ಟೀಮ್‌ ಇಂಡಿಯಾಕ್ಕೆ ಇನ್ನು “ಎಂಪಿಎಲ್‌ ಕಿಟ್‌’

Team Udayavani, Nov 17, 2020, 9:52 PM IST

ನವದೆಹಲಿ: ಬಿಸಿಸಿಐ ತನ್ನ ನೂತನ ಕಿಟ್‌ ಪ್ರಾಯೊಜಕರನ್ನು ಅಧಿಕೃತವಾಗಿ ಘೋಷಿಸಿದೆ. ನೈಕ್‌ ಬಳಿಕ ಈ ಪ್ರಾಯೋಜಕತ್ವ ಎಂಪಿಎಲ್‌ ನ್ಪೋರ್ಟ್ಸ್ ಪಾಲಾಗಿದೆ. ಮೂರು ವರ್ಷಗಳ ಈ ಒಡಂಬಡಿಕೆಯನ್ನು ಬಿಸಿಸಿಐ ಮಂಗಳವಾರ ಅಧಿಕೃತವಾಗಿ ಘೋಷಿಸಿದೆ. ನವಂಬರ್‌ 2020ರಿಂದ 2023ರ ಡಿಸೆಂಬರ್‌ ವರೆಗೆ ಈ ಒಪ್ಪಂದ ಜಾರಿಯಲ್ಲಿರುತ್ತದೆ.

ನೂತನವಾಗಿ ವಿನ್ಯಾಸಗೊಳಿಸುವ ಈ ಜೆರ್ಸಿಯನ್ನು ಮುಂದಿನ ಮೂರು ವರ್ಷಗಳ ಕಾಲ ಟೀಮ್‌ ಇಂಡಿಯಾದ ಪುರುಷರ ತಂಡದ ಜತೆಗೆ ಮಹಿಳಾ ತಂಡ ಹಾಗೂ ಅಂಡರ್‌-19 ತಂಡಗಳ ಆಟಗಾರರೂ ಧರಿಸಲಿದ್ದಾರೆ.

ಹಿಂದೆ ಸರಿದ ನೈಕ್‌
ನೈಕ್‌ ಕಂಪೆನಿಯೊಂದಿಗಿನ ಟೀಮ್‌ ಇಂಡಿಯಾದ ಕಿಟ್‌ ಪ್ರಾಯೋಜಕತ್ವದ ಒಪ್ಪಂದ ಇತ್ತೀಚೆಗೆ ಕೊನೆಗೊಂಡಿತ್ತು. ಈ ಒಪ್ಪಂದವನ್ನು ಮುಂದುವರಿಸಲು ನೈಕ್‌ ಬಯಸಿರಲಿಲ್ಲ. ಕೊರೊನಾ ವೈರಸ್‌ ಕಾರಣದಿಂದಾಗಿ ನಷ್ಟವನ್ನು ತುಂಬಲು ನೈಕ್‌ ಈ ನಿರ್ಧಾರ ತೆಗೆದುಕೊಂಡಿತ್ತು. ಹೀಗಾಗಿ ಹೊಸ ಒಪ್ಪಂದಕ್ಕೆ ಬಿಸಿಸಿಐ ಅಹ್ವಾನ ನೀಡಿತ್ತು. ಇದೀಗ ಎಂಪಿಎಲ್‌ ಪಾಲಾಗಿದೆ.