ಬೆಂಗಳೂರು ಬುಲ್ಸ್‌ ಗೆ ಸೋಲು, ಪುನೇರಿ ಪಲ್ಟಾನ್ಸ್‌ಗೆ ಭರ್ಜರಿ ಜಯ

Team Udayavani, Nov 1, 2022, 10:55 PM IST

ಪುಣೆ: ಕಳೆದ ನಾಲ್ಕು ಪಂದ್ಯಗಳಲ್ಲಿ ಸತತ ಗೆಲುವು ಸಾಧಿಸಿದ್ದ ಬೆಂಗಳೂರು ಬುಲ್ಸ್‌ ತಂಡವು ಮಂಗಳವಾರ ಹರಿಯಾಣ ಸ್ಟೀಲರ್ಸ್‌ ವಿರುದ್ಧ 29-27 ಅಂಕಗಳ ಅಂತರದಿಂದ ಸೋಲನುಭವಿಸಿತು.

ಆರಂಭದಿಂದಲೂ 2 ತಂಡಗಳು ಭಾರೀ ಹೋರಾಟವನ್ನೇ ನಡೆಸಿದವಾ ದರೂ, ಕಡೆಗೆ ಗೆಲುವಿನ ಮುಕುಟ ತೊಡುವಲ್ಲಿ ಹರಿಯಾಣ ಯಶಸ್ವಿಯಾ ಯಿತು. ಅದೂ ಕೇವಲ 2 ಅಂಕಗಳ ಅಂತರದಲ್ಲಿ ಈ ಪಂದ್ಯವನ್ನು ಗೆದ್ದಿತು. ಆದರೆ, ಇಡೀ ಪಂದ್ಯದಲ್ಲಿ ಬೆಂಗಳೂರಿಗೆ ಎಲ್ಲೂ ಮೇಲುಗೈ ಸಿಗಲಿಲ್ಲ ಎಂಬುದು ವಿಚಿತ್ರ.

ಹರಿಯಾಣ ಪರ ಮೀತು ಶರ್ಮ 9, ಬಸ್ತಾಮಿ 5 ಅಂಕ ಗಳಿಸಿ ಗೆಲುವಿಗೆ ನೆರವಾದರು. ಬೆಂಗಳೂರು ಪರ ಭರತ್‌ 10, ಸಚಿನ್‌ 5 ಅಂಕ ಗಳಿಸಿದರು. ಈ ಪಂದ್ಯದಲ್ಲಿ ಸೋತರೂ ಬುಲ್ಸ್‌ ತಂಡವು ಅಂಕಪಟ್ಟಿಯಲ್ಲಿ 35 ಅಂಕಗಳೊಂದಿಗೆ ಅಗ್ರಸ್ಥಾನದಲ್ಲೇ ಮುಂದುವರಿದಿದ್ದರೆ, ಪುನೇರಿ ಪಲ್ಟಾನ್‌ 32 ಅಂಕಗಳೊಂದಿಗೆ ಎರಡನೇ ಸ್ಥಾನಕ್ಕೇರಿದೆ.

ಪುನೇರಿಗೆ ಭರ್ಜರಿ ಜಯ
ಮಂಗಳವಾರ ನಡೆದ ಮತ್ತೊಂದು ಪಂದ್ಯದಲ್ಲಿ ಪುನೇರಿ ಪಲ್ಟಾನ್ಸ್‌ ತಂಡವು ದಬಾಂಗ್‌ ಡೆಲ್ಲಿ ವಿರುದ್ಧ 43-38 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿತು. ಪುನೇರಿ ಪರ ಆಕಾಶ್‌ ಶಿಂಧೆ ಮತ್ತು ಮೋಹಿತ್‌ ಗಯಾತ್‌ ತಲಾ 13 ಅಂಕ ಗಳಿಸಿದರು. ಡೆಲ್ಲಿ ಪರ ನವೀನ್‌ ಕುಮಾರ್‌ 16 ಅಂಕ, ಆಶು ಮಲಿಕ್‌ 8 ಅಂಕ ಗಳಿಸಿದರಾದರೂ, ತಂಡವನ್ನು ಗೆಲುವಿನತ್ತ ಕೊಂಡೊಯ್ಯಲು ಆಗಲಿಲ್ಲ. ಪಂದ್ಯದ 5 ನಿಮಿಷದ ವರೆಗೆ ಇತ್ತಂಡಗಳು ಸಮಬಲ ಸಾಧಿಸಿದ್ದವು. ಅನಂತರದಲ್ಲಿ ಪುನೇರಿ ಅಂತರವನ್ನು ಏರಿಸುತ್ತ ಸಾಗಿತು.