ಡೇವಿಸ್‌ ಕಪ್‌ ವರ್ಲ್ಡ್ ಗ್ರೂಪ್‌: ಮೂರೂ ಪಂದ್ಯ ಸೋತ ಭಾರತ

Team Udayavani, Sep 17, 2022, 11:45 PM IST

ಲಿಲ್ಲೆಹ್ಯಾಮರ್‌ (ನಾರ್ವೆ): ಆತಿಥೇಯ ನಾರ್ವೆ ಎದುರಿನ ಡೇವಿಸ್‌ ಕಪ್‌ ವರ್ಲ್ಡ್ ಗ್ರೂಪ್‌ ಒಂದರ ಮೊದಲ ಸುತ್ತಿನ ಮೂರೂ ಪಂದ್ಯಗಳಲ್ಲಿ ಭಾರತ ಸೋಲನುಭವಿಸಿದೆ.

ಮೊದಲ ಸಿಂಗಲ್ಸ್‌ನಲ್ಲಿ ಪ್ರಜ್ಞೇಶ್ ಗುಣೇಶ್ವರನ್‌ ವಿಶ್ವದ ನಂ.2 ಆಟಗಾರ, ಯುಎಸ್‌ ಓಪನ್‌ ಫೈನಲಿಸ್ಟ್‌ ಕ್ಯಾಸ್ಪರ್‌ ರೂಡ್‌ ಅವರಿಗೆ ಶರಣಾದರು. ಅಂತರ 1-6, 4-6. ಒಂದು ಗಂಟೆ, 16 ನಿಮಿಷಗಳಲ್ಲಿ ಈ ಪಂದ್ಯ ಮುಗಿಯಿತು. ಇದು ನಿರೀಕ್ಷಿತ ಫ‌ಲಿತಾಂಶವೇ ಆಗಿತ್ತು.

ಆದರೆ ದ್ವಿತೀಯ ಸಿಂಗಲ್ಸ್‌ನಲ್ಲಿ 276ನೇ ರ್‍ಯಾಂಕಿಂಗ್‌ ಹೊಂದಿರುವ, ಭಾರತದ ನಂ.1 ಸಿಂಗಲ್ಸ್‌ ಆಟಗಾರ ರಾಮ್‌ಕುಮಾರ್‌ ರಾಮನಾಥನ್‌ ಮೇಲೆ ಗೆಲುವಿನ ನಿರೀಕ್ಷೆ ಇತ್ತು. ಇಲ್ಲಿ ಅವರು ತಮಗಿಂತ ಕೆಳ ರ್‍ಯಾಂಕಿಂಗ್‌ನ ವಿಕ್ಟರ್‌ ಡುರಸೋವಿಕ್‌ (325) ವಿರುದ್ಧ ಆಡಬೇಕಿತ್ತು. ಆದರೆ ರಾಮ್‌ಕುಮಾರ್‌ ಕೂಡ ಗುಣೇಶ್ವರನ್‌ ಅವರ ಫ‌ಲಿತಾಂಶವನ್ನೇ ದಾಖಲಿಸಿದರು (1-6, 4-6).

DAVIS CUP: NORWAY 1, INDIA 0

World No.2 Casper Ruud asserted his class as he breezed past Prajnesh Gunneswaran

Prajnesh put up a strong fight in the 2nd set, but Ruud was too good in the end

[Rubber 1] Casper Ruud(??,2) d. Prajnesh Gunneswaran(??,335) 6-1 6-4 pic.twitter.com/fFk2kMTZGC

— Indian Tennis Daily (ITD) (@IndTennisDaily) September 16, 2022

ಅನಂತರದ ಡಬಲ್ಸ್‌ನಲ್ಲಿ ಯೂಕಿ ಭಾಂಬ್ರಿ-ಸಾಕೇತ್‌ ಮೈನೇನಿ ಕೂಡ ಎಡವಿದರು. ಕ್ಯಾಸ್ಪರ್‌ ರೂಡ್‌-ವಿಕ್ಟರ್‌ ಡುರಸೋವಿಕ್‌ ವಿರುದ್ಧ 3-6, 6-3, 3-6 ಅಂತರದ ಸೋಲಿಗೆ ಸಿಲುಕಿದರು.