ಮಾಜಿ ನಾಯಕ ಧೋನಿ ವಿರುದ್ಧ  ಸ್ವಹಿತಾಸಕ್ತಿ ದೂರು 

Team Udayavani, Sep 10, 2021, 6:38 AM IST

ಹೊಸದಿಲ್ಲಿ: ಟಿ20 ವಿಶ್ವಕಪ್‌ಗೆ ಟೀಮ್‌ ಇಂಡಿಯಾ ಮೆಂಟರ್‌ ಆಗಿ ಮಾಜಿ ನಾಯಕ ಧೋನಿ ನೇಮಕಗೊಂಡ ಬೆನ್ನಲ್ಲೇ ಅವರ ವಿರುದ್ಧ ಸ್ವಹಿತಾಸಕ್ತಿ ಹುದ್ದೆ ದೂರು ದಾಖಲಾಗಿದೆ.

ಬಿಸಿಸಿಐ ಅಥವಾ ಟೀಮ್‌ ಇಂಡಿಯಾಗೆ ಸೇರಿದ ಹುದ್ದೆಯಲ್ಲಿರುವವರು ಯಾವುದೇ ಖಾಸಗಿ ಲಾಭದಾಯಕ ಹುದ್ದೆಯಲ್ಲಿರುವಂತಿಲ್ಲ. ಆದರೆ ಧೋನಿ ಐಪಿಎಲ್‌ನಲ್ಲಿ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ನಾಯಕ. ಜತೆಗೆ ಬೇರೆ ವ್ಯವಹಾರಗಳು ಅವರ ಹೆಸರಿನಲ್ಲಿವೆ.

ಹೀಗಿರುವಾಗ ಅವರನ್ನು ಹೇಗೆ ಮೆಂಟರ್‌ ಆಗಿ ನೇಮಕ ಮಾಡಲು ಸಾಧ್ಯ ಎಂದು ಮಧ್ಯಪ್ರದೇಶ ಕ್ರಿಕೆಟ್‌ ಅಸೋಸಿಯೇಶನ್‌ ಮಾಜಿ ಸದಸ್ಯ ಸಂಜೀವ್‌ ಗುಪ್ತಾ, ಅಪೆಕ್ಸ್‌ ಕೌನ್ಸಿಲ್‌ ಸದಸ್ಯರಿಗೆ ಪತ್ರ ಬರೆದಿದ್ದು, ತನಿಖೆಗೆ ಆಗ್ರಹಿಸಿದ್ದಾರೆ.