Copa America ಫುಟ್‌ಬಾಲ್‌: ಸೆಮಿಫೈನಲ್‌ಗೆ ಆರ್ಜೆಂಟೀನಾ

Team Udayavani, Jul 6, 2024, 12:04 AM IST

ಹ್ಯೂಸ್ಟನ್‌ (ಟೆಕ್ಸಾಸ್‌): ಈಕ್ವಡಾರ್‌ ತಂಡವನ್ನು ಪೆನಾಲ್ಟಿ ಶೂಟೌಟ್‌ನಲ್ಲಿ 4-2 ಗೋಲುಗಳಿಂದ ಕೆಡವಿದ ಹಾಲಿ ಚಾಂಪಿಯನ್‌ ಆರ್ಜೆಂಟೀನಾ “ಕೊಪಾ ಅಮೆರಿಕ’ ಫ‌ುಟ್‌ಬಾಲ್‌ ಪಂದ್ಯಾವಳಿಯ ಸೆಮಿಫೈನಲ್‌ ಪ್ರವೇಶಿಸಿದೆ.
ನಿಗದಿತ ಅವಧಿಯಲ್ಲಿ ಪಂದ್ಯ 1-1 ಗೋಲಿನಿಂದ ಡ್ರಾಗೊಂಡಿತ್ತು. 35ನೇ ನಿಮಿಷದಲ್ಲಿ ಆರ್ಜೆಂಟೀನಾದ ಲಿಯಾಸಾಂಡ್ರೊ ಮಾರ್ಟಿನೆಜ್‌, 90 ಪ್ಲಸ್‌ ಒಂದನೇ ನಿಮಿಷದಲ್ಲಿ ಈಕ್ವಡಾರ್‌ನ ಕೆವಿನ್‌ ರೋಡ್ರಿಗಝ್ ಗೋಲು ಹೊಡೆದಿದ್ದರು. ಇದು ಮಾರ್ಟಿನೆಜ್‌ ಅವರ ಮೊದಲ ಅಂತಾರಾಷ್ಟ್ರೀಯ ಗೋಲ್‌ ಎಂಬುದು ವಿಶೇಷ.

ಫೈನಲ್‌ ಹೊರತುಪಡಿಸಿ ಈ ಕೂಟದ ಬೇರೆ ಯಾವುದೇ ನಾಕೌಟ್‌ ಪಂದ್ಯಗಳಿಗೆ ಹೆಚ್ಚುವರಿ ಅವಧಿ ಅಳವಡಿಸಲಾಗಿಲ್ಲ. ಹೀಗಾಗಿ ಪಂದ್ಯ ನೇರವಾಗಿ ಶೂಟೌಟ್‌ನತ್ತ ಮುಖ ಮಾಡಿತು.
ಆರ್ಜೆಂಟೀನಾದ ಗೋಲ್‌ ಕೀಪರ್‌ ಎಮಿ ಮಾರ್ಟಿ ನೆಜ್‌ ಎರಡು ಶೂಟೌಟ್‌ಗಳನ್ನು ತಡೆದು ಪಂದ್ಯದ ಹೀರೋ ಎನಿಸಿದರು. ಆರ್ಜೆಂಟೀನಾ ಇನ್ನು ವೆನಿಜುವೆಲಾ-ಕೆನಡಾ ನಡುವಿನ ವಿಜೇತರನ್ನು ಎದುರಿಸಲಿದೆ.