ಹುಟ್ಟೂರು ಸ್ವಚ್ಛಗೊಳಿಸಿದ ರೋಯಿಂಗ್‌ ತಾರೆ ಭೊಕಾನಲ್‌

Team Udayavani, Apr 15, 2020, 11:41 AM IST

ಮುಂಬೈ: ದೇಶದಲ್ಲಿ ಮಹಾರಾಷ್ಟ್ರವೊಂದರಲ್ಲೇ ಅತೀ ಹೆಚ್ಚಿನ  ಕೋವಿಡ್-19 ಪ್ರಕರಣಗಳು ಬೆಳಕಿಗೆ ಬಂದಿದೆ. ಇಂತಹ ಸಂದರ್ಭದಲ್ಲಿ ಒಲಿಂಪಿಯನ್‌ ರೋಯಿಂಗ್‌ ಸ್ಟಾರ್‌ ದತ್ತು ಭೊಕಾನಲ್‌,  ನಾಸಿಕ್‌ನಲ್ಲಿರುವ ತನ್ನೂರನ್ನು ಸ್ವತ್ಛಗೊಳಿಸಿದ್ದಾರೆ.

ದತ್ತು ಭೊಕಾನಲ್‌ ಸ್ವತಃ ಬೀದಿಗಳಿದು ಕ್ರಿಮಿನಾಶಕ ಔಷಧ  ಸಿಂಪಡಿಸಿ ಕೋವಿಡ್-19 ವಿರುದ್ಧ ಸಮರ ಸಾರಿದ್ದಾರೆ. ತನ್ನೂರಿನ ಆಸ್ಪತ್ರೆ, ಪಂಚಾಯತ್‌ ಆವರಣ, ಮೆಡಿಕಲ್ ಶಾಪ್‌, ದೇವಸ್ಥಾನ ಸೇರಿದಂತೆ ಸಾರ್ವಜನಿಕ ವಲಯವನ್ನು ಗೊಬ್ಬರ ಯಂತ್ರದ ಸಹಾಯದಿಂದ ಔಷಧಿ ಸಿಂಪಡಿಸಿ ಸ್ವಚ್ಛಗೊಳಿಸಿದ್ದಾರೆ.

ಇದಕ್ಕೆ ಇವರಿಗೆ ಇವರ ಸ್ನೇಹಿತರು, ಕುಟುಂಬ ವರ್ಗದವರು ಕೂಡ ಸಾಥ್‌ ನೀಡಿದ್ದಾರೆ. ಒಟ್ಟಾರೆ ಆ ಗ್ರಾಮದಲ್ಲಿ 12 ಸಾವಿರಕ್ಕೂ ಅಧಿಕ ಕುಟುಂಬವಿದೆ. ದತ್ತು ಭೋಕಾನಲ್‌ ಏಷ್ಯನ್‌ ಗೇಮ್ಸ್‌ನಲ್ಲಿ ದೇಶಕ್ಕೆ ಚಿನ್ನದ ಪದಕ ತಂದುಕೊಟ್ಟ ಸಾಧನೆ ಮಾಡಿದ್ದಾರೆ.