ಪಾಕ್‌ ವಿರುದ್ಧದ ಡೇವಿಸ್‌ ಕಪ್‌: ನಗಲ್‌, ರಾಮ್‌ಕುಮಾರ್‌ ಲಭ್ಯ

Team Udayavani, Nov 9, 2019, 4:46 AM IST

ಹೊಸದಿಲ್ಲಿ: ಭಾರತದ ಶ್ರೇಷ್ಠ ಸಿಂಗಲ್ಸ್‌ ಆಟಗಾರರಾದ ಸುಮಿತ್‌ ನಗಲ್‌ ಮತ್ತು ರಾಮ್‌ಕುಮಾರ್‌ ರಾಮನಾಥನ್‌ ಅವರು ತಟಸ್ಥ ತಾಣದಲ್ಲಿ ನಡೆಯಲಿರುವ ಪಾಕಿಸ್ಥಾನ ವಿರುದ್ಧದ ಡೇವಿಸ್‌ ಕಪ್‌ ಹೋರಾಟಕ್ಕೆ ಲಭ್ಯರಿರುತ್ತಾರೆಂದು ದೃಢಪಡಿಸಿದ್ದಾರೆ.

ಹಾಗಾಗಿ ಅವರಿಬ್ಬರನ್ನು ಡೇವಿಸ್‌ ಕಪ್‌ ತಂಡದಲ್ಲಿ ಹೆಸರಿಸುವ ಸಾಧ್ಯತೆಯಿದೆ. ಡೇವಿಸ್‌ ಕಪ್‌ ಹೋರಾಟ ನ. 29 ಮತ್ತು 30ರಂದು ನಡೆಯಲಿದೆ.

ಈ ಋತುವಿನಲ್ಲಿ ಶ್ರೇಷ್ಠ ಟೆನಿಸ್‌ ಆಟದ ಪ್ರದರ್ಶನ ನೀಡಿರುವ ನಗಲ್‌ ಅವರು ಗುರುವಾರ ರಾತ್ರಿ ಅಖೀಲ ಭಾರತ ಟೆನಿಸ್‌ ಅಸೋಸಿಯೇಶನ್‌ (ಎಐಟಿಎ)ಗೆ ಪತ್ರವೊಂದನ್ನು ಬರೆದಿದ್ದು ಡೇವಿಸ್‌ ಹೋರಾಟದಲ್ಲಿ ಭಾಗವಹಿಸುವುದನ್ನು ದೃಢಪಡಿಸಿದ್ದಾರೆ. ಹೊಸ ನಾಯಕ ರೋಹಿತ್‌ ರಾಜ್‌ಪಾಲ್‌ ಅವರ ಜತೆ ಮಾತನಾಡಿದ ಬಳಿಕ ನಗಲ್‌ ಎಐಟಿಎಗೆ ತನ್ನ ಲಭ್ಯತೆಯನ್ನು ಇಮೈಲ್‌ ಮೂಲಕ ತಿಳಿಸಿದ್ದಾರೆ ಎಂದು ಎಐಟಿಎ ಅಧಿಕಾರಿ ಹೇಳಿದ್ದಾರೆ.

ನಗಲ್‌ ಮತ್ತು ರಾಮ್‌ಕುಮಾರ್‌ ಅವರು ಲಭ್ಯರಿರುವ ಕಾರಣ ಭಾರತವು ಶ್ರೇಷ್ಠ ಸಿಂಗಲ್ಸ್‌ ಆಟಗಾರರೊಂದಿಗೆ ಪಾಕ್‌ ತಂಡವನ್ನು ಎದುರಿಸಲಿದೆ. ಈ ಹೋರಾಟದ ಮೊದಲ ದಿನ ವಿವಾಹವಾಗಲಿರುವ ಪ್ರಜ್ಞೆàಶ್‌ ಗುಣೇಶ್ವರನ್‌ ಈ ಹೋರಾಟದಲ್ಲಿ ಆಡುವುದಿಲ್ಲ.