ಬಾಂಗ್ಲಾದೇಶ 3-0 ವಿಕ್ರಮ

Team Udayavani, Jan 26, 2021, 7:20 AM IST

ಚಿತ್ತಗಾಂಗ್‌: ಏಕದಿನ ಸರಣಿಯಲ್ಲಿ ಪ್ರವಾಸಿ ವೆಸ್ಟ್‌ ಇಂಡೀಸಿಗೆ ಬಾಂಗ್ಲಾದೇಶ 3-0 ವೈಟ್‌ವಾಶ್‌ ಮಾಡಿದೆ. ಸೋಮವಾರದ ಅಂತಿಮ ಪಂದ್ಯವನ್ನು 120 ರನ್ನುಗಳ ಭಾರೀ ಅಂತರದಿಂದ ಗೆದ್ದು ಪರಾಕ್ರಮ ಮೆರೆದಿದೆ.

ಮೊದಲು ಬ್ಯಾಟಿಂಗ್‌ ನಡೆಸಿದ ಬಾಂಗ್ಲಾ 6 ವಿಕೆಟಿಗೆ 297 ರನ್‌ ಪೇರಿಸಿದರೆ, ವಿಂಡೀಸ್‌ 44.2 ಓವರ್‌ಗಳಲ್ಲಿ 177ಕ್ಕೆ ಕುಸಿಯಿತು. ಬಾಂಗ್ಲಾ ಸರದಿಯಲ್ಲಿ ಮೂವರು 64 ರನ್‌ ಗಳಿಸಿದ್ದು ವಿಶೇಷ. ಇವರೆಂದರೆ ನಾಯಕ ತಮಿಮ್‌ ಇಕ್ಬಾಲ್‌, ಮುಶ್ಫಿಕರ್‌ ರಹೀಂ ಮತ್ತು ಮಹಮದುಲ್ಲ.

ಶಕಿಬ್‌ ವಿಶಿಷ್ಟ ದಾಖಲೆ :

ಬಾಂಗ್ಲಾ ಆಲ್‌ರೌಂಡರ್‌ ಶಕಿಬ್‌ ಈ ಪಂದ್ಯದ ವೇಳೆ ವಿಶಿಷ್ಟ ದಾಖಲೆಯೊಂದನ್ನು ನಿರ್ಮಿಸಿದರು. ಅವರು ಒಂದೇ ದೇಶದಲ್ಲಿ ಆಡಲಾದ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 6 ಸಾವಿರ ರನ್‌ ಹಾಗೂ 300 ವಿಕೆಟ್‌ ಕಿತ್ತ ವಿಶ್ವದ ಮೊದಲ ಆಟಗಾರನಾಗಿ ಮೂಡಿಬಂದರು. ಒಂದು ವರ್ಷದ ನಿಷೇಧದ ಬಳಿಕ ಮತ್ತೆ ದೇಶವನ್ನು ಪ್ರತಿನಿಧಿಸತೊಡಗಿದ ಶಕಿಬ್‌ ಪಾಲಿಗೆ ಇದೊಂದು ಮಹಾನ್‌ ಸಾಧನೆಯೇ ಆಗಿದೆ.

ಸಂಕ್ಷಿಪ್ತ ಸ್ಕೋರ್‌: ಬಾಂಗ್ಲಾ -6 ವಿಕೆಟಿಗೆ 297. ವಿಂಡೀಸ್‌-44.2

ಓವರ್‌ಗಳಲ್ಲಿ 177. ಪಂದ್ಯಶ್ರೇಷ್ಠ: ರಹೀಂ. ಸರಣಿಶ್ರೇಷ್ಠ: ಶಕಿಬ್‌.