ಸೋತ ಪೋರ್ಚುಗಲ್..; ಕಣ್ಣೀರಿಡುತ್ತಲೇ ಮೈದಾನ ತೊರೆದ ಕ್ರಿಸ್ಟಿಯಾನೊ ರೊನಾಲ್ಡೊ

Team Udayavani, Dec 11, 2022, 8:45 AM IST

ದೋಹಾ: ಫುಟ್ಬಾಲ್ ವಿಶ್ವಕಪ್ ನಲ್ಲಿ ಶನಿವಾರ ಮತ್ತೊಂದು ಅಚ್ಚರಿಯ ಫಲಿತಾಂಶ ಹೊರಬಿದ್ದಿದೆ. ಅಲ್ ಥುಮಾಮಾ ಕ್ರೀಡಾಂಗಣದಲ್ಲಿ ನಡೆದ ವಿಶ್ವಕಪ್‌ ನ ಕ್ವಾರ್ಟರ್‌ ಫೈನಲ್‌ ನಲ್ಲಿ ಮೊರಾಕ್ಕೊ ತಂಡವು ಬಲಿಷ್ಠ ಪೋರ್ಚುಗಲ್‌ ನ್ನು 1-0 ಅಂತರದಿಂದ ಸೋಲಿಸಿ ವಿಶ್ವಕಪ್ ಸೆಮಿಫೈನಲ್ ಗೆ ಅರ್ಹತೆ ಪಡೆದ ಮೊದಲ ಆಫ್ರಿಕನ್ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು.

ಪ್ರಿ ಕ್ವಾರ್ಟರ್ ಫೈನಲ್ ನಂತೆ ನಿನ್ನೆ ಕೂಡಾ ಪೋರ್ಚುಗಲ್ ರೊನಾಲ್ಡೊ ಇಲ್ಲದೆ ಪಂದ್ಯ ಆರಂಭಿಸಿತು. ಆದರೆ ಮೊರಾಕ್ಕೊ 42ನೇ ನಿಮಿಷದಲ್ಲಿ ಯೂಸೆಫ್ ಎಲ್-ನೆಸಿರಿ ಮೂಲಕ ಗೋಲು ಗಳಿಸಿತು.

ಗೋಲು ಸಮಗೊಳಿಸಲು ಯುರೋಪಿಯನ್ ದೇಶವು ಪಟ್ಟುಬಿಡದೆ ಪ್ರಯತ್ನ ಪಟ್ಟಿತ್ತು. ಆದರೆ ಪೋರ್ಚುಗೀಸ್ ದಾಳಿಯನ್ನು ತಡೆಯಲು ರಕ್ಷಣಾತ್ಮಕ ತಡೆಗೋಡೆಯಿಟ್ಟು ಆಡಿದ ಆಫ್ರಿಕನ್ ರಾಷ್ಟ್ರವು ಒಂದೇ ಒಂದು ಗೋಲು ಬಿಟ್ಟುಕೊಡದೆ ಆಡಿತು. ಈ ಕೂಟದಲ್ಲಿ ಮೊರಾಕ್ಕೊ ಇದುವರೆಗೂ ಎದುರಾಳಿಗೆ ಒಂದೇ ಒಂದು ಗೋಲು ಬಿಟ್ಟುಕೊಟ್ಟಿಲ್ಲ.

I can’t 🥹💔 #Ronaldo𓃵 pic.twitter.com/4mqSICsVbj

— Madrid (@Nachoista1) December 10, 2022

ಪೋರ್ಚುಗಲ್‌ ದೇಶವು ವಿಶ್ವಕಪ್ ಕೂಟದಿಂದ ಹೊರಬಿದ್ದ ನಂತರ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಮೈದಾನದಲ್ಲಿ ಕಣ್ಣೀರಿಟ್ಟರು. ಇದು 37 ವರ್ಷ ವಯಸ್ಸಿನ ರೊನಾಲ್ಡೊ ಅವರ ಕೊನೆಯ ಫಿಫಾ ವಿಶ್ವಕಪ್ ಆಗಿದ್ದು, ಇನ್ನೆಂದೂ ಫುಟ್ಬಾಲ್ ವಿಶ್ವಕಪ್ ನಲ್ಲಿ ಕಾಣಸಿಗರು.