ನಾವು ಮೊದಲೇ ಡೀನ್ ಗೆ ಎಚ್ಚರಿಕೆ ನೀಡಿದ್ದೆವು: ರನೌಟ್ ಬಗ್ಗೆ ದೀಪ್ತಿ ಶರ್ಮಾ ಹೇಳಿಕೆ

Team Udayavani, Sep 26, 2022, 4:51 PM IST

ಮುಂಬೈ: ಭಾರತ ವನಿತಾ ತಂಡದ ಆಲ್‌ರೌಂಡರ್ ದೀಪ್ತಿ ಶರ್ಮಾ ಅವರು ಚಾರ್ಲಿ ಡೀನ್ ಅವರ ವಿವಾದಾತ್ಮಕ ರನ್-ಔಟ್ ಕುರಿತು ಮಾತನಾಡಿದ್ದಾರೆ. ಡೀನ್ ಅವರನ್ನು ಔಟ್ ಮಾಡುವ ಮೊದಲು ಅವರಿಗೆ ಎಚ್ಚರಿಕೆ ನೀಡಲಾಗಿತ್ತು, ಆದರೆ ಅವರು ನಿರ್ಲಕ್ಷ್ಯ ಮಾಡಿದ ಕಾಣದಿಂದ ಔಟ್ ಮಾಡಲು ತಂಡವು ಯೋಜಿಸಿತು ಎಂದು ದೀಪ್ತಿ ಹೇಳಿದರು.

ಲಂಡನ್ ನಲ್ಲಿ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಮೂರನೇ ಏಕದಿನ ಪಂದ್ಯದಲ್ಲಿ ಇಂಗ್ಲೆಂಡ್ ಬ್ಯಾಟರ್ ಡೀನ್ ಅವರನ್ನು ದೀಪ್ತಿ ಶರ್ಮಾ ರನೌಟ್ ಮಾಡಿದ್ದರು. ದೀಪ್ತಿ ಬಾಲ್ ಹಾಕುವ ವೇಳೆಗೆ ನಾನ್ ಸ್ಟ್ರೈಕ್ ನಲ್ಲಿದ್ದ ಡೀನ್ ಅವರು ಕ್ರೀಸ್ ಬಿಟ್ಟು ಹೋಗಿದ್ದಾಗ ರನೌಟ್ ಮಾಡಲಾಗಿತ್ತು. ಆದರೆ ಇದು ಕ್ರೀಡಾ ಸ್ಪೂರ್ತಿಗೆ ವಿರುದ್ಧ ಎಂದು ಇಂಗ್ಲೆಂಡ್ ಆಟಗಾರರು ಮತ್ತು ಮಾಧ್ಯಮಗಳು ಕಿಡಿಕಾರಿದ್ದರು.

ಈ ಪಂದ್ಯದಲ್ಲಿ ಭಾರತ ತಂಡವು 16 ರನ್ ಅಂತರದ ಗೆಲುವು ಸಾಧಿಸಿದೆ. ಅಲ್ಲದೆ ಸರಣಿಯನ್ನು 3-0 ಅಂತರದಿಂದ ವಶಪಡಿಸಿಕೊಂಡಿದೆ.

ತಮ್ಮ ರನೌಟ್ ಬಗ್ಗೆ ಇಂದು ಸುದ್ದಿಗಾರರೊಂದಿಗೆ ಮಾತನಾಡಿದ ದೀಪ್ತಿ, ಅವರು (ಡೀನ್) ಪದೇ ಪದೇ ಕ್ರೀಸ್ ನಿಂದ ಹೊರ ಹೋಗುತ್ತಿದ್ದರಿಂದ ಯೋಜನೆ ರೂಪಿಸಿದೆವು. ಆಕೆಗೆ ಎಚ್ಚರಿಕೆಯನ್ನೂ ನೀಡಿದ್ದೆವು. ಆದ್ದರಿಂದ, ನಿಯಮಗಳ ಪ್ರಕಾರ ನಾವು ಔಟ್ ಮಾಡಿದ್ದೇವೆ” ಎಂದರು.

Here’s what transpired #INDvsENG #JhulanGoswami pic.twitter.com/PtYymkvr29

— ?????? (@StarkAditya_) September 24, 2022

ರನೌಟ್ ಘಟನೆಯ ಬಳಿಕ ಮಿಶ್ರ ಪ್ರತಿಕ್ರಿಯೆ ಕೇಳಿಬಂದಿತ್ತು. ಹೀಗಾಗಿ ಕ್ರಿಕೆಟ್ ನಿಯಮಗಳನ್ನು ರೂಪಿಸುವ ಎಂಸಿಸಿ ನಿಯಮದ ಕುರಿತು ಸ್ಪಷ್ಟನೆ ನೀಡಿದ್ದು, “ಚೆಂಡು ಬೌಲರ್ ನ ಕೈಯಿಂದ ರಿಲೀಸ್ ಆಗುವವರೆಗೂ ನಾನ್ ಸ್ಟ್ರೈಕ್ ಆಟಗಾರ್ತಿ ಕ್ರೀಸ್ ಬಿಡುವಂತಿಲ್ಲ” ಎಂದು ಹೇಳಿದೆ.