ಧೋನಿ ಮೊದಲು ಪ್ರೀತಿಸಿದ್ದು ಸಾಕ್ಷಿಯನ್ನಲ್ಲ, ಸ್ವಾತಿಯನ್ನು!

Team Udayavani, May 10, 2018, 7:05 AM IST

ಚೆನ್ನೈ: ಟೀಮ್‌ ಇಂಡಿಯಾದ ಮಾಜಿ ನಾಯಕ, ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ಕಪ್ತಾನ ನಾಯಕ ಮಹೇಂದ್ರ ಸಿಂಗ್‌ ಧೋನಿ ಮೊದಲು ಪ್ರೀತಿಸಿದ್ದು ಯಾರನ್ನು ಗೊತ್ತೇ? ಈ ರಹಸ್ಯ ಕಾರ್ಯಕ್ರಮವೊಂದರಲ್ಲಿ ಬಯಲಾಗಿದೆ. ಸ್ವಲ್ಪ ನಾಚಿಕೊಂಡೇ ಮಾತನಾಡಿದ ಧೋನಿ, ಅರೆಮನಸ್ಸಿನಿಂದ ತಾನು ಮೊದಲು ಪ್ರೀತಿಸಿದ ಹುಡುಗಿ ಹೆಸರನ್ನು ಬಾಯ್ಬಿಟ್ಟರು. ಆ ಹುಡುಗಿ ಹೆಸರು ಸ್ವಾತಿ. ಅವರು ಆಕೆಯನ್ನು ಕಡೆಯ ಬಾರಿಗೆ ನೋಡಿದ್ದು ದ್ವಿತೀಯ ಪಿಯುಸಿಯಲ್ಲಿದ್ದಾಗ!

“ಧೋನಿ: ಅನ್‌ಟೋಲ್ಡ್‌ ಸ್ಟೋರಿ’ ಸಿನಿಮಾದಲ್ಲಿ ಧೋನಿಯ ಮೊದಲ ಪ್ರೀತಿ ಶುರುವಾಗಿದ್ದು ವಿಮಾನದಲ್ಲಿ, ಆಗ ಪಕ್ಕದಲ್ಲಿ ಕೂತಿದ್ದ ಯುವತಿಯೇ ಅವರನ್ನು ಬಹುವಾಗಿ ಸೆಳೆದಿದ್ದರು ಎಂದು ವರ್ಣಿಸಲಾಗಿತ್ತು. ಆದರೆ ಈ ಪ್ರೀತಿ ಬೆಳೆಯಲಿಲ್ಲ. ಅನಂತರ ಧೋನಿ ತಮ್ಮ ಬಾಲ್ಯ ಗೆಳತಿ ಸಾಕ್ಷಿಯನ್ನು ವಿವಾಹವಾದರು. ಆದರೆ ಧೋನಿ ಹೊಸತಾಗಿ ಬಾಯ್ಬಿಟ್ಟಿರುವ ಸ್ವಾತಿ ಎಂಬ ಹುಡುಗಿ ಇವರಿಬ್ಬರಿಗೂ ಮುನ್ನವೇ ಪರಿಚಯವಿದ್ದಾಕೆ!

ಧೋನಿಯಿಂದ ಈ ಸತ್ಯವನ್ನು ಹೊರಡಿಸುತ್ತಿದ್ದ ಕಾರ್ಯಕ್ರಮ ನಿರೂಪಕ ಅದೇ ಕ್ಷಣದಲ್ಲಿ ಒಂದು ಬಾಂಬ್‌ ಸಿಡಿಸಿದರು. ಸ್ವಾತಿ ಹೆಸರಿನ ಆ ಹುಡುಗಿ, ಕಾರ್ಯಕ್ರಮದಲ್ಲಿ ಹಾಜರಿದ್ದಾರೆ ಈಗ ಆಕೆ ವೇದಿಕೆ ಬರುತ್ತಿದ್ದಾರೆ ಎಂದು ಸುಳ್ಳು ಸುಳ್ಳೇ ಪ್ರಕಟಿಸಿದರು.ಆದರೆ ಆಕೆ ವೇದಿಕೆಗೆ ಬರಲಿಲ್ಲ, ಧೋನಿ ನಿಟ್ಟುಸಿರುಬಿಟ್ಟರು!