1st T20I: ಆಸ್ಟ್ರೇಲಿಯ ವಿರುದ್ಧ ಪಾಕಿಸ್ಥಾನಕ್ಕೆ 29 ರನ್‌ ಸೋಲು

Team Udayavani, Nov 15, 2024, 12:53 AM IST

ಬ್ರಿಸ್ಟನ್‌: ಮಳೆಯಿಂದ ತೊಂದರೆಗೊಳಗಾದ ಪ್ರವಾಸಿ ಪಾಕಿಸ್ಥಾನ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ಆಸ್ಟ್ರೇಲಿಯ ತಂಡವು ಡಕ್‌ವರ್ತ್‌ ಲೂಯಿಸ್‌ ನಿಯಮದಡಿ 29 ರನ್ನುಗಳಿಂದ ಗೆದ್ದುಕೊಂಡಿದೆ.

ಈ ಗೆಲುವಿನಿಂದ ಆಸ್ಟ್ರೇಲಿಯ ತಂಡವು ಮೂರು ಪಂದ್ಯಗಳ ಈ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ. ಸರಣಿಯ ದ್ವಿತೀಯ ಪಂದ್ಯ ಶನಿವಾರ ಸಿಡ್ನಿ ಹಾಗೂ ಮೂರನೇ ಪಂದ್ಯ ಸೋಮವಾರ ನಡೆಯಲಿದೆ.

ಮಿಂಚು ಹಾಗೂ ಭಾರೀ ಮಳೆಯಿಂದಾಗಿ ಪಂದ್ಯ ಮೂರೂವರೆ ತಾಸು ತಡವಾಗಿ ಆರಂಭಗೊಂಡಿತಲ್ಲದೇ ಓವರ್‌ಗಳ ಸಂಖ್ಯೆಯನ್ನು ತಲಾ 7 ಓವರ್‌ಗೆ ಇಳಿಸ
ಲಾಗಿತ್ತು. ಮ್ಯಾಕ್ಸ್‌ವೆಲ್‌ ಅವರ ಭರ್ಜರಿ ಆಟದಿಂದಾಗಿ ಆಸ್ಟ್ರೇಲಿಯ ತಂಡವು 7 ಓವರ್‌ಗಳಲ್ಲಿ 4 ವಿಕೆಟಿಗೆ 93 ರನ್‌ ಪೇರಿಸಿತ್ತು. ಮ್ಯಾಕ್ಸ್‌ವೆಲ್‌ ಕೇವಲ 19 ಎಸೆತಗಳಲ್ಲಿ 43 ರನ್‌ ಹೊಡೆದರು.

ಇದಕ್ಕುತ್ತರವಾಗಿ ಬ್ಯಾಟಿಂಗ್‌ ಕುಸಿತಕ್ಕೆ ಒಳಗಾದ ಪಾಕಿಸ್ಥಾನ ತಂಡವು 9 ವಿಕೆಟಿಗೆ 64 ರನ್‌ ಗಳಿಸಲಷ್ಟೇ ಶಕ್ತವಾಗಿ ಶರಣಾಯಿತು.