ಮಾಹೆಯಿಂದ ಬಾಕ್ಸಿಂಗ್‌ ಲೀಗ್‌; ನೀರಜ್‌ ಭೇಟಿ

Team Udayavani, Feb 18, 2022, 6:00 AM IST

ಮಣಿಪಾಲ: ಮಣಿಪಾಲ್‌ ಅಕಾಡೆಮಿ ಆಫ್ ಹೈಯರ್‌ ಎಜುಕೇಶನ್‌ (ಮಾಹೆ) ಮುಂದಿನ ಎಪ್ರಿಲ್‌ನಲ್ಲಿ ಮೊದಲ ಬಾರಿಗೆ ವೃತ್ತಿಪರ ಬಾಕ್ಸಿಂಗ್‌ ಲೀಗ್‌ ಒಂದನ್ನು ಆಯೋಜಿಸಲು ಮುಂದಾಗಿದೆ. “ಪಂಚ್‌ ಟು ಬೀಟ್‌ ದ ವೇವ್‌’ ಹೆಸರಿನ ಈ ಪಂದ್ಯಾವಳಿಯಲ್ಲಿ ದೇಶ ವಿದೇಶಗಳ ಖ್ಯಾತ ಬಾಕ್ಸರ್‌ಗಳು ಪಾಲ್ಗೊಳ್ಳಲಿದ್ದಾರೆ.

ಪೂರ್ವಭಾವಿಯಾಗಿ ಭಾರತದ ಖ್ಯಾತ ವೃತ್ತಿಪರ ಬಾಕ್ಸರ್‌ ನೀರಜ್‌ ಗೋಯತ್‌ ಗುರುವಾರ ಮಾಹೆ ವಿವಿಯ ಮರೇನಾ ನ್ಪೋರ್ಟ್ಸ್ ಕಾಂಪ್ಲೆಕ್ಸ್‌ಗೆ ಭೇಟಿ ನೀಡಿ ಇಲ್ಲಿನ ಕ್ರೀಡಾ ಸೌಲಭ್ಯಗಳನ್ನು ಕಂಡು ಮೆಚ್ಚುಗೆ ವ್ಯಕ್ತಪಡಿಸಿದರು. ವಿದ್ಯಾಸಂಸ್ಥೆಗಳು ಕ್ರೀಡೆಗೂ ಇಷ್ಟೊಂದು ದೊಡ್ಡ ಮಟ್ಟದಲ್ಲಿ ಪ್ರೋತ್ಸಾಹ ನೀಡುವುದು ಯುವ ಜನತೆಗೆ ಇಂದಿನ ಅಗತ್ಯವಾಗಿದೆ ಎಂದರು.

ಸಹ ಕುಲಾಧಿಪತಿ ಡಾ| ಎಚ್‌.ಎಸ್‌. ಬಲ್ಲಾಳ್‌, ಕುಲಪತಿ ಲೆ|ಜ| ಡಾ| ಎಂ.ಡಿ. ವೆಂಕಟೇಶ್‌, ರಿಜಿಸ್ಟ್ರಾರ್‌ ಡಾ| ನಾರಾಯಣ್‌ ಸಭಾಹಿತ್‌ ಉಪಸ್ಥಿತರಿದ್ದು, ಗೋಯತ್‌ ಅವರನ್ನು ಗೌರವಿಸಿದರು.