3ನೇ ಸುತ್ತಿಗೆ ಏರಿದ ಕೊರಿ

Team Udayavani, Jul 5, 2019, 5:18 AM IST

ಲಂಡನ್‌: ಅಮೆರಿಕದ ಹಿರಿಯ ಆಟಗಾರ್ತಿ ವೀನಸ್‌ ವಿಲಿಯಮ್ಸ್‌ ಅವರನ್ನು ಸೋಲಿಸಿ ಸುದ್ದಿಯಾಗಿದ್ದ 15 ವರ್ಷದ ಅಮೆರಿಕನ್‌ ಶಾಲಾ ಬಾಲಕಿ ಕೊರಿ ಗಾಫ್ ವಿಂಬಲ್ಡನ್‌ ಕೂಟದ ಮೂರನೇ ಸುತ್ತಿಗೆ ಏರಿದ್ದಾರೆ. ಉಳಿದಂತೆ ಮಹಿಳಾ ಸಿಂಗಲ್ಸ್‌ನಲ್ಲಿ ಆಶೆÉ ಬಾರ್ಟಿ, ಪುರುಷರ ಸಿಂಗಲ್ಸ್‌ನಲ್ಲಿ ನಿಶಿಕೊರಿ, ಇವಾನ್ಸ್‌ ಕೂಡ ತೃತೀಯ ಸುತ್ತು ತಲುಪಿದ್ದಾರೆ.

ಬುಧವಾರ ತಡರಾತ್ರಿ ನಡೆದ ಮಹಿಳಾ ಸಿಂಗಲ್ಸ್‌ ಪಂದ್ಯದಲ್ಲಿ ಕೊರಿ ಗಾಫ್ 6-3, 6-3 ಸೆಟ್‌ಗಳ ಅಂತರದಿಂದ ಸ್ಲೊವಾಕಿಯಾದ ಮ್ಯಾಗ್ಡಲೇನಾ ರಿಬರಿಕೋವಾ ವಿರುದ್ಧ ಗೆಲುವು ಸಾಧಿಸಿದರು.

ಆಸ್ಟ್ರೇಲಿಯದ ಖ್ಯಾತ ಆಟಗಾರ್ತಿ ಆಶೆÉ ಬಾರ್ಟಿ 6-1, 6-3 ಸೆಟ್‌ಗಳ ಅಂತರದಿಂದ ಬೆಲ್ಜಿಯಂನ ಅಲಿಸನ್‌ ವಾನ್‌ ಯುಟ್ವಾಂಕ್‌ ವಿರುದ್ಧ ಗೆಲುವು ಸಾಧಿಸಿ ಮೂರನೇ ಸುತ್ತಿಗೆ ಪ್ರವೇಶಿಸಿದ್ದಾರೆ. ಪುರುಷರ ಸಿಂಗಲ್ಸ್‌ ವಿಭಾಗದಲ್ಲಿ ಜಪಾನ್‌ನ ಕೀ ನಿಶಿಕೊರಿ 6-4, 6-4, 6-0 ಅಂತರದಿಂದ ಇಂಗ್ಲೆಂಡ್‌ನ‌ ಕ್ಯಾಮರೂನ್‌ ನೊರಿ ವಿರುದ್ಧ ಗೆಲುವು ಸಾಧಿಸಿದರು.