Chess Olympiad: ಭಾರತದ ಗೆಲುವಿಗೆ ಬ್ರೇಕ್‌

Team Udayavani, Sep 21, 2024, 9:03 PM IST

ಬುಡಾಪೆಸ್ಟ್‌ (ಹಂಗೇರಿ): ಇಲ್ಲಿ ನಡೆಯುತ್ತಿರುವ 45ನೇ ಚೆಸ್‌ ಒಲಿಂಪಿಯಾಡ್‌ನ‌ಲ್ಲಿ ಭಾರತದ ಸತತ 8 ಗೆಲುವುಗಳ ಓಟಕ್ಕೆ ಉಜ್ಬೇಕಿಸ್ಥಾನ ಬ್ರೇಕ್‌ ಹಾಕಿದೆ. ಇತ್ತಂಡಗಳ 9ನೇ ಸುತ್ತಿನ ಪಂದ್ಯ 2-2 ಸಮಬಲಗೊಂಡಿದೆ. ಆದರೂ ಭಾರತ 17 ಅಂಕಗಳೊಂದಿಗೆ ಅಗ್ರಸ್ಥಾನ ಕಾಯ್ದುಕೊಂಡಿದೆ. ಅಮೆರಿಕ, ಉಜ್ಬೇಕಿಸ್ಥಾನ ಮತ್ತು ಚೀನ ತಲಾ 15 ಅಂಕದೊಂದಿಗೆ ದ್ವಿತೀಯ ಸ್ಥಾನದಲ್ಲಿವೆ.

9ನೇ ಸುತ್ತಿನಲ್ಲಿ ವಿದಿತ್‌ ಗುಜರಾತಿ-ಜಖೋಂಗಿರ್‌ ವಖೀಡೋವ್‌ ಪಂದ್ಯ ಡ್ರಾಗೊಂಡಿತು. ಬಳಿಕ ಡಿ. ಗುಕೇಶ್‌-ನದಿರ್‌ಬೆಕ್‌ ಅಬ್‌ಸಟರೋವ್‌ ಪಂದ್ಯ, ಆರ್‌. ಪ್ರಜ್ಞಾನಂದ-ಜವೊಖೀರ್‌ ಸಿಂಡರೋವ್‌ ನಡುವಿನ ಮುಖಾಮುಖೀ, ಅರ್ಜುನ್‌ ಎರಿಗೇಸಿ- ಶಂಸುದ್ದಿನ್‌ ನಡುವಿನ ಪಂದ್ಯವೂ ಡ್ರಾದಲ್ಲೇ ಮುಗಿಯಿತು.

ಮಹಿಳಾ ವಿಭಾಗದ 9ನೇ ಸುತ್ತಿನಲ್ಲಿ ಭಾರತ-ಅಮೆರಿಕ ನಡುವಿನ ಪಂದ್ಯ 2-2ರ ಸಮಬಲಗೊಂಡಿದೆ.