ಪಾಕಿಸ್ಥಾನದ ಸ್ಪಿನ್ನರ್‌ ಸಾಜಿದ್‌ ಖಾನ್‌ ಬೌಲಿಂಗ್‌ ದಾಳಿಗೆ ತತ್ತರಿಸಿದ ಬಾಂಗ್ಲಾ

Team Udayavani, Dec 8, 2021, 4:20 AM IST

ಢಾಕಾ: ಮಳೆಪೀಡಿತ ಢಾಕಾ ಟೆಸ್ಟ್‌ ಪಂದ್ಯ ರೋಚಕ ಘಟ್ಟ ತಲುಪಿದೆ. ಪಾಕಿಸ್ಥಾನದ ಸ್ಪಿನ್ನರ್‌ ಸಾಜಿದ್‌ ಖಾನ್‌ ಬೌಲಿಂಗ್‌ ದಾಳಿಗೆ ತತ್ತರಿಸಿದ ಬಾಂಗ್ಲಾದೇಶ 76 ರನ್ನಿಗೆ 7 ವಿಕೆಟ್‌ ಕಳೆದುಕೊಂಡು 4ನೇ ದಿನದಾಟ ಮುಗಿಸಿದೆ.

ಮೊದಲ ಇನ್ನಿಂಗ್ಸ್‌ ಮುಂದುವರಿಸಿದ ಪಾಕಿಸ್ಥಾನ 4 ವಿಕೆಟಿಗೆ 300 ರನ್‌ ಗಳಿಸಿ ಡಿಕ್ಲೇರ್‌ ಮಾಡಿತು. ಬಳಿಕ ಸಾಜಿದ್‌ ಖಾನ್‌ ಆಕ್ರಮಣ ಮೊದಲ್ಗೊಂಡಿತು. ಅವರು 35 ರನ್‌ ವೆಚ್ಚದಲ್ಲಿ 6 ವಿಕೆಟ್‌ ಕೆಡವಿದರು.

ಬುಧವಾರ ಪಂದ್ಯದ ಅಂತಿಮ ದಿನ. ಆಟಕ್ಕೆ ಯಾವುದೇ ಪ್ರತಿಕೂಲ ಹವಾಮಾನ ಎದುರಾಗದಿದ್ದರೆ, ಬಾಂಗ್ಲಾದೇಶವನ್ನು ಫಾಲೋಆನ್‌ಗೆ ಗುರಿಪಡಿಸಿದರೆ ಪಾಕಿಸ್ಥಾನದ ಗೆಲುವಿನ ಅವಕಾಶವನ್ನು ಕಡೆಗಣಿಸುವಂತಿಲ್ಲ.

ಸಂಕ್ಷಿಪ್ತ ಸ್ಕೋರ್‌: ಪಾಕಿಸ್ಥಾನ-4 ವಿಕೆಟಿಗೆ 300 ಡಿಕ್ಲೇರ್‌ (ಬಾಬರ್‌ 76, ಅಜರ್‌ ಅಲಿ 56, ರಿಜ್ವಾನ್‌ ಔಟಾಗದೆ 53, ಆಲಂ ಔಟಾಗದೆ 50, ತೈಜುಲ್‌ 73ಕ್ಕೆ 2). ಬಾಂಗ್ಲಾದೇಶ-7 ವಿಕೆಟಿಗೆ 76 (ನಜ್ಮುಲ್‌ 30, ಶಕಿಬ್‌ ಬ್ಯಾಟಿಂಗ್‌ 23, ಸಾಜಿದ್‌ 35ಕ್ಕೆ 6).

ಇದನ್ನೂ ಓದಿ:ಸುಲಭ ದಯಾಮರಣಕ್ಕೆ ಬಂದಿದೆ ಯಂತ್ರ