ಪ್ರವಾಸಿ ದಕ್ಷಿಣ ಆಫ್ರಿಕಾ ಹಾಗೂ ಭಾರತದೆದುರಿನ ಟಿ20 ಸರಣಿಗಾಗಿ ತನ್ನ ತಂಡವನ್ನು ಅಂತಿಮಗೊಳಿಸಿರುವ ಆಸ್ಟ್ರೇಲಿಯ, ಸ್ಟಾರ್‌ ಆಟಗಾರರನೇಕರಿಗೆ ವಿಶ್ರಾಂತಿ ನೀಡಿದೆ. ಮಿಚೆಲ್‌ ಸ್ಟಾರ್ಕ್‌, ನಥನ್‌ ಲಿಯೋನ್‌, ಪೀಟರ್‌ ಸಿಡ್ಲ್, ಮಿಚೆಲ್‌ ಮಾರ್ಷ್‌ ಅವರನ್ನೆಲ್ಲ ಭಾರತ ವಿರುದ್ಧದ ಟೆಸ್ಟ್‌ ಸರಣಿಗಾಗಿ ಕಾದಿರಿಸಲಾಗಿದೆ.

13 ಸದಸ್ಯರ ತಂಡದಲ್ಲಿ ಆಲ್‌ರೌಂಡರ್‌ ಮಾರ್ಕಸ್‌ ಸ್ಟೊಯಿನಿಸ್‌ ಮತ್ತು ಸೀಮರ್‌ ಜಾಸನ್‌ ಬೆಹ್ರಾನ್ಡಾಫ್   ಅವರನ್ನು ಸೇರಿಸಿಕೊಳ್ಳಲಾಗಿದೆ. ಗಾಯಾಳಾಗಿದ್ದ ಸ್ಟೊಯಿನಿಸ್‌ ಪಾಕಿಸ್ಥಾನ ವಿರುದ್ಧ ಆಡಲಾದ ಏಕೈಕ ಟಿ20 ಪಂದ್ಯವನ್ನು ತಪ್ಪಿಸಿಕೊಂಡಿದ್ದರು. ಸ್ಟೊಯಿನಿಸ್‌ ಮತ್ತು ಬೆಹ್ರಾನ್ಡಾಫ್  ಅವರನ್ನು ತಂಡಕ್ಕೆ ಸ್ವಾಗತಿಸುತ್ತಿದ್ದೇವೆ ಎಂಬುದಾಗಿ ಪ್ರಧಾನ ಕೋಚ್‌ ಹಾಗೂ ರಾಷ್ಟ್ರೀಯ ಆಯ್ಕೆಗಾರನೂ ಆಗಿರುವ ಜಸ್ಟಿನ್‌ ಲ್ಯಾಂಗರ್‌ ಹೇಳಿದ್ದಾರೆ.
ಆರನ್‌ ಫಿಂಚ್‌ ತಂಡವನ್ನು ಮುನ್ನಡೆಸಲಿದ್ದು, ಅಲೆಕ್ಸ್‌ ಕ್ಯಾರಿ ಉಪನಾಯಕರಾಗಿರುವರು.

ಆಸ್ಟ್ರೇಲಿಯ-ದಕ್ಷಿಣ ಆಫ್ರಿಕಾ ನಡುವಿನ ಏಕೈಕ ಟಿ20 ಪಂದ್ಯ ನ. 17ರಂದು ನಡೆಯಲಿದೆ. ಭಾರತದೆದುರಿನ 3 ಪಂದ್ಯಗಳು ಬ್ರಿಸ್ಬೇನ್‌ (ನ. 21), ಮೆಲ್ಬರ್ನ್ (ನ. 23) ಮತ್ತು ಸಿಡ್ನಿಯಲ್ಲಿ (ನ. 25) ನಡೆಯಲಿವೆ.

ಆಸ್ಟ್ರೇಲಿಯ ತಂಡ 
ಆರನ್‌ ಫಿಂಚ್‌ (ನಾಯಕ), ಅಲೆಕ್ಸ್‌ ಕ್ಯಾರಿ (ಉಪನಾಯಕ), ಆ್ಯಶrನ್‌ ಅಗರ್‌, ಜಾಸನ್‌ ಬೆಹೆÅಂಡಾಫ್ì, ನಥನ್‌ ಕೋಲ್ಟರ್‌ ನೈಲ್‌, ಕ್ರಿಸ್‌ ಲಿನ್‌, ಗ್ಲೆನ್‌ ಮ್ಯಾಕ್ಸ್‌ವೆಲ್‌, ಬೆನ್‌ ಮೆಕ್‌ಡರ್ಮಟ್‌, ಡಿ’ಆರ್ಸಿ ಶಾರ್ಟ್‌, ಬಿಲ್ಲಿ ಸ್ಟಾನ್‌ಲೇಕ್‌, ಮಾರ್ಕಸ್‌ ಸ್ಟೋಯಿನಿಸ್‌, ಆ್ಯಂಡ್ರೂ ಟೈ, ಆ್ಯಡಂ ಝಂಪ.