ಡೇವಿಸ್‌ ಕಪ್‌: ಚೀನ ವಿರುದ್ಧ ಆಘಾತ

Team Udayavani, Apr 7, 2018, 6:00 AM IST

ತಿಯಾಂಜಿನ್‌ (ಚೀನ): ಚೀನ ವಿರುದ್ಧ ಆರಂಭಗೊಂಡ ಝೋನಲ್‌ ಲೆವೆಲ್‌ ಡೇವಿಸ್‌ ಕಪ್‌ ಕೂಟದಲ್ಲಿ ಭಾರತದ ರಾಮ್‌ಕುಮಾರ್‌ ರಾಮನಾಥನ್‌ ಮತ್ತು ಸುಮಿತ್‌ ನಗಾಲ್‌ ಸೋಲಿನ ಅಘಾತ ಅನುಭವಿಸಿದ್ದಾರೆ. 5 ವರ್ಷಗಳಲ್ಲಿ ಭಾರತ ಝೋನಲ್‌ ಲೆವೆಲ್‌ನಲ್ಲಿ ಸೋತದ್ದು ಇದೇ ಮೊದಲು.

ಯೂಕಿ ಭಾಂಬ್ರಿ ಗೈರಲ್ಲಿ ರಾಮನಾಥನ್‌ ಮೇಲೆ ಗೆಲುವಿನ ಭಾರವಿತ್ತು. ಆದರೆ ಸಿಂಗಲ್ಸ್‌ ಮೊದಲ ಪಂದ್ಯದಲ್ಲಿ ಅವರು 18ರ ಹರೆಯದ ಜೂನಿಯರ್‌ ವಿಶ್ವ ನಂ. 1 ಆಟಗಾರ ಯಿಬಿಂಗ್‌ ವು ವಿರುದ್ಧ 6-7 (4), 4-6 ಅಂತರದ ಸೋಲನುಭವಿಸಿದರು. ಭಾರತದ ಮತ್ತೂಬ್ಬ ಉದಯೋನ್ಮುಖ ಆಟಗಾರ, 213ನೇ ಶ್ರೇಯಾಂಕಿತ ಸುಮಿತ್‌ ನಗಾಲ್‌ ಅವರು 247ನೇ ಶ್ರೇಯಾಂಕಿತ ಝೆಝಾಂಗ್‌ ವಿರುದ್ಧ 4-6, 1-6ರ ಸೋಲು ಕಂಡರು. 

ಡಬಲ್ಸ್‌ನಲ್ಲಿ ಶನಿವಾರ ಪೇಸ್‌-ಬೋಪಣ್ಣ ಜೋಡಿ ಮಾವೋ ಕ್ಸಿನ್‌ ಗಾಂಗ್‌-ಡಿ ವು ಜೋಡಿಯನ್ನು ಎದುರಿಸಲಿದ್ದು, ಇದು ಭಾರತದ ಪಾಲಿಗೆ ಮಾಡು-ಮಡಿ ಪಂದ್ಯವಾಗಿದೆ.