ಭಾರತದಲ್ಲೇ ಮುಂದಿನ ಐಪಿಎಲ್‌: ಗಂಗೂಲಿ

Team Udayavani, Oct 16, 2021, 11:54 PM IST

ದುಬಾೖ: ಮುಂದಿನ ವರ್ಷದ ಐಪಿಎಲ್‌ ಪಂದ್ಯಾವಳಿ ಭಾರತದಲ್ಲೇ ನಡೆಯಲಿದೆ ಎಂಬುದಾಗಿ ಬಿಸಿಸಿಐ ಅಧ್ಯಕ್ಷ ಸೌರವ್‌ ಗಂಗೂಲಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

“2022ರ ಐಪಿಎಲ್‌ ಪಂದ್ಯಾವಳಿ ಭಾರತದಲ್ಲೇ ನಡೆಯಬೇಕೆಂಬುದು ಬಿಸಿಸಿಐ ಆಶಯ. ಈ ವಿಶ್ವಾಸವೂ ನಮ್ಮಲ್ಲಿದೆ.

ಭಾರತದಲ್ಲಿ ಸ್ಟಾಂಡ್‌ಗಳು ತುಂಬಿದರೆ ಅದರ ಜೋಶ್‌, ಮಜವೇ ಬೇರೆ. ಐಪಿಎಲ್‌ ಭಾರತಕ್ಕೆ ಮರಳುವುದನ್ನೇ ನಾವೆಲ್ಲ ಕಾಯುತ್ತಿದ್ದೇವೆ’ ಎಂಬುದಾಗಿ ಗಂಗೂಲಿ ಹೇಳಿದರು.

ಐಪಿಎಲ್‌ 2021 ಟೂರ್ನಿ ಭಾರತದಲ್ಲಿ ಆರಂಭಗೊಂಡಿತ್ತು. ಆದರೆ ಕೋವಿಡ್‌ ಎರಡನೇ ಅಲೆ ಹೊಡೆತಕ್ಕೆ ಟೂರ್ನಿ ಅರ್ಧಕ್ಕೆ ಸ್ಥಗಿತಕೊಂಡಿತು. ಹಲವು ಪ್ರಯತ್ನಗಳ ಬಳಿಕ ಬಿಸಿಸಿಐ ಟೂರ್ನಿಯನ್ನು ಯಎಐಗೆ ಸ್ಥಳಾಂತರಿಸಿತು.

ಹೀಗಾಗಿ ಐಪಿಎಲ್ 2021ರ ಎರಡನೇ ಭಾಗ ಯುನೈಟೆಡ್ ಅರಬ್ ಎಮಿರೈಟ್ಸ್‌ನಲ್ಲಿ ಆಯೋಜಿಸಲಾಯಿತು. ಆದರೆ ಐಪಿಎಲ್ 2022 ಟೂರ್ನಿಯನ್ನು ಭಾರತದಲ್ಲಿ ಆಯೋಜಿಸಲು ಬಿಸಿಸಿಐ ನಿರ್ಧರಿಸಿದೆ ಎಂದು ಗಂಗೂಲಿ ಹೇಳಿದ್ದಾರೆ.

ಇದನ್ನೂ ಓದಿ: ಅಪರಾಧಿಯನ್ನು ಸಾರ್ವಜನಿಕವಾಗಿ ನೇಣಿಗೇರಿಸುವುದಿಲ್ಲ: ತಾಲಿಬಾನ್‌