ಸರ್ದಾರ್‌ ವಿಚಾರಣೆಗೆ ಆಕ್ಷೇಪ: ಹಾಕಿ ಇಂಡಿಯಾದಿಂದ ದೂರು

Team Udayavani, Jul 7, 2017, 3:45 AM IST

ನವದೆಹಲಿ: ಭಾರತ ಹಾಕಿ ತಂಡದ ಮಾಜಿ ನಾಯಕ ಸರ್ದಾರ್‌ ಸಿಂಗ್‌ರನ್ನು ಜೂನ್‌ ತಿಂಗಳಲ್ಲಿ ವಿಶ್ವ ಚಾಂಪಿಯನ್ಸ್‌
ಲೀಗ್‌ ಕೂಟ ನಡೆಯುತ್ತಿದ್ದ ವೇಳೆಯೇ ಇಂಗ್ಲೆಂಡ್‌ ಪೊಲೀಸರು ಹಠಾತ್‌ ವಿಚಾರಣೆ ನಡೆಸಿದ್ದರು. ಇದರ ವಿರುದ್ಧ ಭಾರತ ಹಾಕಿ ಮಂಡಳಿ, ಅಂತಾರಾಷ್ಟ್ರೀಯ ಹಾಕಿ ಮಂಡಳಿಗೆ ದೂರು ಸಲ್ಲಿಸಿದೆ.

ಇಂಗ್ಲೆಂಡ್‌ ಮೂಲದ ಹಾಕಿ ಆಟಗಾರ್ತಿ ಅಶ್ಪಾಲ್‌ ಬೊಗಾಲ್‌ರನ್ನು ಅತ್ಯಾಚಾರಕ್ಕೊಳಪಡಿಸಿದ ಆರೋಪದಡಿ ವಿಚಾರಣೆಗೆ ಹಾಜರಾಗುವಂತೆ ಜೂ.18ರಂದು ಯಾರ್ಕ್‌ಶೈರ್‌ ಪೊಲೀಸರು ಸರ್ದಾರ್‌ಗೆ ಸೂಚಿಸಿದ್ದರು. ಆದರೆ ಅಂದು ಪಾಕಿಸ್ತಾನ ವಿರುದ್ಧ ಪಂದ್ಯವಿದ್ದಿದ್ದರಿಂದ ಜೂ.20ಕ್ಕೆ ನಾಲ್ಕು ಗಂಟೆಗಳ ವಿಚಾರಣೆಗೆ ಸರ್ದಾರ್‌ ಹಾಜರಾಗಿದ್ದರು. ಈ ಪ್ರಕರಣದಿಂದ ಇದರಿಂದ ತಂಡದ ನೈತಿಕ ಸ್ಥೈರ್ಯವೇ ಕುಗ್ಗಿತು, ಮುಖ್ಯ ಆಟಗಾರ ಸರ್ದಾರ್‌ರನ್ನು ಇಂಗ್ಲೆಂಡ್‌ ಪೊಲೀಸರು ಹೀನಾಯವಾಗಿ ನಡೆಸಿಕೊಂಡ ಪರಿಣಾಮ ಭಾರತ ಮುಂದಿನ ಸತತ 3 ಪಂದ್ಯಗಳಲ್ಲಿ ಸೋಲು ಕಂಡಿತು ಎಂದು ಹಾಕಿ ಇಂಡಿಯಾ ಆರೋಪಿಸಿದೆ. ಇಂಗ್ಲೆಂಡ್‌ನ‌ ಹಾಕಿ ಆಟಗಾರ್ತಿ ಬೊಗಾಲ್‌, 2016ರಲ್ಲಿ ಭಾರತದಲ್ಲೂ ದೂರು ನೀಡಿದ್ದರು.