ವಿನೇಶ್‌, ಸುಮಿತ್‌ ಚಿನ್ನದ ಚಿತ್‌

Team Udayavani, Apr 15, 2018, 6:50 AM IST

ಗೋಲ್ಡ್‌ಕೋಸ್ಟ್‌: ಕಾಮನ್ವೆಲ್ತ್‌ ಗೇಮ್ಸ್‌ ಕುಸ್ತಿ ಸ್ಪರ್ಧೆಯಲ್ಲಿ ಶನಿವಾರವೂ ಭಾರತ “ಚಿನ್ನದ ದಿನ’ವನ್ನು ಆಚರಿಸಿತು. ವನಿತೆಯರ 50 ಕೆಜಿ ಫ್ರೀಸ್ಟೈಲ್‌ನಲ್ಲಿ ವಿನೇಶ್‌ ಪೋಗಟ್‌ ಮತ್ತು ಪುರುಷರ 125 ಕೆಜಿ ಫ್ರೀಸ್ಟೈಲ್‌ನಲ್ಲಿ ಸುಮಿತ್‌ ಮಲಿಕ್‌ ಬಂಗಾರದ ಬೇಟೆಯಾಡಿದರು.

ಆದರೆ ರಿಯೋ ಒಲಿಂಪಿಕ್ಸ್‌ ಕಂಚಿನ ಪದಕ ವಿಜೇತೆ ಸಾಕ್ಷಿ ಮಲಿಕ್‌ ಇಲ್ಲಿಯೂ ಕಂಚಿಗೆ ಸಮಾಧಾನಪಡಬೇಕಾಯಿತು. ಅವರು ವನಿತೆಯರ 62 ಕೆಜಿ ಫ್ರೀಸ್ಟೈಲ್‌ನಲಿ ಸ್ಪರ್ಧಿಸಿದ್ದರು. ಪುರುಷರ 86 ಕೆಜಿ ವಿಭಾಗದಲ್ಲಿ ದೇಶವನ್ನು ಪ್ರತಿನಿಧಿಸಿದ ಸೋಮವೀರ್‌ ಕೂಡ ಕಂಚಿನ ಪದಕಕ್ಕೆ ತೃಪ್ತಿಪಟ್ಟರು.ಇದರೊಂದಿಗೆ ಭಾರತ ಗೋಲ್ಡ್‌ಕೋಸ್ಟ್‌ ಕುಸ್ತಿಯಲ್ಲಿ ಒಟ್ಟು 12 ಪದಕ ಗೆದ್ದಂತಾಯಿತು (5 ಚಿನ್ನ, 3 ಬೆಳ್ಳಿ, 4 ಕಂಚು). ಇದು ಕಳೆದ ಗ್ಲಾಸೊYà ಗೇಮ್ಸ್‌ಗಿಂತ ಒಂದು ಕಡಿಮೆ ಪದಕದ ಸಾಧನೆಯಾಗಿದೆ. ಆದರೆ ಚಿನ್ನದ ಪದಕಗಳ ಸಂಖ್ಯೆ ಮಾತ್ರ ಗ್ಲಾಸೊYà ಸಾಧನೆಗೆ ಸಮನಾಗಿದೆ.

ವಿನೇಶ್‌, ಸುಮಿತ್‌ ಪರಾಕ್ರಮ
ವಿನೇಶ್‌ ಪೋಗಟ್‌ ಚಿನ್ನದ ಸೆಣಸಾಟದಲ್ಲಿ ಕೆನಡಾದ ಜೆಸ್ಸಿಕಾ ಮೆಕ್‌ಡೊನಾಲ್ಡ್‌ ಅವರನ್ನು 13-3 ಅಂತರದಿಂದ ನೆಲಕ್ಕೆ ಕೆಡವಿ ಅಧಿಕಾರಯುತವಾಗಿ ಗೆದ್ದು ಬಂದರು. ಇದು ವಿನೇಶ್‌ಗೆ ಒಲಿದ ಸತತ 2ನೇ ಗೇಮ್ಸ್‌ ಬಂಗಾರ. ಗ್ಲಾಸೊYàದಲ್ಲಿ ಅವರು 48 ಕೆಜಿ ವಿಭಾಗದಲ್ಲಿ ಈ ಸಾಧನೆ ಮಾಡಿದ್ದರು.

ಪುರುಷರ 125 ಕೆಜಿ ವಿಭಾಗದ ನಾಟಕೀಯ ಫೈನಲ್‌ನಲ್ಲಿ ಸುಮಿತ್‌ ಮಲಿಕ್‌ ಪಾಕಿಸ್ಥಾನದ ತಯ್ಯಬ್‌ ರಾಜ ಅವರನ್ನು 10-4 ಅಂತರದಿಂದ ಉರುಳಿಸಿದರು. ಆರಂಭದಲ್ಲಿ ಇಬ್ಬರದೂ ಸಮಬಲದ ಕಾದಾಟವಾಗಿತ್ತು. ರಾಜ ತನ್ನ ಹಿನ್ನಡೆಯನ್ನು 2-3ಕ್ಕೆ ಇಳಿಸಿಕೊಂಡ ಬಳಿಕ ಒಮ್ಮೆಲೇ ಹಿಡಿತವನ್ನು ಬಿಗುಗೊಳಿಸಿದ ಸುಮಿತ್‌ ಸಖತ್‌ ಪ್ರಹಾರವಿಕ್ಕತೊಡಗಿದರು. ಈ ಹೊಡೆತಕ್ಕೆ ಕಕ್ಕಾಬಿಕ್ಕಿಯಾದ ಪಾಕ್‌ ಕುಸ್ತಿಪಟು ಮತ್ತೆ ಮೇಲೇಳಲಿಲ್ಲ. ಇದು ಜಾಗತಿಕ ಮಟ್ಟದ ಕ್ರೀಡಾಕೂಟದಲ್ಲಿ ಸುಮಿತ್‌ ಗೆದ್ದ ಮೊದಲ ಸ್ವರ್ಣ ಪದಕ.

ಸಾಕ್ಷಿ, ಸೋಮವೀರ್‌ ಕಂಚಿನ ವೀರರು
ರಿಯೋ ಸಾಧಕಿ ಸಾಕ್ಷಿ ಮಲಿಕ್‌ ಮೇಲೆ ವಿಪರೀತ ನಿರೀಕ್ಷೆ ಇರಿಸಿಕೊಳ್ಳಲಾಗಿತ್ತು. ಗ್ಲಾಸೊYàದಲ್ಲಿ ಬೆಳ್ಳಿ ತಾರೆಯಾಗಿದ್ದ ಸಾಕ್ಷಿ, ಗೋಲ್ಡ್‌ಕೋಸ್ಟ್‌ನಲ್ಲಿ ಗೋಲ್ಡ್‌ ಗೆಲ್ಲಬಲ್ಲ ಸಾಮರ್ಥ್ಯ ಹೊಂದಿದ್ದರು. ಆದರೆ ಕೊನೆಯಲ್ಲಿ ಕಂಚಿಗೆ ತೃಪ್ತಿಪಡಬೇಕಾಯಿತು.

ಮೊದಲ ಸುತ್ತಿನಲ್ಲೇ ಕೆನಡಾದ ಮೈಕಲ್‌ ಫ‌ಝಾರಿ ಮತ್ತು ನೈಜೀರಿಯಾದ ಅಮಿನಾಟ್‌ ಅಡೆನಿಯಿಗೆ ಸೋತ ಸಾಕ್ಷಿ ಮಲಿಕ್‌ ಚಿನ್ನದ ಪದಕದ ರೇಸ್‌ನಿಂದ ಹೊರಬಿದ್ದರು. ಕ್ಯಾಮರೂನ್‌ನ ಬರ್ತ್‌ ಎನ್‌ಗೊàಲೆ ವಿರುದ್ಧ ಜಯ ಸಾಧಿಸಿ ಪದಕದ ರೇಸ್‌ನಲ್ಲಿ ಉಳಿಯುವಲ್ಲಿ ಯಶಸ್ವಿಯಾದರು. ಕೊನೆಯಲ್ಲಿ ನ್ಯೂಜಿಲ್ಯಾಂಡಿನ ಟಯಾÉ ಫೋರ್ಡ್‌ ಅವರನ್ನು 6-5 ಅಂತರದಿಂದ ಮಣಿಸಿ ಕಂಚು ಗೆದ್ದರು.

ಪುರುಷರ 86 ಕೆಜಿ ವಿಭಾಗದ ಪ್ಲೇ-ಆಫ್ ಸ್ಪರ್ಧೆಯಲ್ಲಿ ಅಲೆಕ್ಸಾಂಡರ್‌ ಮೂರ್‌ ವಿರುದ್ಧ ಅಚ್ಚರಿಯ ಗೆಲುವು ಸಾಧಿಸಿದ ಸೋಮವೀರ್‌ ಕಂಚಿನ ಪದಕ ಒಲಿಸಿಕೊಂಡರು. 1-3 ಹಿನ್ನಡೆ ಬಳಿಕ ತಿರುಗಿ ಬಿದ್ದದ್ದೂ ಸೋಮವೀರ್‌ ಪರಾಕ್ರಮಕ್ಕೆ ಸಾಕ್ಷಿಯಾಯಿತು. ಭಾರತೀಯನ ಗೆಲುವಿನ ಅಂತರ 7-3.