Australian Open:ಕೊಕೊ ಗಾಫ್, ಗಾರ್ಸಿಯಾ ಮುನ್ನಡೆ; ಸಿಸಿಪಸ್‌ ಗೆಲುವು

Team Udayavani, Jan 15, 2024, 11:09 PM IST

ಮೆಲ್ಬರ್ನ್: ಆಸ್ಟ್ರೇಲಿಯನ್‌ ಓಪನ್‌ ವನಿತಾ ಸಿಂಗಲ್ಸ್‌ನಲ್ಲಿ 4ನೇ ಶ್ರೇಯಾಂಕದ ಕೊಕೊ ಗಾಫ್, 6ನೇ ಶ್ರೇಯಾಂಕದ ಓನ್ಸ್‌ ಜೆಬ್ಯುರ್‌, ಕ್ಯಾರೋಲಿನ್‌ ಗಾರ್ಸಿಯಾ ಗೆಲುವಿನ ಆರಂಭ ಪಡೆದಿದ್ದಾರೆ. ಆದರೆ ವಿಂಬಲ್ಡನ್‌ ಚಾಂಪಿಯನ್‌ ಮಾರ್ಕೆಟಾ ವೊಂಡ್ರೂಸೋವಾ ಮತ್ತು ಜಪಾನ್‌ನ ನವೋಮಿ ಒಸಾಕಾ ಮೊದಲ ಸುತ್ತಿನ ಆಘಾತಕ್ಕೆ ಸಿಲುಕಿದ್ದಾರೆ. ಪುರುಷರ ವಿಭಾಗದಲ್ಲಿ ಸ್ಟೆಫ‌ನಸ್‌ ಸಿಸಿಪಸ್‌, ಅಲೆಕ್ಸ್‌ ಡಿ ಮಿನೌರ್‌ ದ್ವಿತೀಯ ಸುತ್ತು ತಲುಪಿದ್ದಾರೆ.

ಅಮೆರಿಕದ ಕೊಕೊ ಗಾಫ್ ಸ್ಲೊವಾಕಿಯಾದ ಅನ್ನಾ ಕ್ಯಾರೋಲಿನಾ ಶ್ಮಿಡೊÉàವಾ ಅವರನ್ನು 6-3, 6-0 ನೇರ ಸೆಟ್‌ಗಳಿಂದ ಹಿಮ್ಮೆಟ್ಟಿಸಿದರು. ಮುಂದಿನ ಸುತ್ತಿನಲ್ಲಿ ತಮ್ಮದೇ ದೇಶದ ಕ್ಯಾರೋಲಿನಾ ಡೋಲ್‌ಹೈಡ್‌ ಅವರನ್ನು ಎದುರಿಸಲಿದ್ದಾರೆ.

ಟ್ಯುನಿಶಿಯದ ಓನ್ಸ್‌ ಜೆಬ್ಯುರ್‌ 6-3, 6-1ರಿಂದ ಉಕ್ರೇನಿನ ಯುಲಿಯಾ ಸ್ಟಾರೊಡುಬೆÕàವಾ ಅವ ರನ್ನು ಮಣಿಸಿದರು. ಕಳೆದೆರಡು ವಿಂಬಲ್ಡನ್‌ ಫೈನಲ್‌ ಪ್ರವೇಶಿಸಿ ಪರಾಭವಗೊಂಡಿದ್ದ ಜೆಬ್ಯುರ್‌, 2022ರ ಯುಎಸ್‌ ಓಪನ್‌ ಪ್ರಶಸ್ತಿ ಸಮರದಲ್ಲೂ ಮುಗ್ಗರಿಸಿದ್ದರು. “ಇದು ನನ್ನ ಪಾಲಿನ ವೆರಿ ಸ್ಪೆಷಲ್‌ ಕಮ್‌ ಬ್ಯಾಕ್‌’ ಎಂಬುದಾಗಿ ಹೇಳಿದ್ದಾರೆ. ಕಳೆದ ವರ್ಷ ಅನಾರೋಗ್ಯದ ಸಮಸ್ಯೆಯಿಂದಾಗಿ ದ್ವಿತೀಯ ಸುತ್ತಿನಲ್ಲೇ ಸೋಲನುಭವಿಸಿ “ಮೆಲ್ಬರ್ನ್ ಪಾರ್ಕ್‌’ ತೊರೆದಿದ್ದರು.

ವೊಂಡ್ರೂಸೋವಾ ಔಟ್‌
ವಿಂಬಲ್ಡನ್‌ ಚಾಂಪಿಯನ್‌, ಜೆಕ್‌ ಆಟಗಾರ್ತಿ ಮಾರ್ಕೆಟಾ ವೊಂಡ್ರೂಸೋವಾ ಅವರಿಗೆ ಆಘಾತ ವಿಕ್ಕಿ ದವರು ಉಕ್ರೇನ್‌ನ ಅರ್ಹತಾ ಆಟಗಾರ್ತಿ ಡಯಾನಾ ಯಾಸ್ಟ್ರೆಮ್‌ಸ್ಕಾ. ಅಂತರ 6-1, 6-2. ವೊಂಡ್ರೂಸೋವಾ ಕಳೆದ ವರ್ಷ, ವಿಂಬಲ್ಡನ್‌ ಗೆದ್ದ ಮೊದಲ ಶ್ರೇಯಾಂಕ ರಹಿತ ಆಟಗಾರ್ತಿ ಎಂಬ ದಾಖಲೆ ಸ್ಥಾಪಿಸಿದ್ದರು.
ಜಪಾನ್‌ನ ನವೋಮಿ ಒಸಾಕಾ ಅವರನ್ನು ಫ್ರಾನ್ಸ್‌ನ ಕ್ಯಾರೋಲಿನ್‌ ಗಾರ್ಸಿಯಾ 6-4, 7-6 (7-2) ಅಂತರದಿಂದ ಪರಾಭವಗೊಳಿಸಿದರು.

ಸಿಸಿಪಸ್‌ ಗೆಲುವು
ಗ್ರೀಸ್‌ನ ಸ್ಟೆಫ‌ನಸ್‌ ಸಿಸಿಪಸ್‌ ಬೆಲ್ಜಿಯಂನ ಝಿಜೂ ಬಗ್ಸ್‌ì ಅವರನ್ನು 5-7, 6-1, 6-1, 6-3ರಿಂದ ಪರಾ ಭವ ಗೊಳಿಸಿದರು. ಮೂಲ ವೇಳಾಪಟ್ಟಿಯಂತೆ ಮ್ಯಾಟಿಯೊ ಬರೆಟಿನಿ ವಿರುದ್ಧ ಸಿಸಿಪಸ್‌ ಮೊದಲ ಸುತ್ತಿನ ಪಂದ್ಯ ಆಡಬೇಕಿತ್ತು. ಆದರೆ ಬರೆಟಿನಿ ಪಾದದ ನೋವಿ ನಿಂದಾಗಿ ರವಿವಾರ ಕೂಟದಿಂದ ಹಿಂದೆ ಸರಿದಿದ್ದರು.

ಕೆನಡಾದ ಮಿಲೋಸ್‌ ರಾನಿಕ್‌ ಗಾಯಾಳಾದ ಕಾರಣ ಆತಿಥೇಯ ದೇಶದ ಅಲೆಕ್ಸ್‌ ಡಿ ಮಿನೌರ್‌ ದ್ವಿತೀಯ ಸುತ್ತಿಗೆ ಏರಿದರು. ಆಗ ಮಿನೌರ್‌ 6-7 (6), 6-3, 2-0 ಮುನ್ನಡೆಯಲ್ಲಿದ್ದರು. ಇವರ ಮುಂದಿನ ಎದುರಾಳಿ ಇಟಲಿಯ ಮ್ಯಾಟಿಯೊ ಅರ್ನಾಲ್ಡಿ. ಇವರು ವೈಲ್ಡ್‌ಕಾರ್ಡ್‌ ಮೂಲಕ ಬಂದ ಆಸ್ಟ್ರೇಲಿಯದ ಆ್ಯಡಂ ವಾಲ್ಟನ್‌ಗೆ ಸೋಲುಣಿಸಿದರು.