ಇಂಗ್ಲೆಂಡ್‌ ತಂಡಕ್ಕೆ ಕರೆ ಪಡೆದ ಬೆಸ್‌,ಓವರ್ಟನ್‌

Team Udayavani, Dec 20, 2019, 11:20 PM IST

ಲಂಡನ್‌: ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿರುವ ಇಂಗ್ಲೆಂಡ್‌ ಕ್ರಿಕೆಟ್‌ ತಂಡದ ಸದಸ್ಯರನೇಕರಿಗೆ ಅನಾರೋಗ್ಯ ಕಾಡಿದೆ. ಹೀಗಾಗಿ ಹೆಚ್ಚುವರಿಯಾಗಿ ಆಫ್ಸ್ಪಿನ್ನರ್‌ ಡಾಮ್‌ ಬೆಸ್‌ ಮತ್ತು ವೇಗಿ ಕ್ರೆಗ್‌ ಓವರ್ಟನ್‌ ಅವರನ್ನು ಸೇರಿಸಿಕೊಳ್ಳಲಾಗಿದೆ.

ಸ್ಟುವರ್ಟ್‌ ಬ್ರಾಡ್‌, ಆರ್ಚರ್‌ ಮತ್ತು ಜಾಕ್‌ ಲೀಚ್‌ ಅನಾರೋಗ್ಯದಿಂದಾಗಿ ಬೆನೋನಿಗೆ ತೆರಳದೆ ಜೊಹಾನ್ಸ್‌ಬರ್ಗ್‌ನಲ್ಲೇ ಉಳಿದಿದ್ದಾರೆ. ಬೆನೋನಿಯಲ್ಲಿ ಇಂಗ್ಲೆಂಡ್‌ ಮತ್ತು ದಕ್ಷಿಣ ಆಫ್ರಿಕಾ “ಎ’ ನಡುವಿನ ತ್ರಿದಿನ ಅಭ್ಯಾಸ ಪಂದ್ಯ ಶುಕ್ರವಾರದಿಂದ ಆರಂಭಗೊಂಡಿದೆ. ಜ್ವರದಿಂದ ನರಳುತ್ತಿದ್ದ ಜೋ ಡೆನ್ಲಿ ಈಗ ಚೇತರಿಸಿಕೊಂಡಿದ್ದಾರೆ ಎಂದು ಇಂಗ್ಲೆಂಡ್‌ ತಂಡದ ಪ್ರಕಟನೆ ತಿಳಿಸಿದೆ. ಡಿ. 26ರಿಂದ ಸೆಂಚುರಿಯನ್‌ನಲ್ಲಿ “ಬಾಕ್ಸಿಂಗ್‌ ಡೇ’ ಟೆಸ್ಟ್‌ ಪಂದ್ಯ ಆರಂಭವಾಗಲಿದೆ.