ಮತ್ತೆ ತಂಡಕ್ಕೆ ಮರಳುವೆ ಡು ಪ್ಲೆಸಿಸ್‌

Team Udayavani, May 11, 2020, 5:52 AM IST

ಜೊಹಾನ್ಸ್‌ಬರ್ಗ್‌: 2020-21ರ ಋತುವಿನಲ್ಲಿ ಎಲ್ಲ ಮೂರು ಮಾದರಿಯ ಕ್ರಿಕೆಟ್‌ನಲ್ಲಿ ಆಡುವ ಬಯಕೆಯನ್ನು ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಫಾ ಡು ಪ್ಲೆಸಿಸ್‌ ವ್ಯಕ್ತಪಡಿಸಿದ್ದಾರೆ.

35ರ ಹರೆಯದ ಡು ಪ್ಲೆಸಿಸ್‌ ಕಳೆದ ಋತುವಿನಲ್ಲಿ ನಾಯಕನಾಗಿ ಸಂಪೂರ್ಣ ವಿಫ‌ಲರಾದ ಕಾರಣ ಸೀಮಿತ ಓವರ್‌ಗಳ ಕ್ರಿಕೆಟ್‌ ತಂಡಕ್ಕೆ ದಕ್ಷಿಣ ಆಫ್ರಿಕಾ ಕ್ರಿಕೆಟ್‌ ಮಂಡಳಿ ಕ್ವಿಂಟಾನ್‌ ಡಿ ಕಾಕ್‌ ಅವರನ್ನು ನಾಯಕರನ್ನಾಗಿ ಆಯ್ಕೆ ಮಾಡಿತ್ತು. ಇದೀಗ ವೆಸ್ಟ್‌ಇಂಡೀಸ್‌ ವಿರುದ್ಧದ ಟೆಸ್ಟ್‌ ಸರಣಿಯ ಪ್ರವಾಸಕ್ಕೆ ನೂತನ ನಾಯಕನ ಆಯ್ಕೆ ನಡೆಯಲಿದೆ. ಈ ಹಿನ್ನೆಲೆಯಲ್ಲಿ ಡು ಪ್ಲೆಸಿಸ್‌ ಮರಳಿ ತಂಡದಲ್ಲಿ ಸ್ಥಾನ ಪಡೆಯುವ ಇಂಗಿತವನ್ನು ವ್ಯಕ್ತಪಡಿಸಿದ್ದಾರೆ.

ಕೋವಿಡ್‌-19ರಿಂದಾಗಿ ಕ್ರಿಕೆಟ್‌ ಜಗತ್ತು ನಿಶ್ಶಬ್ದಗೊಂಡ ಕಾರಣದಿಂದಾಗಿ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಕೂಡ ಮುಂದೂಡಲ್ಪಟ್ಟಿದ್ದು ಐಪಿಎಲ್‌ ಆರಂಭಕ್ಕಾಗಿ ಎದುರು ನೋಡುತ್ತಿರುವೆ ಎಂದು ಡು ಪ್ಲೆಸಿಸ್‌ ಹೇಳಿದ್ದಾರೆ.