ದುರ್ನಡತೆ: ದನುಷ್ಕ ಗುಣತಿಲಕ ಅಮಾನತು

Team Udayavani, Jul 24, 2018, 11:07 AM IST

ಕೊಲಂಬೊ: ಶ್ರೀಲಂಕಾದ ಮಧ್ಯಮ ಸರದಿಯ ಆಟಗಾರ ದನುಷ್ಕ ಗುಣತಿಲಕ ಅವರನ್ನು ಶ್ರೀಲಂಕಾ ಕ್ರಿಕೆಟ್‌ ಮಂಡಳಿ ಎಲ್ಲ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಪಂದ್ಯಗಳಿಂದ ಅಮಾನತು ಮಾಡಿದೆ. ಅವರ ವಿರುದ್ಧ ವಿಚಾರಣೆಯನ್ನು ಬಾಕಿ ಉಳಿಸಿ, ಈ ನಿರ್ಧಾರ ಪ್ರಕಟಿಸಲಾಗಿದೆ. ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧ ಇಲ್ಲಿ ನಡೆಯುತ್ತಿರುವ ಎರಡನೇ ಹಾಗೂ ಅಂತಿಮ ಟೆಸ್ಟ್‌ ಪಂದ್ಯದ 3ನೇ ದಿನದ ಕೊನೆಗೆ ಈ ನಿರ್ಧಾರ ಹೊರಬಿದ್ದಿದೆ.

ತನ್ನ ನಿರ್ಧಾರದ ಕುರಿತು ಹೆಚ್ಚು ವಿವರಣೆ ನೀಡದ ಮಂಡಳಿ, ಆಟಗಾರ ನೀತಿ ಸಂಹಿತೆಯನ್ನು ಉಲ್ಲಂ  ಸಿರುವುದಾಗಿ ತಂಡದ ಆಡಳಿತ ವರದಿ ಮಾಡಿದ ಬಳಿಕ ಶ್ರೀಲಂಕಾ ಕ್ರಿಕೆಟ್‌ ಮಂಡಳಿ ಪ್ರಾಥಮಿಕ ತನಿಖೆ ಕೈಗೊಂಡಿತು. ಅದರಂತೆ, ಗುಣತಿಲಕ ಅವರನ್ನು ಅಮಾನತು ಮಾಡುವ ನಿರ್ಧಾರ ಕೈಗೊಳ್ಳಲಾಗಿದೆ. ಸದ್ಯ ನಡೆ ಯುತ್ತಿರುವ ಪಂದ್ಯದಲ್ಲಿ ಆಡಲು ಅವರಿಗೆ ಅವಕಾಶ ಕಲ್ಪಿಸಲಾಗಿತ್ತು ಎಂದು ಹೇಳಿಕೆಯೊಂದರಲ್ಲಿ ತಿಳಿಸಿದೆ.

ಇದು ಅತ್ಯಾಚಾರ ಪ್ರಕರಣ!
ಆದರೆ ಮಾಧ್ಯಮಗಳ ವರದಿ ಪ್ರಕಾರ, ಪ್ರವಾಸ ಬಂದಿರುವ ನಾರ್ವೆ ಯುವತಿಯೊಬ್ಬರು ದೂರು ನೀಡಿದ್ದು, ವ್ಯಕ್ತಿಯೊಬ್ಬ ತನ್ನನ್ನು ಹೊಟೇಲ್‌ ಕೊಠಡಿಯೊಂದರಲ್ಲಿ ಅತ್ಯಾಚಾರ ಮಾಡಿದ್ದು, ಈ ವೇಳೆ ದನುಷ್ಕ ಗುಣತಿಲಕ ಅಲ್ಲೇ ಇದ್ದರೆಂದು ಆರೋಪಿಸಿದ್ದಾರೆ.