ಗುಣವರ್ಧನೆ ಅಫ್ಘಾನ್‌ ಬ್ಯಾಟಿಂಗ್‌ ಕೋಚ್‌

Team Udayavani, Aug 19, 2021, 6:52 AM IST

ಕಾಬೂಲ್‌: ತಾಲಿಬಾನಿಗಳ ದೆಸೆಯಿಂದ ಅಫ್ಘಾನಿಸ್ಥಾನದ ಕ್ರಿಕೆಟ್‌ ಇನ್ನು ಎಷ್ಟರ ಮಟ್ಟಿಗೆ ಪ್ರಗತಿ ಕಂಡೀತು ಎಂಬುದೊಂದು ದೊಡ್ಡ ಪ್ರಶ್ನೆ. ಆದರೆ ಅಲ್ಲಿನ ಕ್ರಿಕೆಟ್‌ ಮಂಡಳಿ (ಎಸಿಬಿ) ಮಾತ್ರ ತುಂಬು ವಿಶ್ವಾಸದಲ್ಲಿದೆ.

ಶ್ರೀಲಂಕಾದ ಮಾಜಿ ಆಟಗಾರ ಆವಿಷ್ಕ ಗುಣವರ್ಧನೆ ಅವರನ್ನು ತಂಡದ ಬ್ಯಾಟಿಂಗ್‌ ಕೋಚ್‌ ಆಗಿ ನೇಮಿಸುವ ಮೂಲಕ ತನ್ನ ಚಟುವಟಿಕೆಯನ್ನು ಪುನರಾರಂಭಿಸಿದೆ. ಈ ನೇಮಕಾತಿ ಕುರಿತಂತೆ ಎಸಿಬಿ ತನ್ನ ಟ್ವಿಟರ್‌ನಲ್ಲಿ ಹೇಳಿಕೊಂಡಿದೆ.

ಶ್ರೀಲಂಕಾ ಪರ 6 ಟೆಸ್ಟ್‌ ಮತ್ತು 61 ಏಕದಿನ ಪಂದ್ಯಗಳನ್ನಾಡಿರುವ ಗುಣವರ್ಧನೆ ವಿರುದ್ಧ ಭ್ರಷ್ಟಾಚಾರದ ಎರಡು ಆರೋಪಗಳಿದ್ದವು. ಇದರಿಂದ ಮುಕ್ತರಾದ ಕಾರಣ ಅವರಿಗೆ ಕ್ರಿಕೆಟ್‌ ಚಟುವಟಿಕೆಗಳಲ್ಲಿ ಮುಂದುವರಿಯಲು ಸಾಧ್ಯವಾಗಿದೆ.

ಆಫ್ಘಾನಿಸ್ಥಾನ ತನ್ನ ಮುಂದಿನ ಸರಣಿಯನ್ನು ಪಾಕಿಸ್ಥಾನ ವಿರುದ್ಧ ಶ್ರೀಲಂಕಾದಲ್ಲಿ ಆಡಲಿದೆ. ಇದು 3 ಪಂದ್ಯಗಳ ಏಕದಿನ ಮುಖಾಮುಖೀಯಾಗಿದ್ದು, ಮುಂದಿನ ತಿಂಗಳು ನಡೆಯಲಿದೆ.