ಟಿ20 ಶ್ರೇಯಾಂಕ: 6ಕ್ಕೆ ಕುಸಿದ ಕೊಹ್ಲಿ

Team Udayavani, Feb 26, 2018, 6:35 AM IST

ದುಬೈ: ನೂತನ ಐಸಿಸಿ ಟಿ20 ಶ್ರೇಯಾಂಕ ಬಿಡುಗಡೆಯಾಗಿದೆ. ಇದರಲ್ಲಿ ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಮತ್ತಷ್ಟು ಕುಸಿತ ಕಂಡು 6ನೇ ಸ್ಥಾನಕ್ಕಿಳಿದಿದ್ದಾರೆ. 

ಒಂದೆರಡು ತಿಂಗಳ ಹಿಂದೆ ನಂ.1 ಸ್ಥಾನದಲ್ಲಿದ್ದ ಅವರು ಆಫ್ರಿಕಾ ಪ್ರವಾಸದಲ್ಲಿ ಟಿ20 ಮಟ್ಟಿಗೆ ಸಾಮಾನ್ಯ ಪ್ರದರ್ಶನ ನೀಡಿದ್ದರಿಂದ ಈ ಕುಸಿತ ಸಂಭವಿಸಿದೆ. ಮತ್ತೂಂದು ಕಡೆ ಶ್ರೇಯಾಂಕದಲ್ಲಿ ಭಾರೀ ಕುಸಿತ ಅನುಭವಿಸಿರುವುದು ವೇಗಿ ಜಸಿøàತ್‌ ಬುಮ್ರಾ. ಆಫ್ಘಾನಿಸ್ತಾನದ ಸ್ಪಿನ್ನರ್‌ ರಶೀದ್‌ ಖಾನ್‌ರೊಂದಿಗೆ ಅಗ್ರಸ್ಥಾನ ಹಂಚಿಕೊಂಡಿದ್ದ ಅವರು ಇದೀಗ 5ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ಹಿಂದಿನ 3 ಟಿ20ಯಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡದಿದ್ದುದ್ದೇ ಇದಕ್ಕೆ ಕಾರಣ. ಮತ್ತೂಂದು ಕಡೆ ಆಫ್ಘಾನಿಸ್ತಾನದ ಸ್ಪಿನ್ನರ್‌ ರಶೀದ್‌ ಖಾನ್‌ ಅಗ್ರಸ್ಥಾನಕ್ಕೇರುವ ಮೂಲಕ ಅಸಾಮಾನ್ಯ ಸಾಧನೆ ಮಾಡಿದ್ದಾರೆ. ಐಸಿಸಿ ಸಹ ಸದಸ್ಯ ರಾಷ್ಟ್ರಗಳ ಕ್ರಿಕೆಟಿಗರಲ್ಲೇ ಇದು ಶ್ರೇಷ್ಠ ಸಾಧನೆಯಾಗಿದೆ.

ಭಾರತಕ್ಕೆ ಐಸಿಸಿ ಟೆಸ್ಟ್‌ ಗದೆ!
ಈ ಬಾರಿಯ ಆಫ್ರಿಕಾ ಪ್ರವಾಸದಲ್ಲಿನ 3ನೇ ಪಂದ್ಯವನ್ನು ಗೆದ್ದು ಭಾರತ ನಂ.1 ಟೆಸ್ಟ್‌ ತಂಡವೆಂಬ ಹೆಗ್ಗಳಿಕೆ ಉಳಿಸಿಕೊಂಡಿದೆ. ಈ ಬಾರಿ ಏಪ್ರಿಲ್‌ ಕಳೆಯುವ ಹೊತ್ತಿಗೆ ಯಾವುದೇ ತಂಡ ಭಾರತವನ್ನು ಹಿಂದಿಕ್ಕುವ ಭರವಸೆಯಿಲ್ಲ ಎಂಬ ಕಾರಣಕ್ಕೆ ಸತತ 2ನೇ ವರ್ಷ ಟೆಸ್ಟ್‌ ಗದೆಯನ್ನು ಐಸಿಸಿ ಭಾರತಕ್ಕೆ ನೀಡಿದೆ.