ಆಸೀಸ್‌ಗೆ ವೈಟ್‌ವಾಶ್‌ ಮುಖಭಂಗ

Team Udayavani, Mar 7, 2020, 11:41 PM IST

ಪೊಚೆಫ್ಸೂಮ್‌: ಬಲಿಷ್ಠ ಆಸ್ಟ್ರೇಲಿಯ ಏಕದಿನ ಕ್ರಿಕೆಟ್‌ ಸರಣಿಯಲ್ಲಿ ಅಪರೂಪದ ವೈಟ್‌ವಾಶ್‌ ಮುಖಭಂಗಕ್ಕೊಳಗಾಗಿದೆ. ಅದು ದಕ್ಷಿಣ ಆಫ್ರಿಕಾ ಎದುರಿನ ಸರಣಿಯನ್ನು 0-3 ಅಂತರದಿಂದ ಕಳೆದುಕೊಂಡಿತು.

ಶನಿವಾರ ನಡೆದ 3ನೇ ಹಾಗೂ ಅಂತಿಮ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ 6 ವಿಕೆಟ್‌ಗಳಿಂದ ಕಾಂಗರೂಗಳನ್ನು ಕೆಡವಿತು.

ಮಾರ್ನಸ್‌ ಲಬುಶೇನ್‌ ಅವರ ಶತಕ ಸಾಹಸದಿಂದ (108) ಆಸ್ಟ್ರೇಲಿಯ 7 ವಿಕೆಟಿಗೆ 254 ರನ್‌ ಗಳಿಸಿದರೆ, ದಕ್ಷಿಣ ಆಫ್ರಿಕಾ 45.3 ಓವರ್‌ಗಳಲ್ಲಿ 4 ವಿಕೆಟಿಗೆ 258 ರನ್‌ ಬಾರಿಸಿ ಕ್ಲೀನ್‌ಸಿÌàಪ್‌ ಪೂರ್ಣಗೊಳಿಸಿತು. ಸ್ಮಟ್ಸ್‌ 84, ವೆರೇಯ್ನ 50 ಹಾಗೂ ಕ್ಲಾಸೆನ್‌ ಔಟಾಗದೆ 68 ರನ್‌ ಹೊಡೆದರು. ಸ್ಮಟ್ಸ್‌ ಪಂದ್ಯಶ್ರೇಷ್ಠ, ಕ್ಲಾಸೆನ್‌ ಸರಣಿಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.