ನೂಪುರ ನಗರ್‌- ವೇಗಿ ಭುವನೇಶ್ವರ್‌ ಡೇಟಿಂಗ್‌

Team Udayavani, Oct 5, 2017, 7:20 AM IST

ನವದೆಹಲಿ: ಭಾರತ ಕ್ರಿಕೆಟ್‌ ತಂಡದ ವೇಗಿ ಭುವನೇಶ್ವರ್‌ ಕುಮಾರ್‌ ಬೆಂಗಾಳಿ-ತೆಲುಗು ನಟಿ ಅನುಸ್ಮತಿ ಸರ್ಕಾರ್‌ ಜತೆ ಡೇಟಿಂಗ್‌ ಮಾಡುತ್ತಿದ್ದಾರೆ ಅನ್ನುವಂತಹ ಗಾಸಿಪ್‌ ಸುದ್ದಿ ಹುಟ್ಟಿಕೊಂಡಿತ್ತು. ಆದರೆ ಅದು ನಟಿ ಅನುಸ್ಮತಿ ಅಲ್ಲ, ನೂಪುರ್‌ ನಗರ್‌ ಎಂದು ಭುವಿ ಇನ್‌ಸ್ಟಾಗ್ರಾಮ್‌ನಲ್ಲಿ ಹಾಕಿರುವ ಫೋಟೋ ಮೂಲಕ ಸ್ಪಷ್ಟಪಡಿಸಿದ್ದಾರೆ.

ಇದಕ್ಕೂ ಮುನ್ನ ಭುವನೇಶ್ವರ್‌ ಕುಮಾರ್‌ ಭೋಜನ ಮಾಡುತ್ತಿರುವ ತಮ್ಮ ಫೋಟೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಾಕಿ ಎದುರಿಗೆ ಯಾರಿದ್ದಾರೆ? ಎನ್ನುವ ಬಗ್ಗೆ ಶೀಘ್ರದಲ್ಲಿ ತಿಳಿಸುತ್ತೇನೆ ಎಂದು ಬರೆದುಕೊಂಡಿದ್ದರು. ಈ ಸಂದರ್ಭದಲ್ಲಿ ಅದು ಅನುಸ್ಮತಿ ಎಂದು ಗಾಸಿಪ್‌ ಹಬ್ಬಿತ್ತು. ಆದರೆ ಇದಾಗಿ 5 ತಿಂಗಳ ನಂತರ ಭುವಿ ಪೂರ್ಣ ಪ್ರಮಾಣದ ಫೋಟೋವನ್ನು ಹಾಕಿದ್ದಾರೆ. ಆದರಲ್ಲಿ ಭುವಿ ಜತೆ ಡಿನ್ನರ್‌ ಮಾಡುತ್ತಿರುವವರು ನೂಪುರ್‌ ನಗರ್‌ ಅನ್ನುವ ರಹಸ್ಯವನ್ನು ಬಿಚ್ಚಿಟ್ಟಿದ್ದಾರೆ. 

ಇತ್ತೀಚೆಗೆ ಹಾರ್ದಿಕ್‌ ಪಾಂಡ್ಯ ಮತ್ತು ಬಾಲಿವುಡ್‌ ನಟಿ ಪರಿಣಿತಿ ಚೋಪ್ರಾ ನಡುವೆ ಕೂಡ ಗಾಸಿಪ್‌ ಸುದ್ದಿ ಹುಟ್ಟಿಕೊಂಡಿತ್ತು. ಆ ನಂತರ ಪಾಂಡ್ಯ ಮತ್ತು ಪರಿಣಿತಿ ಸ್ಪಷ್ಟಿಕರಣ ನೀಡಿ ಸುದ್ದಿಯನ್ನು ತಣ್ಣಗಾಗಿಸಿದ್ದರು.