ಕ್ರಿಸ್‌ ಗೇಲ್‌ ಅತ್ಯಂತ ತುಂಟ,ತರಲೆ: ಕೆ.ಎಲ್‌.ರಾಹುಲ್‌

Team Udayavani, Mar 26, 2019, 6:15 AM IST

ಜೈಪುರ: ವಿಶ್ವ ಕಂಡ ಅತ್ಯಂತ ಸ್ಫೋಟಕ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರಾದ ಕ್ರಿಸ್‌ಗೇಲ್‌ಗೆ ಟಿ20 ಕ್ರಿಕೆಟ್‌ನ ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್‌ಮನ್‌ ಎಂಬ ಗೌರವವಿದೆ.

ಹಾಸ್ಯ ಪ್ರವೃತ್ತಿಗೆ ಹೆಸರಾಗಿರುವ ಈ ವಿಂಡೀಸ್‌ ಬ್ಯಾಟ್ಸ್‌ಮನ್‌ ಬಗ್ಗೆ, ದಂತಕಥೆಗಳೂ ಇವೆ. ಈ ಹಿಂದೆ ಆರ್‌ಸಿಬಿಯಲ್ಲಿ ಗೇಲ್‌-ಕೆ.ಎಲ್‌.ರಾಹುಲ್‌, ಪ್ರಸ್ತುತ ಪಂಜಾಬ್‌ ತಂಡದಲ್ಲಿ ಒಂದಾಗಿದ್ದಾರೆ. ಗೇಲ್‌ ಜತೆಗಿನ ಡ್ರೆಸ್ಸಿಂಗ್‌ ಕೊಠಡಿ ಅನುಭವದ ಬಗ್ಗೆ ಹೇಳಿಕೊಂಡಿರುವ ರಾಹುಲ್‌, ಗೇಲ್‌ ಡ್ರೆಸ್ಸಿಂಗ್‌ ಕೊಠಡಿಯಲ್ಲಿ ಒಂದಾಗಿರುವ ಅತ್ಯಂತ ತುಂಟ, ಅವರೊಂದಿಗಿರುವುದು ಯಾವಾಗಲೂ ಖುಷಿ ಕೊಡುತ್ತದೆ.

ಇನ್ನೂ ಹೆಚ್ಚೆಚ್ಚು ಅವರೊಂದಿಗೆ ಜತೆಯಾಟವನ್ನು ನಿರೀಕ್ಷೆ ಮಾಡುತ್ತೇನೆ. ಅವರೊಬ್ಬ ಹಿರಿಯ ಕ್ರಿಕೆಟಿಗನಂತಿರುವುದಿಲ್ಲ, ಬದಲಿಗೆ ತರಲೆ ಮಾಡುತ್ತ ಇರುತ್ತಾರೆ. ಹೆಚ್ಚೆಚ್ಚು ವಯಸ್ಸಾದಷ್ಟೂ ಅವರಲ್ಲಿರುವ ಶಕ್ತಿ ನಮಗೆ ಅಚ್ಚರಿ ಮೂಡಿಸುತ್ತದೆ ಎಂದು ಹೇಳಿದ್ದಾರೆ. ಸದ್ಯ ತಾನು ಭಾರತ ವಿಶ್ವಕಪ್‌ ತಂಡದಲ್ಲಿ ಸ್ಥಾನ ಪಡೆಯುವ ಬಗ್ಗೆ ಯೋಚಿಸುತ್ತಿಲ್ಲ. ಐಪಿಎಲ್‌ನಲ್ಲಿ ತನ್ನ ತಂಡಕ್ಕೆ ಗರಿಷ್ಠ ಪಂದ್ಯಗಳನ್ನು ಗೆದ್ದುಕೊಡುವುದಷ್ಟೇ ತನ್ನ ಆದ್ಯತೆ ಎಂದೂ ಹೇಳಿದ್ದಾರೆ.