Bhubaneswar;ಹಾಕಿ ಶಿಬಿರಕ್ಕೆ 28 ಆಟಗಾರರು : ಒಲಿಂಪಿಕ್ಸ್‌ ಹಿನ್ನೆಲೆಯಲ್ಲಿ ಮಹತ್ವ

Team Udayavani, Mar 12, 2024, 12:20 AM IST

ಭುವನೇಶ್ವರ: ಮಂಗಳವಾರದಿಂದ ಭುವನೇಶ್ವರದ “ಕಳಿಂಗ ಸ್ಟೇಡಿಯಂ’ನಲ್ಲಿ ಆರಂಭವಾಗಲಿರುವ ಪುರುಷರ ಹಾಕಿ ಶಿಬಿರಕ್ಕೆ 28 ಆಟಗಾರರನ್ನು ಆಯ್ಕೆ ಮಾಡಲಾಗಿದೆ. ಪ್ಯಾರಿಸ್‌ ಒಲಿಂಪಿಕ್ಸ್‌ ಹಿನ್ನೆಲೆಯಲ್ಲಿ ಇದು ಅತ್ಯಂತ ಮಹತ್ವದ ಶಿಬಿರವಾಗಿದೆ. ಮಾ. 30ರ ತನಕ ಶಿಬಿರ ನಡೆಯಲಿದೆ.

ಭುವನೇಶ್ವರ ಮತ್ತೂ ರೂರ್ಕೆಲಾದಲ್ಲಿ ನಡೆದ 2023-24ರ ಎಫ್ಐಎಚ್‌ ಪ್ರೊ ಲೀಗ್‌ ಹಾಕಿಯಲ್ಲಿ ತೃತೀಯ ಸ್ಥಾನ ಪಡೆದಿರುವ ಭಾರತ ತಂಡವಿನ್ನು ಮೇ 22ರಿಂದ ಅಂಟೆರ್ಪ್‌, ಬೆಲ್ಜಿಯಂ, ಲಂಡನ್‌ ಮತ್ತು ನೆದರ್ಲೆಂಡ್ಸ್‌ನಲ್ಲಿ ಈ ಲೀಗ್‌ ಸ್ಪರ್ಧೆಯನ್ನು ಮುಂದುವರಿಸಲಿದೆ. ಈ ಕಾರಣಕ್ಕಾಗಿಯೂ ಹಾಕಿ ಶಿಬಿರ ಹೆಚ್ಚಿನ ಮಹತ್ವ ಪಡೆದಿದೆ.

ಶಿಬಿರಕ್ಕೆ ಆಯ್ಕೆಯಾದ ಆಟಗಾರರು
ಗೋಲ್‌ಕೀಪರ್: ಕೃಷ್ಣ ಬಹಾದೂರ್‌ ಪಾಠಕ್‌, ಪಿ.ಆರ್‌. ಶ್ರೀಜೇಶ್‌, ಸೂರಜ್‌ ಕರ್ಕೆರ.

ಡಿಫೆಂಡರ್: ಹರ್ಮನ್‌ಪ್ರೀತ್‌ ಸಿಂಗ್‌, ಜರ್ಮನ್‌ಪ್ರೀತ್‌ ಸಿಂಗ್‌, ಅಮಿತ್‌ ರೋಹಿದಾಸ್‌, ಜುಗ್ರಾಜ್‌ ಸಿಂಗ್‌, ಸಂಜಯ್‌, ಸುಮಿತ್‌, ಅಮಿರ್‌ ಅಲಿ.

ಮಿಡ್‌ಫೀಲ್ಡರ್: ಮನ್‌ಪ್ರೀತ್‌ ಸಿಂಗ್‌, ಹಾರ್ದಿಕ್‌ ಸಿಂಗ್‌, ವಿವೇಕ್‌ ಸಾಗರ್‌ ಪ್ರಸಾದ್‌, ರಬಿಚಂದ್ರ ಸಿಂಗ್‌ ಮೊರಂಗ್ತಿಮ್‌, ಶಮ್ಶೆàರ್‌ ಸಿಂಗ್‌, ನೀಲಕಂಠ ಶರ್ಮ, ರಾಜ್‌ಕುಮಾರ್‌ ಪಾಲ್‌, ವಿಷ್ಣುಕಾಂತ್‌ ಸಿಂಗ್‌.

ಫಾರ್ವರ್ಡ್ಸ್‌: ಆಕಾಶದೀಪ್‌ ಸಿಂಗ್‌, ಮನ್‌ದೀಪ್‌ ಸಿಂಗ್‌, ಲಲಿತ್‌ ಕುಮಾರ್‌ ಉಪಾಧ್ಯಾಯ, ಅಭಿಷೇಕ್‌, ದಿಲ್‌ಪ್ರೀತ್‌ ಸಿಂಗ್‌, ಸುಖ್‌ಜೀತ್‌ ಸಿಂಗ್‌, ಗುರ್ಜಂತ್‌ ಸಿಂಗ್‌, ಮೊಹಮ್ಮದ್‌ ರಾಹೀಲ್‌ ಮೌಸೀನ್‌, ಬಾಬ್ಬಿ ಸಿಂಗ್‌, ಅರೈಜೀತ್‌ ಸಿಂಗ್‌.