ನವೆಂಬರ್ 22ಕ್ಕೆ ಬೆಂಗಳೂರು ವಿಶ್ವ 10ಕೆ ಮ್ಯಾರಥಾನ್‌

Team Udayavani, May 12, 2020, 9:41 AM IST

ಬೆಂಗಳೂರು: ಕೋವಿಡ್-19 ವೈರಸ್‌ ಹಿನ್ನೆಲೆಯಲ್ಲಿ ಮುಂದೂಡಲ್ಪಟ್ಟಿದ್ದ ಬೆಂಗಳೂರು ವಿಶ್ವ 10ಕೆ ಮ್ಯಾರಥಾನ್‌ ಕೂಟವನ್ನು ನ.22ರಂದು ನಡೆಸಲಾಗುತ್ತದೆ ಎಂದು ಸಂಘಟಕರು ಪ್ರಕಟಪಡಿಸಿದ್ದಾರೆ.

ಈ ಮೊದಲು ಮೇ ಮೊದಲ ವಾರದಲ್ಲಿ ರೇಸ್‌ ನಡೆಸಲು ಸಂಘಟಕರು ನಿರ್ಧರಿಸಿದ್ದರು. ಆದರೆ ವೈರಸ್‌ ಭೀತಿಯಿಂದಾಗಿ ಸರ್ಕಾರ ದೇಶದೆಲ್ಲೆಡೆ ದಿಗ್ಬಂಧನ ಹಾಕಿದ ಬೆನ್ನಲ್ಲೇ ಬೆಂಗಳೂರು ವಿಶ್ವ10ಕೆ ಕೂಟವನ್ನು ಮುಂದೂಡಲು ಸಂಘಟಕರು ನಿರ್ಧಾರ ತೆಗೆದುಕೊಂಡಿದ್ದರು.

ಪರಿಷ್ಕೃತ ಕೂಟದ ದಿನಾಂಕವನ್ನು ಶೀಘ್ರದಲ್ಲೇ ಪ್ರಕಟಿಸುವುದಾಗಿ ಸಂಘಟಕರು ತಿಳಿಸಿದ್ದರು. ಇದೀಗ ಮಾತನಾಡಿರುವ ಕೂಟದ ಸಂಘಟಕ ಪ್ರೊಕಾಮ್‌ ಇಂಟರ್‌ನ್ಯಾಷನಲ್‌ ಜಂಟಿ ನಿರ್ವಹಣಾ ನಿರ್ದೇಶಕ ವಿವೇಕ್‌ ಸಿಂಗ್‌, “ವಿಶ್ವ 10ಕೆ ಆಯೋಜನೆಗೆ ನವೆಂಬರ್ 22ರಂದು ಯಾವುದೇ ಸಮಸ್ಯೆ ಎದುರಾಗದು ಎಂದು ಭಾವಿಸಿದ್ದೇವೆ. ಎಲ್ಲವೂ ತಿಳಿಯಾಗಿ ರೇಸ್‌ ಯಶಸ್ವಿಯಾಗುತ್ತದೆ ಎನ್ನುವ ವಿಶ್ವಾಸವಿದೆ. ಸೆ.8ರಿಂದ ಆನ್‌ಲೈನ್‌ ನೋಂದಣಿ ಆರಂಭವಾಗಲಿದೆ’ ಎಂದು ತಿಳಿಸಿದರು.